Jeremías 51:10 - La'aqtaqa Ñim Lo'onatac 'Enauacna 2013

¹⁰ Ñim Nataxala' dauegaxan naqa'en da shenaqta. Ñaq qauanaqui, nache sa'axataq qom huaña ye Sión dam ỹo'ot Ñim Nataxala' maye Qanatamnaxala'.

Jeremías 51:10 Referans Kwoze

Jeremías 50:28

Na shiỹaxauapi 'eltaxaicpi maye chegaqa'a ye Babilonia ivita ye Sión, nache ỹa'axattac da 'eetec Ñim Nataxala' Ñim Qanatamnaxala' dam Ñimaye ỹanem dam naigui da ỹo'ot na lma' ye Babilonia, souaxat dam ỹo'ot co'ollaxa da ilaxachigui aso atamnaxaqui.

Salmos 37:6

Ñimaye ỹo'ot qome da 'eroigui da no'on 'arataxac. Qataq da ỹaỹamaqchiguiñi 'arataxac 'eeta'am na le'eraxa añi nala' da mashe na'a'q laiñi.

Isaías 51:11

Qaq 'era da 'eetec nataqa'en qome nam lca'alaqtacpi Ñim Nataxala', ỹa'alaqtagui da ntonaxac qom inoxoneua'a ye Sión, da lasheguiỹaxac qalaq nache 'eetai' qome da machiguiñi, cha'aye ỹanata da lamaicỹaxac qataq da na'achecỹaxac, qaq imeuo qome da nqui'ic qataq nnoinaxac.

Isaías 40:2

da qaua'aqtaxañim na hueta'a ye Jerusalén qalaq huesotte' naua qara'aqtaqalle', qataq qaua'aqtaxañim da mashe ime da nlataguec, qataq mashe ime da isheeten nam lasouaxashetpi, qataq 'eeso'oya' da mashe ỹapacauec da nhuaxanaguec maye chegoqchigui da lhuaqỹaxac Ñim Nataxala' souaxat nam lasouaxashetpi.»

Salmos 9:14

Yaqto' da huaña ñi lasom ye Jerusalén, nache sa'axattac qome da 'año'oxonnataguec, cha'aye samachiguiñi souaxat da aỹem 'anca'alaxatec.

Salmos 64:9

Huaña nache 'enauac na shiỹaxauapi huo'o naq 'enec naqa'en Ñim Lo'onatac 'Enauacna, qataq ỹa'axattac na lo'onatacpi, huaña nache qaỹaỹateeta na ỹo'otpi Ñimaye.

Jeremías 50:45

Ña qana'axaỹaxañiỹa dam llapaxañi Aỹem, Nataxala', dam seqataxanai' da yaqto' talec ñaqa'en ye Babilonia, qataq dam so'ottac lataxac da sataỹa'aguet na lma' ye Caldea. Qaq ivira'a qome nam ỹataqta qapio'olecpi nam qagueta llalaqpi da qaỹache qome, nataqa'en na lquiaqa'pi ỹataqta qanlaxatchiguiñi qome

Salmos 66:16

Qauanaqui qome 'enauac da qoñiita, nam huo'o naq 'enec naqa'en Ñim Lo'onatac 'Enauacna, qana'axaỹaxañiichigui da qami' sa'axatema da aỹem ỹo'otec Ñimaye.

Salmos 118:17

Qaq ỹoqo'oye aỹem saishet qome da seleu, nacherata da ñeca'altauec yaqto' sa'axattac 'enauac na ỹo'otpi Ñim Nataxala'.

Isaías 24:14

Qaq cam lca'alaxaicpi qalaq ỹa'alaqtagui qome souaxat da ntonaxac, qataq chegoqchiguiña qome da nala' lliguiñi da lavilỹaxac, qom ila'a da la'amaqchec Ñim Nataxala'.