Jeremías 50:8 - La'aqtaqa Ñim Lo'onatac 'Enauacna 2013

⁸ ¡Qoquiỹa'ai qome na Babilonia, maye lma' na caldeopi! ¡Qaunoxoñeeuec qome qalaq qoñeeta'am ca lca'ataxala' ana qaguetapi!

Jeremías 50:8 Referans Kwoze

Jeremías 51:6

¡Qoquiỹa'ai ye Babilonia! ¡Qananeltaxañi yaqto' qarca'alleeuec! ¡Saishet qome da qaullivi, souaxat na lasouaxashet yemayepi! Cha'aye mashe ivita ye laloqo' da sauo'o ca ivi', nache sesheeten qome ipacchigui ñaqa'en dam naigui nam ỹo'otpi.

Isaías 48:20

Qoquiỹa'ai na babilonia qautaiueguesop na caldeopi. Qaua'axachiiuec de'era na'axaỹaxac nache qaua'alqai souaxat da qantonaxaqui, qataq qaviraxacha'a nam hueta'a na pa'atec ana 'alhua, qoñeeta': «¡Ñim Nataxala' isouec so Jacob maye lamaxashec!»

Apocalipsis 18:4

Ime, nache qaltaq sa'axaỹa so lỹa nvilỹaxac, chemqot na piguem, 'eeta': «Qami' ỹalamaxatpi. Qoquiỹa'ai na Babilonia, qataq saishet da qauauo'oi ca qarasouaxashechi da qoñiỹa'am ayemaye, yaqto' saishet da qami' taleguete cam qaica ca 'ena'am da lchec napaxaco maye talec qome.

Jeremías 51:45

Qami' ỹalamaxat nhuo' le'ecpi qoquiỹa'ai qome yemaye, ¡ñi 'oonolec maiche nca'alaxaala't qome da 'eteguet dam 'ettaigui ỹayeloxo!

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Isaías 52:1

Ñaq 'anlouec 'am Sión, ñaq 'anlouec, ñaq 'auauo'o da 'ara'añaxac, 'am Jerusalén, huaqta'a't nỹecpi maye qui'itta, 'aỹa'aayiñi naua 'ogo maye ỹataqta 'onaxaiqa, cha'aye na shiỹaxauapi maye ỹaqa'a da la'amqaanataxanaxac qataq nshepaxan da lataxac, namayepi saishet qome da ỹe'eguelaxalec da 'am huenoxoneua'a.

Proverbios 30:31

qataq na polalo, quetaq lhuaraic, qataq ca nta'a maye hua'auta'ague da llec na nalleppi.

Números 16:26

Nache so Moisés 'enapega 'enauac se'eso laỹoota'a't shiỹaxauapi, 'eeta': Qoquiỹa'aisalo naua lpele'ete ne'enaua na'amqaanaxaiqa shiỹaxau', qataq saishet da huo'o ca qauacoñiỹa na lalamaxat logoxoshetpi, yaqto' saishet da qaullivi souaxat na lasouaxashetpi naamaye.

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Zacarías 2:11

Qaq qom nvi' que'eca na'a'q, nache qalota qome na ỹotta'a't shiỹaxauapi nam quegue Ñim Nataxala'. Nache Ñimaye 'enapec qome: ‹Ne'ena ỹotta'a't shiỹaxauapi nataqa'en ỹalamaxatpi. Qaq Aỹem nache qami' sootanguilo qome.›» Qaq huaña qome, nache qauaỹacheñi da Ñim Nataxala' maye Qaica ca Ỹaqalanapec nacheñi ñi aỹem namaq.