Jeremías 51:16 - La'aqtaqa Ñim Lo'onatac 'Enauacna 2013

¹⁶ Ñimaye da detaqa, nache ỹo'ot da dellimigui na 'etaxat na piguem, qataq naỹoxoosheguem naqa'en na lo'oc na piguem chegoqchiguiña naqa'en naua loga'te ana 'alhua, qataq ỹo'ot na nqashelgaxa da huetaigui naqa'en na auot qataq anacot na la'at ỹachegoxotchiguiña cam laponqa' namaye.

Jeremías 51:16 Referans Kwoze

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Jonás 1:4

Qalaxaye Ñim Nataxala', anacot so la'at lta'araic ỹasheerelec naqa'en aso auaxai, qaq cha'aye ỹataqta lta'araic se'eso la'at, nache 'eeta'am da huotaique dolagui naqa'en aso notaxaqui.

Salmos 18:13

Ñim Nataxala' maye Nataỹaña 'enauacna ỹalachigui naqa'en na piguem da lavilỹaxac, nache lỹatec ana lache qataq ana 'ettaigui poqopi.

Jonás 4:8

Qaq co'ollaq nnoxoosheguem aso nala', nache Ñim Lo'onatac 'Enauacna, namaq so la'at ỹataqta dapaqa chegaqa'ague da nala' lliguisheguem, nache ỹavigaxat na lqaic so Jonás, nache somaye nomteguet da lquisheuguetaxa, nache nhuooteguela't da ileu, nache, 'eeta': «'onaxaico' da seleu, cha'aye saq 'ena'am da ñeca'altauec.»

Amós 9:7

Qaq Ñim Nataxala', 'eeta': «Qami' Israel le'ecpi, da qami' selota'alo nache ỹataqta qoñeeta'am na etiopepi. Qaq cha'aye co'ollaq qami' sachegoxota'alo ye Egipto, qaq nache 'eeta'am na filisteopi da sachegoxota'a ye Creta, qataq na arameopi da sachegoxota'a ye Quir.»

Ezequiel 10:5

Qaq soua huo'oi naua laua't, qalaq ivirauga so qasoxoc pa'aỹauec da l-lamaxa naua laua't. Qaq 'eeta'am da nacheñi Ñim Lo'onatac 'Enauacna maye Qaica ca Ỹaqalanapec da detaqtac.

Salmos 147:18

Qalaxaye da namaq la'aqtac nache quiguiñi naqa'en anamaye, qataq da ỹasheerelec naqa'en na la'at nache jec na 'etaxat.

Salmos 104:7

Qalaxaye co'ollaq 'anlaxa na 'etaxat nache jec, qataq co'ollaq hua'axaỹa da l-llimiaxa da 'arvilỹaxac nache datauec.

Salmos 78:26

Ñimaye ỹauota'a da la'añaxac da anacot na la'at, chegaqa'ague naqa'en da yo'oxoñi qataq da la'añaxa, da ỹasheerelec naqa'en na 'alhua.

Salmos 68:33

ñim netalec na piguem, nam piguem maye nache 'eetai' co'ollaxa. Ñimaye qaỹa'axaỹa naqa'en da lavilỹaxac, dam ỹataqta 'añaxaic lavilỹaxac.

Salmos 46:6

Qaq da da'axaỹaqtaxa'n naua la'aqtaqa Ñim Lo'onatac 'Enauacna nache cholaxan ana 'alhua, qataq ñi'i na ỹotta'a't shiỹaxauapi qataq ỹe'egora't na nta'alpi.

Da na'aqtaguec so Job 40:9

¿Qalqo' 'aupi'itaxaatega da 'anapacalec da la'añaxac na ihuaq? ¿Peta'a ỹalachiguilo naqa'en naua 'ara'aqtaqa da 'eeta'am aỹem?

Da na'aqtaguec so Job 38:22

¿Peta'a mashe 'avira'a da 'aumeten ye naỹamaqtaqa' ana aloñi qataq ana lache,

Da na'aqtaguec so Job 37:13

Nache 'enauac namayepi ỹachegoxotchigui da ỹauo'o da nhuaxanaguec ana 'alhua, huo'otaq da ỹachaxan da lauotaxanaqtaic.

Éxodo 14:21

Nache so Moisés ỹachaxaasheguem na lhuaq, naloqteetelec aso auaxai, nache Ñim Nataxala', anacot so la'at lta'araic maye chegaqa'ague da nala' lliguisheguem, da ỹasheerelec aso auaxai imauec se'eso pe. Huaña, nache ỹauategue se'eso ñegueta, deqaqattague naqa'en.

Éxodo 10:19

Nache Ñim Nataxala' ỹashaxanec so la'at, chegaqa'ague naqa'en da avit so la'at lta'araic. Nache ỹache naqa'en aso shiiquioxoipi, ỹasaxangui aso auaxai togaxarai. Nache saishet da no'onañi naqa'en aca 'oonole shiiquioxoi 'enauac ye Egipto.

Éxodo 10:13

Nache so Moisés, ỹachaxaasheguem aso lashelte, naloqteetelec naqa'en ye Egipto. Nache Ñim Nataxala' anacot so la'at, chegaqa'ague da nala' lliguisheguem, nache anactac se'eso na'a'q qataq imauec so 'oonolec pe. Qaq so lỹa na'a'q, nache se'eso la'at maye chegaqa'ague da nala' lliguisheguem, anacot aso shiiquioxoipi.

Génesis 8:1

Qaq huaña, nache Ñim Lo'onatac 'Enauacna tachigui lauel so Noé, qataq 'enauac so shiguiỹacpi maye nqotta'ai' somaye aso notaxaqui. Nache ỹo'ot da so la'at ỹasheerelec ana 'alhua, nache so 'etaxat nquiguiñi,