Jeremías 51:2 - La'aqtaqa Ñim Lo'onatac 'Enauacna 2013

² So'ot qome da na mpa'aguenaxauapi ye Babilonia nchegoxosheguem yemaye 'eeta'am naqa'en na trigo, qataq so'ot qome da qaica ca netalec ye na'alhua. Qom ivita cam na'a'q da qailaxachigui, nache chegoqteugalo qome nam iloquiaxan yemaye.

Jeremías 51:2 Referans Kwoze

Mateo 3:12

Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Jeremías 15:7

Selagaxattac na 'arhuo' le'ecpi, 'eeta'am ñaqa'en ca 'auaqpi ltoxoic ñeqateeguesop na huaqta'a't nỹecpi maye hueta'a ne'ena 'alhua, nache qaica ñaqa'en ca llalaqpi na ỹalamaxat nhuo' le'ecpi, namayepi selaxachigui, souaxat da saishet da ỹalat da qauem lataxac.

Isaías 41:16

Qataq 'auchegoq qome nache ỹache na la'at, qataq na la'at lta'araic ilagaxattac qome. Huaña nache 'auamachiguiñi qome da qoueto'ot Ñim Nataxala', qataq huo'o da 'ana'amqaanaxac da qoueto'ot Ñim Qui'itta Natamnaxala' na Israel le'ecpi.

Ezequiel 5:12

'Oonolec naua tres lpa'axaco na nhuo' le'ecpi maye 'am netaigui, ca ilem qome ca napiina, qataq ca nqouaxa, qaq ca lỹa caua tres lpa'axaco qalaq huaugalo naua loiguiye da ỹalauat ca 'ampa'aguenaxauapi, qaq ca lỹa caua tres lpa'axaco maye no'onañi qalaq selagaxaalec qome 'enauac ana 'alhua. Qaq Aỹem sauota'a qome ca ỹainec da secanapec namayepi.

Jeremías 50:32

Qami' ỹotta'a't shiỹaxauapi maye qaica ca qanỹeñi, qaupogolaxañiiñi qome nache qoviỹañi, nache qaica ca qami' naviguiyeshegue'm. Aỹem savigaxat qome 'enauac na 'aralamaxat huaqta'a't nỹecpi maye ỹotta'a't naua nañalo, qaq que'eca norec nlaxatchiguiñi qome 'enauac nam 'am coleesoppi.

Jeremías 50:29

¡Ñaq qauỹaxañiỹa 'enauac na checna lo'opi, da yaqto' iloquiaxan ye Babilonia! ¡Qanauañi' naua loiguiye ye huaqta'a't nỹecpi, yaqto' qaica ca ishet da datauec! ¡Qausheechiñiiguet dam ỹo'ot co'ollaxa yemaye! ¡Qauo'ochec yemaye da ipacchigui qanqa'eñi dam ỹo'ot co'ollaxa! Cha'aye yemaye ỹataqta Aỹem sairen co'ollaxa, Aỹem Nataxala' maye Qui'itta Natamnaxala' na Israel le'ecpi.

Isaías 43:14

Ñim Nataxala' maye Qui'itta Natamnaxala' na Israel le'ecpi, Ñim huesochiguiñi naqa'en namayepi, 'eeta': «Da yaqto' qami' ñeca'alaxatrec, nache samaxa qome ca alleppi ye Babilonia, nache so'ot da ỹauatoigui 'enauac na lasompi, qaq da lamaicỹaxac na caldeopi qalaq nmeneguet qome da nqui'ic.