Jeremías 51:11 - La'aqtaqa Ñim Lo'onatac 'Enauacna 2013

¹¹ Ñim Nataxala' huotaique da ilaxachigui ye Babilonia, nache nquetoxon na nta'alpi ye Media nache ỹanem de'era lhuennataxac. Qaq 'era da lvi' Ñim Nataxala' souaxat dam qaỹo'otec co'ollaxa aso lalamaqte atamnaxaqui. ¡Qauaỹamaxachiiñi ana checnapi! ¡Qataq qauaỹamaxachiiñi ana mpaqtaxanaqtepi!

Jeremías 51:11 Referans Kwoze

Jeremías 46:4

¡Qauo'ocheelec na caipi! ¡Nache qaunocheelec namayepi! ¡Qaỹa'añiiñi ana alaataxaquipi aro'o, nache qanaloiñi! ¡Qaqueuoqui ana taquiaxaipi! ¡Qataq qaỹa'añiiñi ana npaqtaxanaqtepi!

Jeremías 50:45

Ña qana'axaỹaxañiỹa dam llapaxañi Aỹem, Nataxala', dam seqataxanai' da yaqto' talec ñaqa'en ye Babilonia, qataq dam so'ottac lataxac da sataỹa'aguet na lma' ye Caldea. Qaq ivira'a qome nam ỹataqta qapio'olecpi nam qagueta llalaqpi da qaỹache qome, nataqa'en na lquiaqa'pi ỹataqta qanlaxatchiguiñi qome

Jeremías 50:9

Cha'aye so'ot qome da huo'o ca anac shiỹaxauapi cam 'añaxaicpi nhuo' le'ecpi maye chegaqa'ague da sheu' da iloquiaxan ye Babilonia. Camayepi naloguiñi qome nache loxonec yemaye. Cha'aye que'eca alleppi ỹataqta ỹaỹaten da nalaataxac, da ỹaỹenec ana lchecnapi qalaq saishet da depe'enaxan.

Jeremías 46:9

¡Ñaq jec qome nam netalec na caipi! ¡Ñaq jec qome ana naigonapi! Qataq jec qome na alaataxaicpi, nam alleppi maye lma' ye Etiopía qataq ye Libia ỹaatañi ana lpaqtaxanaqtepi, qataq jec qome na alleppi ye Lidia maye ỹaỹaten da do'ogoxona na checnec!

Zacarías 14:12

Qalaxaye nam ỹotta'a't shiỹaxauapi maye iloquiaxaatac co'ollaxa ye Jerusalén, Ñim Nataxala' ỹauo'o qome ca lta'araic nhuaxanaguec: namayepi nchega na lo'oc, qaltaq naua la'ai'te, qataq ñi lachaxat qom ñaq nca'altauec.

Zacarías 14:2

Qaq que'eca na'a'q Ñim Nataxala', laỹona't qome 'enauac na ỹotta'a't shiỹaxauapi da yaqto' iloquiaxan na Jerusalén. Nache loxonec qome na huaqta'a't nỹecpi, qataq nqatec na huetaigui na nma'pi, qataq ncat nam 'alpi, nache tachiguingui na laiñi qome ca ỹauec namayepi, qalaxaye cam no'onañipi, qalaq nache netalec qome ne'ena 'alhua.

Jeremías 51:35

¡Qaq ña isheeten qome ye Babilonia dam qauem maye aỹem ỹo'otec! ¡Ña isheeten qome ye caldeopi som ỹalamaxat shiỹaxauapi maye ỹalauat co'ollaxa!»

Jeremías 51:24

Qalaxaye qami', qauauañiichigui qome da sesheeteneguet ye Babilonia, qataq 'enauac ye caldeopi, souaxat dam qauem maye ỹo'otec co'ollaxa ye Sión. Qaq 'era da ỹa'aqtac Aỹem Nataxala'.

