Jeremías 51:6 - La'aqtaqa Ñim Lo'onatac 'Enauacna 2013

⁶ ¡Qoquiỹa'ai ye Babilonia! ¡Qananeltaxañi yaqto' qarca'alleeuec! ¡Saishet qome da qaullivi, souaxat na lasouaxashet yemayepi! Cha'aye mashe ivita ye laloqo' da sauo'o ca ivi', nache sesheeten qome ipacchigui ñaqa'en dam naigui nam ỹo'otpi.

Jeremías 51:6 Referans Kwoze

Jeremías 50:8

¡Qoquiỹa'ai qome na Babilonia, maye lma' na caldeopi! ¡Qaunoxoñeeuec qome qalaq qoñeeta'am ca lca'ataxala' ana qaguetapi!

Jeremías 50:28

Na shiỹaxauapi 'eltaxaicpi maye chegaqa'a ye Babilonia ivita ye Sión, nache ỹa'axattac da 'eetec Ñim Nataxala' Ñim Qanatamnaxala' dam Ñimaye ỹanem dam naigui da ỹo'ot na lma' ye Babilonia, souaxat dam ỹo'ot co'ollaxa da ilaxachigui aso atamnaxaqui.

Jeremías 50:15

¡Qauconñiisop yemaye nache qaua'alqaitalec da alaataxac, qoñeeta'! ¡Ye Babilonia mashe nañan! ¡Mashe hua'axañi ana lalloxolatepi qataq qalagoxouec na lpaqtaxanaxatpi! ¡Qaq 'era da so'otec da she'eguelaxateguet yemayepi! ¡Ñaq qavi'eguelaxacheeguet qome, nache qaue'enaxachiichigui dam ỹo'ot co'ollaxa namayepi!

Jeremías 51:45

Qami' ỹalamaxat nhuo' le'ecpi qoquiỹa'ai qome yemaye, ¡ñi 'oonolec maiche nca'alaxaala't qome da 'eteguet dam 'ettaigui ỹayeloxo!

Jeremías 25:14

Qataq nam 'amaqtaqaicpi shiỹaxauapi qataq nta'alpi maye 'añaxaicpi qalaq ỹamaqtac qome namayepi. Qaq 'era da sheetec da sanem qome da nsheetenaguec maye lasheue nam ỹo'otpi.›»

Números 16:26

Nache so Moisés 'enapega 'enauac se'eso laỹoota'a't shiỹaxauapi, 'eeta': Qoquiỹa'aisalo naua lpele'ete ne'enaua na'amqaanaxaiqa shiỹaxau', qataq saishet da huo'o ca qauacoñiỹa na lalamaxat logoxoshetpi, yaqto' saishet da qaullivi souaxat na lasouaxashetpi naamaye.

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

1 Timoteo 5:22

Saishet da 'aỹalapegue' da huo'o ca 'aneua'a da lo'onataxanaxac Ñim Lo'onatac 'Enauacna, cha'aye saiuena'a da huo'o ca lasouaxashet, nache nataqa'en 'am nshepaxanaqchet. ¡'Antela'agueto' 'enauac na sa ỹaỹamaxañisat!

Jeremías 51:50

Qaq qami' maye qami' ỹe't da nalaataxanaxac, qauataiuec qome, nache saishet da huo'o ca vi'iiguet, qaq na'aictaxa qome da qami' qaỹoqtalo qalaq qauennachiỹa'a Ñim Nataxala' qataq qauennachiỹa'a qome ye Jerusalén.

Jeremías 51:11

Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Jeremías 51:9

Mashe sauoqo'o so lata' ye Babilonia, qalaxaye saishet da no'oita. ¡Ña qauaqaita'a yemaye! Qolaq qolqa'ai ne'ena, ñi 'oonolec ỹe'eguelaxa qome ca maiche lma' cha'aye da nhuaxanaguec ỹataqta iviro'ot na piguem. Da nhuaxanaguec qalaq napacalec na lo'oc na piguem.

Jeremías 50:31

Ñim Nataxala' maye Qaica ca Ỹaqalanapec, 'eeta': Qami' ỹotta'a't shiỹaxauapi maye qaica ca qanỹeñi, Aỹem qami' sataỹa'agueta, mashe ivita na na'a'q qataq na laloqo' da sauo'o ca qanhuaxanaguiqui.

Isaías 48:20

Qoquiỹa'ai na babilonia qautaiueguesop na caldeopi. Qaua'axachiiuec de'era na'axaỹaxac nache qaua'alqai souaxat da qantonaxaqui, qataq qaviraxacha'a nam hueta'a na pa'atec ana 'alhua, qoñeeta': «¡Ñim Nataxala' isouec so Jacob maye lamaxashec!»

