Jeremías 51:44 - La'aqtaqa Ñim Lo'onatac 'Enauacna 2013

⁴⁴ «Sauo'o qome ca nhuaxanaguec ñi atamnaxala' Bel ye Babilonia, Aỹem so'ot qome da anolec som iuoxonañi co'ollaxa, na ỹotta'a't shiỹaxauapi qalaq saishet da ỹe'eguelaxa da natamnot ñimaye, qataq saishet qome da nachattañi na lpaqtaxatpi ye Babilonia.

Jeremías 51:44 Referans Kwoze

Jeremías 51:58

Aỹem Nataxala', maye Qaica ca Seqalanapec, sheeta': Na qalotegue lpaqtaxatpi ye Babilonia imauec qome da qaỹamaxauec, qaq naua lta'araiqa naso'omi qalaq qaỹavigaxa't qome. Nache qaica ca naigui da lo'onataxanaxac co'ollaxa na ỹotta'a't shiỹaxauapi, cha'aye dam lqui'itaxa co'ollaxa qalaq taỹa'a da tangui ca norec.»

Jeremías 51:34

Ye Jerusalén maye hueta'a ye Sión, 'eeta': «Ñi nta'a ye Babilonia aỹem chec, qataq aỹem ilaxachigui, nache ỹo'ot da sheeta'am ca nquia'axaqui da qui'itchigui. Qataq 'eeta'am ca shiguiỹac lta'araic 'etaxat le'ec da aỹem iuoxonañi, nache ỹataqta nlaqchigui ñimaye da isallaxa maye aỹem hueto'ot co'ollaxa, qaq so laỹepi maye no'onañi qalaq ỹalat.

Jeremías 50:2

«Qaua'axachem qome de'era nam ỹotta'a't shiỹaxauapi. Qanauaxaỹaxañiisheguem qome aca la'anaqte, qaua'axacheeuec saishet da qo'oxocheetañi, nacherata da qoñeeta': ‹¡Ye Babilonia noxonec qome! ¡Ñi atamnaxala' Bel qalaq huo'o qome da la'aloxo, qaq ñi atamnaxala' Marduc qalaq nlaqchigui da lcolanaxa! ¡Nam lqolacpi qataq na saq'en natamnaxala'pi qalaq qane'eetapigui qataq nlaqchigui da lli'iỹaxa!›

Isaías 2:2

Que'eca pa'atec na'a'q, nache añi qasoxonaxa añim netalec añi atamnaxaqui maye lalamaqte Ñim Nataxala', añimaye ỹataqta qaỹoqotcheguemec qome, napacalec aca camachaqaca lỹa qasoxonaxa. Nache 'enauac qome na ỹotta'a't shiỹaxauapi da taỹa añimaye.

Daniel 5:31

nache so Darío maye lma' ye Media, talec da no'onataxanaxac. Qaq so Darío, somaye ivi' co'ollaxa sesenta y dos vi'iye da llaxa.

Daniel 5:26

qaq yeemaye dam naiguilo, 'eeta': Yem na'aqtac MENÉ naigui da Ñim Lo'onatac 'Enauacna mashe naloqte'n naua na'axa'te da 'aro'onataxanaxac 'am nta'a, qataq mashe ỹachaxan ye loga't damaye,

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.

Daniel 4:22

qaq asa'aso qo'oipaq qalaq nache 'am, 'am nta'a, da 'anquictasheguem qataq 'am 'añaxaic. Qataq da 'ara'amaqchec 'am nta'a nquictauec, nache ivira'a da iviro'ot na piguem, qataq da 'aro'onataxanaxac imattalec ana 'alhua.

Daniel 4:1

Qaq aỹem nta'a Nabucodonosor, sanem da ỹa'aqtac 'enauac na nhuo' le'ecpi, qataq na ỹotta'a't shiỹaxauapi, qataq na ỹotta'a't naua la'aqtaqa maye netalec ne'ena 'alhua, da sauotaique da namayepi nquictauec da l-lagaxayec.

Daniel 3:29

Qaq nagui aỹem san da ỹa'aqtac da camachaqca shiỹaxaua da qauem ca la'aqtac, da ỹasaxalec Ñim Natamnaxala' de'eraua nsoxorolqa, nache camaye qaichecapigui qome, qataq qailaxachigui ca lma' nache lapoosheguem qanqa'en qome na coma', qaq saishet da qoỹectega cam chegoxoguet lauo' le'ecpi, huo'otaq cam na'alhua, huo'otaq da ỹaqa'alo naua la'aqtaqa, cha'aye qaica ca lỹa atamnaxala' da ishet da 'eetec de'era da deca'alaqtaxan.»

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

Jeremías 51:53

Qaq na'aictaxa ye Babilonia da ivirasheguema na piguem da yaqto' qaỹoqotcheguemec naqa'en na lpaqtaxanaxatpi, qalaxaye nache 'ena'am samaxa cam mpa'aguenaxauapi da yaqto' ilaxachigui. Qaq 'era da ỹa'aqtac Aỹem Nataxala'.»

Jeremías 51:47

Qaq mashe anacta ca na'a'q maye huaigui da sauo'o ca nhuaxanaguec na nqolacpi ye Babilonia. Qaq 'enauac qome yi'iye 'alhua da huetalec da na'aloxo qataq nlaqaalec na leuaxaicpi.

Jeremías 51:18

namayepi qaica ca naigui, qataq 'enaxaqui, Ñim Nataxala' qom ivita da nmit, 'enauacna nache ilaxachigui namayepi.

Jeremías 50:15

¡Qauconñiisop yemaye nache qaua'alqaitalec da alaataxac, qoñeeta'! ¡Ye Babilonia mashe nañan! ¡Mashe hua'axañi ana lalloxolatepi qataq qalagoxouec na lpaqtaxanaxatpi! ¡Qaq 'era da so'otec da she'eguelaxateguet yemayepi! ¡Ñaq qavi'eguelaxacheeguet qome, nache qaue'enaxachiichigui dam ỹo'ot co'ollaxa namayepi!

Isaías 60:5

Qaq 'am, qom 'aula'a namayepi nache 'am 'eroigui da 'antonaxac, añi 'arquiyaqte qalaq nlaxagui qome da ntonaxac, cha'aye 'am qanda'a qome nam no'on logoxoshetpi nam shiỹaxauapi maye netalec ana ỹaqauga 'alhuapiole aso auaxai, qataq 'am qoỹanem qome da lsallaxa nam ỹotta'a't shiỹaxauapi.

2 Crónicas 36:7

Qaq so Nabucodonosor nataqa'en huo'o so ỹache, ira'a ye Babilonia, som logoxoshetpi aso atamnaxaqui maye lalamaqte Ñim Nataxala', nache ỹachaigui aso natamnaxaqui somaye maye naña ye Babilonia.

Isaías 21:9

Qaq aỹem sela'aguet na shiỹaxaua netangui ana naigona maye lauegaxala'ate naua caaỹo. Qaq da la'aqtac namaye, 'eeta': «¡Mashe qailaxachigui, mashe qailaxachigui ye Babilonia! Qaq 'enauac na lqui'ipi nam natamnaxala'pi huetaiya', ỹataqta 'enauac dolachigui.»

Da na'aqtaguec so Job 20:15

Huaña nache nolec da nsallaxa maye iuoxonañi co'ollaxa, cha'aye Ñim Lo'onatac 'Enauacna anol naqa'en camaye.