Jeremías 51:12

¡Qauauo'oi aca la'anaqte da qauloquiaxañi ye Babilonia, nache qaulaxachiigui na lpaqtaxatpi! ¡Qataq qanquigaxacheeuec na nauanaxanaxanecpi qataq nam nauanaxanaxanecpi na pa'asheguem! ¡Qataq qauauo'oi na qanqañoxotaqaipi! Cha'aye Ñim Nataxala' ỹaỹamaxaañi qataq ipacchigui da ỹo'ot nam lapaxañipi maye ỹa'axatta'a co'ollaxa da dataỹa'aguet na lma' ye Babilonia.

Jeremías 50:25

Ñim Nataxala', ỹauatoigui ñi laỹe' na lo'ogoxonaxatpi, nache nqatec nam lo'ogoxonaxatpi da cha'aye dalemata, cha'aye Ñim Nataxala' maye Qaica ca Ỹaqalanapec huo'o dam ỹo'ot da talec naqa'en na caldeopi.

Isaías 46:11

Aỹem, seỹaxana co'ollaxa so ỹale maye chegaqa'ague da nala' lliguisheguem, maye qaỹoqtegue da chegaqa'ague 'eeta'am ca maỹo maye qoỹo lo'o', nache camaye ỹacoolec qome nam llapaxañepi. Qaq 'era da ỹa'aqtac qaq damaye ipacchigui qome ñaqa'en, nam llapaxañepi co'ollaxa qalaq so'ot qome.

Isaías 45:5

Aỹem nachaỹem Nataxala', qaica ca lỹa, qaica ca lỹa atamnaxala'. 'Am seqataxanai' co'ollaxa da yaqto' ishet da 'auloqui, na'aictaxa co'ollaxa da saishet da aỹem 'auauatton,

Isaías 45:1

Ñim Nataxala' ỹaneuo co'ollaxa so Ciro da yaqto' nta'a, nache ỹacoota'a na aloiguishec lhuaq da yaqto' ilo'ogue naqa'en 'enauac nam ỹotta'a't shiỹaxauapi, qataq nlaxaañi da lo'onataxanaxac na nta'alpi. Ñim Nataxala' ỹo'ot da so Ciro ỹauatoigui nam lasompi na huaqta'a't nỹecpi maye ỹotta'a't naua nañalo, nache qaica ca ishet da ỹapogui. Qaq nagui nache 'enapega, 'eeta':

Isaías 41:25

So'ot da anac so 'oonolec shiỹaxaua chegoqtegue da nala' lliguisheguem seỹaxana sauota'a da le'enaxat, nache nvi' nateua'a da pa'aigue da sheu'. Huaña nache petapigui na nta'alpi 'eeta'am naqa'en ca nshaxa, qataq 'eeta'am ca 'alhua lo'o da iraqten na nshaxa, nache irota'alo naua lapia'ate.

Isaías 21:5

Namayepi ỹaỹamaxaañi na lquia'axala'pi, qataq lapaxañi nam lapiaxala'pi, nache namayepi deque'etac qataq nỹomtac. Qami' nataxala'pi, qanachaachiñi qauqashelgaqchichi ana npaqtaxanaqtepi.

Isaías 21:2

Qaq aỹem Isaías, ỹataqta huo'o da lchec som ỹauanaqchec maye aỹem ỹachaxana Ñim Lo'onatac 'Enauacna, som que'elaqtaxanaxaic deque'elaqtaxan qataq som laqtaxanaxaic delaqtaxan. ¡Ña 'anachaañi 'am Elam! ¡Qataq 'auloqui 'am Medos! Aỹem, nache tachiguiña ñaqa'en da nachoxoc na shiỹaxauapi.

Isaías 10:26

Ñim Nataxala' maye Qaica ca Ỹaqalanapec ỹauo'o qome ca nhuaxanaguec yemayepi, 'eeta'am da 'eetec co'ollaq loxonec so Madián le'ecpi co'ollaq huaña añi coma' maye le'enaxat Oreb, qataq ỹachaxana da la'añaxac da dataỹa'aguet ye Asiria, 'eeta'am co'ollaq ỹachaxana da la'añaxac da dataỹa'aguet ye Egipto.

