Jeremías 51:1 - La'aqtaqa Ñim Lo'onatac 'Enauacna 2013

¹ Ñim Nataxala' da la'aqtac, 'eeta': Ñamaq qome ca la'at lta'araic da yaqto' ilaxachigui ye Babilonia, qataq na caldeopi.

Jeremías 51:1 Referans Kwoze

Amós 3:6

Qaq da qaỹashiiyigui aca nasheere da huaña ca huaqta'a't nỹecpi, nache na shiỹaxauapi ỹataqta ỹe'elaq, qaq da huo'o ca qauem talec que'eca huaqta'a't nỹecpi, qache maiche namaq Ñim Nataxala'.

Oseas 13:15

Qaq na Israel, na'aictaxa qome da dasovi da 'eeta'am aca huoue, qalaxaye anac qome ca la'at maye chegaqa'ague da nala' lliguisheguem, cam lta'araic la'at maye chegoqtelec ye toolec 'alhua, nache deqaqa naqa'en ana laỹe'pi na 'etaxat qataq na npaxaatasheguem 'etaxat. Qataq na npa'aguenaxauapi namayepi deuotaxanec qome na logoxoshetpi, qataq nam ỹataqta no'on no'otaxatpi.

Hechos 9:4

Nache so Saulo naañi. Huaña, nache hua'axaỹa so na'aqtac, 'eeta': –Saulo, Saulo, ¿ta'ainco' ye Aỹem 'aucaatac?

Zacarías 2:8

Cha'aye Ñim Nataxala' maye Qaica ca Ỹaqalanapec, aỹem namaq da sa'axatem da na'aqtac maye dataỹa'aguet na ỹotta'a't shiỹaxauapi, maye qami' nhuotte' co'ollaxa, qaq damaye, 'eeta': «Camachaqca ca dataỹa'aguet na ỹalamaxat nhuo' le'ecpi, nache camaye 'eeta'am da ỹacootegueua'a aca ỹauotaqte ỹale.

Ezequiel 19:12

Qalaxaye sa qaicherapec co'ollaq qanapogosheguem, nache huetaiya' qanqa'en. Nache so la'at maye chegaqa'ague da nala' lliguisheguem deqaqa naqa'en, nache naañi ana ala uvapi, qataq deqaqa aso qaramta lcouepi, nache qaỹasaxangui so norec.

Jeremías 50:33

Ñim Nataxala' maye Qaica ca Ỹaqalanapec, 'eeta': «Na nhuo' Israel le'ecpi qataq na Judá le'ecpi, nque'etaxaatapigui da qaipataqta'a't. Na mpa'aguenaxauapi namayepi icoñettai' nache saishet da ỹaxanec.

Jeremías 50:29

¡Ñaq qauỹaxañiỹa 'enauac na checna lo'opi, da yaqto' iloquiaxan ye Babilonia! ¡Qanauañi' naua loiguiye ye huaqta'a't nỹecpi, yaqto' qaica ca ishet da datauec! ¡Qausheechiñiiguet dam ỹo'ot co'ollaxa yemaye! ¡Qauo'ochec yemaye da ipacchigui qanqa'eñi dam ỹo'ot co'ollaxa! Cha'aye yemaye ỹataqta Aỹem sairen co'ollaxa, Aỹem Nataxala' maye Qui'itta Natamnaxala' na Israel le'ecpi.

Jeremías 50:24

'Am Babilonia, maiche 'auo'ot co'ollaxa aso 'arqoina, nache sa 'ananoma da maiche 'angui asomaye. Nache qouangui da 'am loxonec, souaxat da 'auataỹa'aguet Ñim Nataxala'.

Jeremías 50:21

¡Qauloquiaxañi na hueta'a ye 'alhua Meratayin qataq nam lma' ye Pecod! ¡Qaucañiỹapec qome nache ỹataqta imauec da qanlaxachiiñi! ¡Qaualaqaiguet qome 'enauac da ỹamaxasoxonaxac. Qaq 'era da ỹa'aqtac Aỹem Nataxala'.

