Jeremías 50:6 - La'aqtaqa Ñim Lo'onatac 'Enauacna 2013

⁶ Nam ỹalamaxat nhuo' le'ecpi, 'eeta'am co'ollaxa aca qaguetapi da deqat, cha'aye so qagueta lo'opi isomaxanaqchet co'ollaxa, nache ỹo'ot da chochaq quetapeguelec ana qasoxonaxapi, ca'ai añi 'oonole qasoxonaxa qataq nqo'ona añi lỹa qasoxonaxa, choche ivitta'a da icoua'ai aso laỹe'.

Jeremías 50:6 Referans Kwoze

Isaías 53:6

'Enauac da shenaqta seqataq co'ollaxa shenaqta'am aca qagueta, nache ñi 'oonolec da shenaqta quetague' ca maiche nqa'aic, qalaxaye Ñim Nataxala' ỹache naqa'en som lamaxashec 'enauac na qarasouaxashetpi.

Mateo 9:36

Qaq co'ollaq ila'a so qalota shiỹaxauapi So Jesús da ca'attague' Somaye, nache ỹataqta ỹaguec da lchoxonnataxanaxa, cha'aye somayepi ỹataqta saỹaỹaten ca 'eetec qataq qaica ca iueelec. 'Ena'am ana qagueta maye qaica ca ilo'ogue.

Mateo 10:6

Nachaqrata qome da qanqo'oñiỹa nam Israel le'ecpi maye 'eeta'am aca qagueta isomtac.

Ezequiel 34:14

Nache sauega da chec na ỹataqta no'on 'auaqpi, nam 'auaqpi maye hualec aye qaỹoqotcheguemec qasoxonaxapi ye Israel. Qaq huaña yemaye nache ishet da nmatec qataq chec na ỹataqta no'on 'auaqpi.

Jeremías 50:17

Na Israel le'ecpi, 'eeta'am aca qagueta da isomtac souaxat da icaatac na llonpi. Qaq hua'auñi co'ollaxa da chec namayepi ñi nta'a ye Asiria, ime qaltaq nabucodonosor maye nta'a ye Babilonia nache ilaxachigui na lpi'inecpi.

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Jeremías 50:19

Nache na Israel le'ecpi so'ot qome da ỹe'eguelaxa ye maiche na'alhua, qaq huaña nache 'eeta'am ana qaguetapi da huetangui na aloq 'auaqpi da hueta'a ye Carmelo qataq ye Basán, qataq aye qasoxonaxapi maye huaña ye Efraín qataq ye Galad.

Jeremías 3:6

Qaq huetoiguilo soua na'axa'te co'ollaq nta'a so Josías, da Ñim Nataxala' aỹem 'enapega, 'eeta': «¿'Auauaachigui peta'a dam ỹo'ot yem Israel maye saỹalaq? Jec, da tasheguema ayem qaỹoqotcheguemec lcomaraxalatepi, nache huaña da ỹo'ot da lquisheguetaxac hueto'ot ana qo'oipaqpi maye qalochiguiñi ana lcouepi.

Salmos 116:7

Qaq nagui, she'eguelaxa da she'emaqtac, cha'aye Ñim Nataxala' aỹem ỹo'otec da no'on,

Salmos 91:1

Ca shiỹaxaua maye huetaigui da ltelaqtaxanaxac Ñim Nataỹaña 'enauacna, nache Ñim Qaica ca Ỹaqalanapec ipelteetalec camaye.

1 Pedro 2:25

Qami' co'ollaxa qoñiita'am aca qaguetapi maye isomtac, qalaxaye nagui mashe qañe'eguelaqaiua'a So Cristo maye 'eeta'am ca ilotague' ana qagueta, qataq npaxattalec.

Mateo 15:24

Nache So Jesús 'enapeco': –Ñim Lo'onatac 'Enauacna Aỹem namaq da ndotec na Israel le'ecpi da setauan, cha'aye namayepi 'eeta'am aca qagueta maye isomtac.

Jeremías 10:21

Na nataxala'pi ne'ena nhuo' le'ecpi qaica ca ỹaỹaten, namayepi saishet da nmitaique Ñim Nataxala'. Qaq ỹoqo'oye saishet da nquittasheguem da lo'onataxanaxac, qataq 'enauac ana lalo qaguetapi nlagaxattac.

Jeremías 3:23

Qaica ca naigui da saxasheguema naxa ana lcomaraxalatepi huo'otaq da sa'alaxasoqtai' da sonaqtasheguema ana qasoxonaxapi, cha'aye nachaqñita Ñim Nataxala' maye Qanatamnaxala' da hueto'ot da lca'alaxa na Israel le'ecpi.