Esdras 1:1

Qaq so la'auaxanec vi'i da lo'onataxanaxac so Ciro, maye nta'a ye Persia, Ñim Nataxala' ỹanem da lhuennataxac somaye, da yaqto' ỹamaxalec 'enauac so hueta'a so ilotague' 'alhuapi da qaỹa'axatec so ỹan la'aqtac. Huaña nache ipacchigui da la'aqtac Ñim Nataxala', maye ỹanem co'ollaxa so la'aqtaxanaxanec Jeremías, nam nasaxauec la'aqtacpi somaye qataq nam qoỹettañipi, maye 'eeta':

2 Crónicas 36:22

Qaq so la'auaxanec vi'i da lo'onataxanaxac so Ciro maye nta'a ye Persia, qataq da yaqto' ipacchigui so la'aqtac Ñim Nataxala' maye ỹa'axat co'ollaxa so Jeremías, nache Ñim Nataxala' ỹamaxalec co'ollaxa so Ciro da 'enauac som ilotague'pi da ỹa'axatem, ỹauota'aisalo naua la'aqtaqa, qataq ỹereñi de'era lapaxañi lataxac maye, 'eeta':

1 Crónicas 5:26

Ỹoqo'oye Ñim Natamnaxala' na Israel le'ecpi, ỹayena'a da lquiyaqteỹaxac so Pul, som Tiglat Piléser maye nta'a ye Asiria, da yaqto' loxonec qataq ỹauec so rubeniitapi, gadiitapi qataq som laỹe so maiche nalamaxat nhuo' le'ecpi maye chegoxoguetpi so Manasés, nache ỹauega ye Jalaj, Jabor, Hara, qataq so tala ye Gozán, yem netaña choche ivitta'a nagui.

1 Reyes 11:23

Qaq Ñim Lo'onatac 'Enauacna, nataqa'en ỹo'ot da so Rezón, maye llalec so Eliada, nataqa'en npa'aguena so Salomón. Qaq se'eso Rezón, somaye no'otaiguesop co'ollaxa so na'aco' Hadad Ezer maye nta'a ye Soba.

1 Reyes 11:14

Qaq ỹoqo'oye Ñim Nataxala', ỹauo'o so mpa'aguenaxaua so Salomón, le'enaxat Hadad, som edomiita, maye chegoxoguet so nta'alpi ye Edom.

Levítico 26:25

Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

Jeremías 25:25

qataq 'enauac na nta'alpi ye 'alhua Zimri, Elam qataq ye Media,

Jeremías 46:3

«¡Qauaỹamaxachiiñi ana qarpaqtaxanaqchipi! ¡Nache qoqui da qauloqui!

Jeremías 50:3

Cha'aye chegaqa'ague qome da sheu' da anac ca ỹotta'a't shiỹaxauapi da iloquiaxan yemaye, nache ỹe'eguelaxata qome da toolec ye na'alhua namayepi. Nache qaica qome ca shiỹaxauapi, huo'otaq ca shiguiỹacpi da ỹe'eguelaxa da nalec yemaye, cha'aye 'enauac qome da datauec.»

Jeremías 51:36

Ñim Nataxala', 'eeta': «Aỹem 'am so'otec qome ca nalochiguiñi lataxac, da sauo'o ca ivi' da she'eguelaxateguet na 'ampa'aguenaxauapi. Nache imauec qome ñaqa'en da deqaqta so tala qataq na npaxaatasheguem 'etaxat ye Babilonia,

Daniel 5:30

Qaq nacheso se'eso pe da qaỹalauat so Belsasar maye lta'a so caldeopi,

Joel 3:9

Qaq ỹataqta qaua'aqtaxañim qome de'era nam ỹotta'a't shiỹaxauapi, qataq qaua'axache qome da huo'o ca alaataxac, nache qoñiỹapega da anac qome na 'añaxaicpi, qataq naỹamaxat qome da yaqto' nalat 'enauac nam ỹalleppi maye ỹataqta alaataxaicpi.

Joel 3:10

Qataq qanlaxachiiñi na no'onataxanaxatpi, nache qauo'oche cam ỹeelonecpi, qataq qanlaxachiiñi na nchegaxanaxatpi, nache qauo'oche aca taquiaxaipi, qataq nam shiỹaxauapi maye qaica ca la'añaxac qalaq 'eeta': «Aỹem, ỹataqta aỹem 'añaxaic.»