Jeremías 51:51 - La'aqtaqa Ñim Lo'onatac 'Enauacna 2013

⁵¹ Qami' qoñeeta' naxa: «Huo'o naxa da qara'agaxa da sa'axasoqtega da qomi' qaisheueeta'ape. Da qane'enaguec qalaq huetaigui da qarasheguiỹaxac, cha'aye na chegaqauec shiỹaxauapi huenoxoneua'a ye ndaqa' maye qui'itta añi atamnaxaqui maye lalamaqte Ñim Nataxala'.»

Jeremías 51:51 Referans Kwoze

Lamentaciones 1:10

Nam depa'aguenataxaatacpi qalaq ỹauo'o lalamaxat da lsallaxa ye Jerusalén. Qaq yemaye ỹauaachigui co'ollaxa nam chegaqauec shiỹaxauapi da inoxonoigui aso atamnaxaqui, nam shiỹaxauapi maye saishet da 'auashenem co'ollaxa da inoxonoigui asom 'aralamaqte naponaxaqui.

Salmos 79:4

Nache ỹataqta qomi' ỹe'enai'salo na qarhuoreuapi, qataq qomi' ne'eetapiguilo na qomi' coleesopa.

Miqueas 7:10

Qaq na aỹem ipa'agueetac qom ila'a damaye, nache ỹataqta lta'araic da la'agaxa nam aỹem detaqtega co'ollaxa, 'eeta': ¿Hua'ague ca neta'ague cam Nataxala' maye 'Anatamnaxala'? Qaq aỹem sa'amaqchiguiñi qom sauaachigui da huetaiya', qaỹapetapigui 'eeta'am ca nshaxa maye huetangui ca nqa'aic.

Daniel 11:31

Qaq cam nalleppi, qalaq ishepaxanaqchet qome aca atamnaxaqui, qataq cam mpaqtaxanaxatpi, qataq ỹa'axaneguet qome aca qoỹaategueuo nachetaqtaxanaqtepi ye na'a'q, nache nmeneguet naqa'en ca nachetaqtaxanaxat maye ỹataqta qaiqaiga.

Ezequiel 36:30

Qataq nataqa'en so'ot qome da ana qo'oipaqpi, qataq na no'onaxapi ỹataqta qalota aca ala, yaqto' qami' saishet da ỹe'eguelaxa da qami' nlaqchiguilo da qara'agaqai da qaualliquiitaigui na laỹepi shiỹaxauapi souaxat na qarqouaqai.

Ezequiel 24:21

'aua'aqtaxanem qome na Israel le'ecpi, qoneta': 'Era da la'aqtac Ñim Nataxala': Aỹem seshepaxanaqchet qome añi ỹalamaqte atamnaxaqui, maye qarqopichiỹa naxa da qaualleetaua'a, qataq qarauotaqche, qataq ỹo'ot da qaño'oxonnaxaqui qataq qara'añaxaqui, qaq yem qaỹa'alquipi ỹalleppi, qataq 'alpi maye qano'onaxachiỹaña co'ollaxa ye Jerusalén, qalaq qaỹalauat qome qairolec ca ỹeelonec.

Ezequiel 9:7

Ime qaltaq 'enapegalo soomaye, 'eeta': «Qanqo'oñiiua'a añi atamnaxaqui, nache qanshepaxanaqcheche, qanlaxacheetelec na leuaxaicpi ye nqasoxoc.» Nache soomaye jec da nqo'ona ye huaqta'a't nỹecpi, nache ỹalauat so shiỹaxauapi.

Ezequiel 7:18

Qataq ỹaayiñi naua sansattegueta alogo souaxat da nqui'ic, qataq 'enauac da lo'ocỹaxac da cholaxan qome, qataq ỹataqta napagaqtec da lasheguiỹaxac souaxat da lcoxo, qataq namarec 'enauac na lqaic.

Lamentaciones 5:1

'Am Nataxala', ña 'auennata'a qome da souaqaigui, qomi' 'anamata'alo nache 'aumeten da qane'enaguec.

Lamentaciones 2:20

Ña 'aulogui 'am Nataxala', qataq 'auennataxaalec da saỹauano' da huo'o ca qonetec de'era. ¿Isheto' peta'a nam nate'elpi da chec nam llalaqpi maye ñaq lleptac? ¿Peta'a iuen da qaỹalauat nam ntaxaỹaxanaxanecpi, qataq nam na'aqtaxanaxanecpi da huagui ñim npe'l maye 'aralamaxat?