Jeremías 2:32

¿Aca qa'añole ishet peta'a da icoua'ai aca no'otaqtepi? ¿Qataq aca nauootac peta'a ishet da icoua'ai aca lapoto maye nauoxonaxaqui? Qalaxaye nam ỹalamaxat nhuo' le'ecpi mashe qaỹoqteguelo soua vi'iye da aỹem icoua'ai.»

Jeremías 2:20

Mashe qaỹoqteguelo soua vi'iye da aỹem 'auataỹa'aguet co'ollaxa, nache saishet da aỹem 'aualaxaguet. Nache qonapec: Saishet da 'am so'onataxanot. Qaq huaña naxa 'enauac ana qaỹoqotcheguemec 'alhua, qataq na pa'aguiñi ana qo'oipaq maye qalochiguiñi ana lcouepi da qoueta'a naxa da 'anatameetacot na ỹaqa'a atamnaxala'pi.

Isaías 32:2

Ñim 'oonolec camayepi qalaq 'eeta'am qome ca ñe'eguenaxaqui da huo'o ca la'at, qataq npaqtaxanaxat da huo'o ca la'at lta'araic, qataq 'eeta'am na la'auaxacpi da icorelec na 'etaxat ca deqaqta 'alhua, qataq 'eeta'am na lpaqal aca late'erai coma' maye naña ca toolec 'alhua.

Isaías 30:15

Qaq cha'aye Ñim Nataxala' Ñim Qui'itta Natamnaxala' na Israel le'ecpi, 'eeta': «Qañe'eguelaqai qome, qataq qanmacheeuec yaqto' qanca'alleeuec. Cha'aye da qara'añaxaqui huetaigui da qavi'imaqaitac qataq da Aỹem qaua'amaqcheñi.» Qalaxaye qami' saishet da qauaỹamaxayiñi damaye,

Salmos 90:1

'Am Nataxala', nache 'am da qomi' 'ampaxattaleguete, 'enauaque naua vi'iye.

Salmos 32:7

Qaq 'am nache 'am ỹe'eguenaxala', qataq aỹem 'ampaxattalec souaxat na lcheeguesat, qataq aỹem coleesop 'anqa'en da no'onaxanaxac maye naigui da aỹem huesochiguiñi.

Salmos 23:2

Da aỹem nmataxanec qalaq soua'a naqa'en ca huaña na no'on 'auaqpi, qataq aỹem ỹauega ca huaña na ỹe'emaqta 'etaxat.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Jeremías 23:1

Ñim Nataxala', da la'aqtac, 'eeta': «¡Aicoue na qagueta lo'opi maye hua'aqta'a ana ilopi qaguetapi da deqat qataq nlagaxattac!»

Jeremías 33:12

Ñim Nataxala' maye qaica ca Ỹaqalanapec, 'eeta': Ne'ena 'alhua maye toolec nagui, qaica ca ỹale qataq ca shiguiỹacpi, qataq 'enauac nam lalamaxat huaqta'a't nỹecpi maye ỹotta'a't na nañalo, namayepi ỹe'eguelaxa qome da huo'o na 'auaqpi, maye na qagueta lo'opi ỹauega qome ana lalo qaguetapi.

Ezequiel 13:10

Aja', namayepi ỹatenachet co'ollaxa na ỹalamaxat nhuo' le'ecpi, da 'eetega qaica ca machaqca da llecỹaxac, qamaq saishet da 'eetec de'era. Namayepi 'eeta'am ca saỹaỹamaxatapec ca lque ca nỹec da no'oxoosheguem, ime nache ỹa'amen ỹauota'a na na'amnaxanaxat lapagaxaic.

Ezequiel 34:15

Qaq nache Aỹem da seuattague' qome ana ilopi qaguetapi, qataq maiche Aỹem qome da ñemataxanaxanec. Qaq 'era da ỹa'aqtac Aỹem Nataxala'.

Ezequiel 34:16

Ñimitaique qome ana qaguetapi maye deqat, qataq ñe'eguelaxateuo ana laga't co'ollaxa, qataq sauo'o ca laxataxat na huacac lapia', qataq setauan qome ana mashe qaica ca la'añaxac, qalaxaye selaxachigui qome ana chaxaraipi qataq no'oitapi. Aỹem ỹataqta saỹamaxatchiguiñi da lataxac qom selo'ogue anamayepi.

Isaías 1:3

Ca nauegaxanaxala' huaca ỹauatton ca na'aco', qataq ca 'ashena ỹauatton ca lquia'axanataxanaqa' ca na'aco', qalaxaye na Israel le'ecpi nam nhuo' le'ecpi maye ỹalamaxatpi, saishet da aỹem ỹauatton qataq qaica ca lauattonaxanaxac.»