Jeremías 46:10

Qaq que'eca na'a'q nacheca ca lalamaxat Ñim Nataxala' maye Qaica ca Ỹaqalanapec, que'eca na'a'q nache huaigui da ỹe'eguelaxateguet nam mpa'aguenaxauapi. Ca ỹeelonec qalaq qalota qome ca ỹalauat nache ivitta'a da nlaqtegue na ntago'q. Cha'aye Ñim Nataxala' maye Qaica ca Ỹaqalanapec ỹauo'o qome ca lta'araic lalaataxanaxac da huaña ye 'alhua maye pa'aigue da sheu' maye hueto'ot na loigue so tala Éufrates

Jeremías 27:7

Qaq 'enauac qome na ỹotta'a't shiỹaxauapi da do'onataxanot ñimaye, qataq ca llalec qataq ca laual, choche ivitta'a qome da ivita ca laloqo' da na 'amaqtaqaic ỹotta'a't shiỹaxauapi qataq na 'añaxaicpi nta'alpi da ilo'ogue na na'alhua ñimaye.

Jeremías 25:16

Qaq qom mashe nỹomgui namayepi ana'ana ỹomaxaqui, nache anol qataq 'eeta'am qome ca huo'o da aloic, souaxat ca alaataxac maye ñamaxa qome namayepi.»

Proverbios 13:20

Ca sa iỹotec na ỹaanaxanaxaicpi qalaq nataqa'en ỹaanaxanaxaic, qaq ca sa iỹotec na qaica ca ỹaỹaanapec qalaq taỹa'a da deqat.

Deuteronómio 32:43

¡Qaq qami' ỹotta'a't shiỹaxauapi qauanaqui qome da qaualliquiiua'a da ntonaxac na nhuo' le'ecpi maye lalamaxat Ñim Nataxala'! ¡Ñimaye ipalaique lvi' da l-leuaxa na lamaxashecpi, nache Ñim Nataxala' qom mashe ỹauo'o lvi' souaxat na mpa'aguenaxauapi, nache ỹapalaxat qome na nasouaxashetpi yi'iye 'alhua qataq na lalamaxatpi nhuo' le'ecpi!

Deuteronómio 32:41

Qaq qom sequeuoc ca ỹataqta qashelec ỹainec, nache da ihuaqỹaxac ỹacoolec da ỹo'ot ca ỹaỹamaqchiguiñi lataxac, ¡nache sepalaique ivi' da so'ot da nhuaxanaguec na ñepa'aguenaxauapi! nache so'otec da 'itchiguiñi nhuaxanaguec na aỹem nquiỹategapi.

Deuteronómio 32:25

Qataq huangui qanqa'en ca nqa'aic da qaỹalauat na llalaqpi qairolec ca ỹeelonec, qataq da hueta'a ca lma' qalaq ỹe'elaqtapigui', qaq na nsoxoppi qataq na qa'ampi qalaq ileu, qataq na ñaq lleptacpi qataq na mashe ỹa'axaiquipi.

Isaías 63:4

Aỹem mashe llapaqtañi da huo'o ca na'a'q qaq sauo'o ca ivi', qaq nagui mashe ivita ye laloqo' da sesouec na ỹalamaxat nhuo' le'ecpi.

Jeremías 48:6

¡Ñaq qauataiuec qome! ¡Maicheye cam ishet da nca'alec! ¡Qaue'enaxache aca qo'oipaqole huo'o ana le netalec ca toolec 'alhua!

Jeremías 51:36

Ñim Nataxala', 'eeta': «Aỹem 'am so'otec qome ca nalochiguiñi lataxac, da sauo'o ca ivi' da she'eguelaxateguet na 'ampa'aguenaxauapi. Nache imauec qome ñaqa'en da deqaqta so tala qataq na npaxaatasheguem 'etaxat ye Babilonia,

Jeremías 51:56

Anac da ilaxachigui ye Babilonia nache loxonec qome na alleppi qataq ỹacagaxachigui na lchecnecpi namayepi. Cha'aye Ñim Nataxala', Nacheñi Ñim Lo'onatac 'Enauacna, maye ỹanem nam naigui nam ỹo'otpi ñi 'oonolec.

Lamentaciones 3:64

'Am Nataxala', talec 'anqa'en namayepi cam nsheetenaguec na ỹo'ottac.

Salmos 94:1

'Am Nataxala', maye ishet da 'apalaique ca nvi', 'Am Atamnaxala', ñaq 'anachaxan qome.