Jeremías 52:13

nache ỹavigaxat aso atamnaxaqui, so lma' lta'araic so nta'a, qataq 'enauac so nma'pi yi'iye huaqta'a't nỹecpi, qataq so lma'pi som 'amaqtaqaicpi nataxala'pi,

Jeremías 31:19

Aỹem 'am sheca'ai co'ollaxa qalaxaye huo'o da ñetogotaxac, saỹateeta da huo'o da ỹasouaxashet, nache seuet ana itogue, qaq ỹataqta huo'o da ỹa'agaxa qataq ñanomta da qaica ca shenec, souaxat na ỹasouaxashetpi chegoqta'a co'ollaq ñaq aỹem nsoqolec.›

Jeremías 14:3

Na sallaxanecpi qalaq ỹamaq naxa na lamaxashecpi da ilaique 'etaxat, nache namayepi taỹa ana laỹe'pi na 'etaxat, qalaxaye saỹanata, nache qui'itchiguilo naxa naua laco'oña da ỹe'eguelaq, nache saỹaỹaten ca 'eetec qataq nlaqchigui da la'aloxo, qataq ỹapoleguete naua lqaigo.

Salmos 109:29

Qaq na aỹem ipa'agueetac qalaq huetalec qome da la'aloxo, nache damaye 'eeta'am qome ca lapo' da napotaña.

Salmos 79:12

'Am Nataxala', siete qome da 'avi'eguelaxalec da nque'eteeta 'anqa'en na qarhuoreuapi, souaxat na qauemsat maye 'am ỹasaxalec.

Salmos 79:1

'Am Qanatamnaxala', na ỹotta'a't shiỹaxauapi nnoxotaua'a na 'aralamaxatpi, qataq ỹe'enai' ana qui'itta atamnaxaqui maye 'aralamaqte, qataq nlaxatchiguiñi na Jerusalén.

Salmos 71:13

Ñaq na'aloxoota'acra' 'anqa'en na aỹem ipa'agueetac, ña 'auauo'o qome da na'aloxonaxac na huotaique da aỹem ỹo'otec ca qauem.

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Miqueas 6:16

Cha'aye qoguegue nam lamaxasoxonaxacpi so Omri, qataq nam ỹo'otpi co'ollaxa som llalaqpi so Ahab, nache qoquetelec da lataxac somayepi, qaq ỹoqo'oye 'am saneguet qome da 'am qailaxachigui qataq qane'eetapigui nam shiỹaxauapi maye 'am netaigui, huaña nache 'am huetalec qome da lta'araic la'agaxa na ỹalamaxat nhuo' le'ecpi.

Salmos 89:46

'Am Nataxala', ¿che laguio' da 'axaañi da 'anqañoxottapiguiñi? ¿Peta'a nache 'eetai' da 'ettaigui da 'arayeloxo 'eeta'am ca norec?

Isaías 13:1

Da nauanaqchec maye ỹa'axata'a dam talec qome ye Babilonia, dam qaỹachaxana co'ollaxa so Isaías, som llalec so Amós.

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.

Isaías 21:1

Da na'aqtac da qaỹa'axata'a ye toolec 'alhua maye huaqta'ai' aye auaxai, 'eeta': 'Eeta'am ca la'at maye chegoxogue da taguiñi, da anac nam chegaqalec ye toolec 'alhua, yem 'alhua maye ncolanaxat.

Isaías 47:1

Ña 'aunotec 'am qa'añole Babilonia, maye saxanaqca ca 'arhua, nache 'anso'ongui na namoxoỹaxa, ña 'aunoteeguesop añi 'anso'onaxaqui 'am qa'añole Caldea, nache 'anso'onangui na 'alhua, cha'aye saishet qome da qaltaq qaỹe'eguelaxa da 'am qaỹamata'ac da 'am nogotole qataq da 'am 'onaxaale.

Jeremías 25:26

qataq 'enauac na nta'alpi maye pa'aigue da sheu', nam saqaỹara'che huo'otaq na qaỹoqtache. Qaq damaye, 'eeta': 'enauac na nta'alpi ana 'alhua. Qaq nache pa'atec qome da nỹomgui ñi nta'a ye Babilonia.