Jeremías 51:57 - La'aqtaqa Ñim Lo'onatac 'Enauacna 2013

⁵⁷ Ñim Nta'a, Ñim Nataxala' maye Qaica ca Ỹaqalanapec, 'eeta': «Setaqchet qome na lataxala'pi ye Babilonia, nam ỹaanaxanaxaicpi qataq na nta'alpi, qataq na ltauapi, qataq na alleppi nache talec qome ca chochaq tatec lo'ochaxa nache saishet da qaltaq nlouec.

Jeremías 51:57 Referans Kwoze

Jeremías 46:18

Qaq Aỹem maye Aỹem Nta'a, da ỹe'enaxat, 'eeta': Nataxala' maye Qaica ca Ỹaqalanapec, san da ỹa'aqtac maye, 'eeta': 'Eeta'am añi qasoxonaxa Tabor da saishet da 'ena'am ana laỹepi qasoxonaxapi qataq añi qasoxonaxa Carmelo maye netaua'a na laỹe aso auaxai, qaq nache 'eetec qome da anac na pa'aguenaxauapi.

Jeremías 48:15

Cha'aye mashe nayeetai' nam ilaxachigui qome ye Moab, qataq nam huaqta'a't nỹecpi maye ỹotta'a't na nañalo, qataq na no'on nsoxoppiolec qalaq ileu qome. Qaq 'era da la'aqtac Ñim Nta'a, maye le'enaxat Nataxala' maye Qaica ca Ỹaqalanapec.

Jeremías 25:27

Qaq ime, nache aỹem 'enapega Ñim Nataxala', 'eeta': «Qonapega namayepi da, Aỹem Nataxala' maye Qaica ca Seqalanapec, maye Natamnaxala' na Israel le'ecpi, samaxalec namayepi da nỹomgui qome, nache ivitta'a da taxaicpi qataq noltañi, qataq hueta'aguet na 'alhua, nache saishet da ñisheguem, souaxat ca alaataxac maye ñamaxa qome namayepi.

Jeremías 51:39

Qaq qom mashe napaqhuec, nache ñeỹomaxangui qome cam ishet da itaqchet, nache deqat qome naqa'en da ntoonaxac. Qaq huaña, nache taigui cam chochaq tatec lo'ochaxa nache saishet qome da qaltaq nlouec. Qaq 'era da ỹa'aqtac Aỹem Nataxala'.

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

Malaquías 1:14

¡Ỹataqta qauem qome ca talec, cam datenataxan da Aỹem ỹachaxanapeguem ca lalo shiguiỹac no'oita, qaq ime nache Aỹem ỹanot cam shiguiỹac maye huo'o ca lque'emaxa! Aỹem maye Aỹem 'amaqtaqaic Nta'a, qataq Aỹem lcolanaxat na ỹotta'a't shiỹaxauapi.» Qaq 'era da la'aqtac Ñim Nataxala' maye Qaica ca Ỹaqalanapec.

Nahúm 1:10

Qaq ỹoqo'oye qoñiita'am qome aca ipogotta't qo'oipaq lepi, qataq ca 'auaqpi deqaqta da nmichiguiñi qome da ỹavic.

Isaías 37:36

Nache so lamaxashec Ñim Nataxala' jec, nache ỹalauat so ciento ochenta y cinco mil alleppi, huaña naqa'en yem lanataqa' so Asiria le'ecpi, qaq so lỹa na'a'q co'ollaq nlouec so laỹepi nache ilalec som leuaxaicpi huetaiya'.

Isaías 6:5

Qaq huaña nache shenapec: «¡Choxoraicolec aỹem, yo'oqta da seleu nagui! Cha'aye ỹataqta sauaachigui Ñi Nta'a, Ñim Nataxala' maye Qaica ca Ỹaqalanapec, cha'aye aỹem ỹataqta aỹem 'etaxaloxoic, qataq salectaigui na nhuo' le'ecpi maye ỹataqta qauema naua la'aqtaqa.»

Isaías 44:25

Aỹem saishet da ipacchigui ñaqa'en nam ỹa'axatta'api na na'aqtaxanaxanecpi maye saq'en, qataq na ilaviigui ca lỹa so'otec da santouen. Qataq na ỹaanaxanaxaicpi so'otec da nquictañi na laỹaanecpi.

Jeremías 13:13

Qaq 'am 'auasateguet qome namayepi, qoneta': ‹Ñim Nataxala', 'enapec: Aỹem so'otec qome da taxaicpi 'enauac nam hueta'a ne'ena 'alhua, nam nta'alpi maye nso'ootangui añi nso'onaxaqui so David, qataq na ntaxaỹaxanaxanecpi, na na'aqtaxanaxanecpi qataq 'enauac nam hueta'a ye Jerusalén.

Jeremías 50:30

Qaq ỹoqo'oye nam lalamaxatpi nsoxoppiolec huetangui qome na nqa'aicpi da ileu, qataq 'enauac na nalleppi alaataxaicpi ileu qome que'eca na'a'q. Qaq 'era da ỹa'aqtac Aỹem Nataxala'.

Ezequiel 20:33

Cha'aye Aỹem Nataxala', maye Qanatamnaxala'ai, maiche ñañan da san da ỹa'aqtac, da qami' selo'oguelo qome sauota'a da ỹa'añaxac, qataq sachaxanec na ihuaq, qataq ñashetcheguem da inogoxonaxac,

Nahúm 3:18

¡'Am nta'a na Asiria, na 'aramaxashec nataxala'pi qalaq do'ochaañi! Qaq nam 'amaqtaqaicpi lataxala' na 'analleppi qalaq nmatteguec, qaq na 'analleppi qalaq laguelec ana qasoxonaxapi, nache qaica ca anac da laỹona't namayepi.