Jeremías 50:9

Cha'aye so'ot qome da huo'o ca anac shiỹaxauapi cam 'añaxaicpi nhuo' le'ecpi maye chegaqa'ague da sheu' da iloquiaxan ye Babilonia. Camayepi naloguiñi qome nache loxonec yemaye. Cha'aye que'eca alleppi ỹataqta ỹaỹaten da nalaataxac, da ỹaỹenec ana lchecnapi qalaq saishet da depe'enaxan.

Jeremías 49:36

Aỹem ñanacot qome ca la'at da talec ne'ena nhuo' le'ecpi, chegaqa'alo naua cuatro laỹel ana 'alhua, da yaqto' ilagaxatapec nache tateugalo naqa'en nache ivitta'a da qaica ca no'onañi na 'alhuapi da saivira nam naneltaxaatacpi ye Elam.

2 Reyes 19:7

Qaq ña 'aumeten da aỹem sauo'o qome ca iviro'ot la'axaỹaxac, maye ỹo'ot da ỹe'eguelaxa ye na'alhua, qaq nache huaña ñaqa'en qome yemaye da qaỹalauat, qairolec ca ỹeelonec.›»

Salmos 137:8

¡Qaq 'am Babilonia, maye taỹa'a da 'am qanlaxaañi! ¡Ỹataqta machiguiñi qome ca ỹo'ot ca 'ansheetenaguec, souaxat 'enauac de'era qomi' 'auo'oteque!

Jeremías 23:19

Da layeloxo Ñim Nataxala', 'eeta'am ca la'at lta'araic, 'eeta'am qome ca la'ana't la'at da ỹamaxañi nam qauemaicpi.

Isaías 13:13

Huaña nache cholaxan ñaqa'en na piguem, qataq ana 'alhua ca'ai ye hueta'a souaxat da inogoxonaxac que'eca na'a'q, qataq dam 'ettaigui ỹalemataic.

Isaías 14:14

Qataq sasheguema na pa'asheguem na ỹataqta qaỹoqotcheguemec lo'oc na piguem, nache sheeta'am qome Ñim Lo'onatac 'Enauacna maye ỹataqta qaỹoqotcheguemec.›

Isaías 21:1

Da na'aqtac da qaỹa'axata'a ye toolec 'alhua maye huaqta'ai' aye auaxai, 'eeta': 'Eeta'am ca la'at maye chegoxogue da taguiñi, da anac nam chegaqalec ye toolec 'alhua, yem 'alhua maye ncolanaxat.

Isaías 47:1

Ña 'aunotec 'am qa'añole Babilonia, maye saxanaqca ca 'arhua, nache 'anso'ongui na namoxoỹaxa, ña 'aunoteeguesop añi 'anso'onaxaqui 'am qa'añole Caldea, nache 'anso'onangui na 'alhua, cha'aye saishet qome da qaltaq qaỹe'eguelaxa da 'am qaỹamata'ac da 'am nogotole qataq da 'am 'onaxaale.

Jeremías 51:53

Qaq na'aictaxa ye Babilonia da ivirasheguema na piguem da yaqto' qaỹoqotcheguemec naqa'en na lpaqtaxanaxatpi, qalaxaye nache 'ena'am samaxa cam mpa'aguenaxauapi da yaqto' ilaxachigui. Qaq 'era da ỹa'aqtac Aỹem Nataxala'.»

Jeremías 51:60

Qaq so Jeremías ỹerelec co'ollaxa aso nere so la'aqtaxanaxac da ỹa'axata'a 'enauac nam qauem maye taỹa'a da talec ye Babilonia, qaq damaye, 'eeta': 'enauac nam nanettañi maye ỹa'axata'a dam 'eetec qome yemaye.