Jeremías 50:4 - La'aqtaqa Ñim Lo'onatac 'Enauacna 2013

⁴ Ñim Nataxala', 'eeta': «Que'eca na'a'q nache na shiỹaxauapi maye lma' ye Israel qataq ye Judá nỹeeta'aguet qome da anac da Aỹem nmitaique, Aỹem maye Aỹem Lataxala' qataq Natamnaxala'.

Jeremías 50:4 Referans Kwoze

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Oseas 1:11

Huaña qome nache lapona't na Judá, qataq na Israel le'ecpi, nache namayepi 'oonolec naqa'en ca lataxala', nache 'enauac na shiỹaxauapi ñe'eguelaxa qome ye Jerusalén. Nache ỹataqta lta'araic qome da la'amaqchec ye Jezreel que'eca na'a'q.

Jeremías 31:31

Ñim Nataxala', 'enapec: «Anacta ca na'a'q maye huaigui da so'ot ca dalaxaic ñaỹamaxataxac da ñaỹamaxate' na Israel qataq na Judá.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Joel 2:12

Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.

Ezequiel 39:25

Qaq ỹoqo'oye Aỹem Nataxala', shenapec: «Aỹem nagui sechoxoren 'enauac na nhuo' Israel le'ecpi, nam chegoxoguetpi so Jacob. Aỹem ñaralaxat qome da na'achecỹaxac, da yaqto' samaxalec da ỹo'oxoren da qui'itta ỹe'enaxat.

Jeremías 33:15

Qom ivita que'eca laloxoqui, qataq que'eca na'a'q, nache so'ot qome da so David huo'o ca chegoxoguet maye ỹataqta lalamaxat llalec, camaye nacheca qome ca lapaxañi da nalochiguiñi, qataq da ỹataqta no'on lataxac ne'ena 'alhua.

Isaías 63:4

Aỹem mashe llapaqtañi da huo'o ca na'a'q qaq sauo'o ca ivi', qaq nagui mashe ivita ye laloqo' da sesouec na ỹalamaxat nhuo' le'ecpi.

Isaías 55:6

Ña qanmichiỹaique Ñim Nataxala' nagui da ñaq ishet da qauanachiỹa, ña qauỹaxañiỹa nagui da ña sa qaỹapeque.

Isaías 45:19

Aỹem saishet da ñeqañoxottañi co'ollaq setaqa, huo'otaq da sootaigui ca napalaxa ana 'alhua. Saishet co'ollaxa da shenapega nam chegoxoguetpi so Jacob, da sheeta': ‹Qanmiche cam qaica ca hueta'a da Aỹem qanmichiỹaique. Aỹem Nataxala', aỹem sa'axat cam 'eesa, qataq ñasaxauec cam ỹaỹamaqchiguiñi lataxac.›»

Isaías 14:1

Qaq ỹoqta 'eesa da Ñim Nataxala' qaltaq ichoxoren qome so Jacob, qataq ỹe'eguelaxa qome da lca'aguishec so Israel, qaq huaña nache ỹo'ot da na Israel le'ecpi qaltaq ỹe'eguelaxa da nalec ye maiche na'alhua. Nache cam chegaqauec shiỹaxauapi anac qome da naỹa namayepi, nache huaxaiguet na llalaqpi so Jacob.

Salmos 105:4

Qataq qanmichiỹaique qome Ñim Nataxala' qataq da la'añaxac, qataq nache 'eetai' qome da qanmichiitaique da lashiguiỹaxac.

Santiago 4:9

Ỹataqta qauaquicoita qome, qataq qanỹeñi souaxat da qanqui'iqui. Qaỹa'axañiiñi da qaraỹalliguiyiqui, ime, nache qanỹiñiitac, yaqto' Ñim Lo'onatac 'Enauacna ishet da ila'a da ỹoqta 'eesa da qanaralaxache da qarhuennataxaqui.

Jeremías 41:6

Qaq huaña nache so Ismael chegoqteua'a ye Mispá da ca'ata'aguet somayepi, nỹeetague' quetague' so nqa'aic. Qaq co'ollaq choche ivireguet somayepi nache 'enapega, 'eeta': Ñaq qauanaqui qauanaiua'a ñi Gedalías ñim llalec so Ahicam.

Ezequiel 16:61

Qaq qom 'am sanem da 'eeta'am aca 'aỹa'ale aso 'arqaỹa ỹe, qataq aso 'arqaỹa na'asa, qaq na'aictaxa da som qanaỹamaxataxac saishet da Aỹem ỹamaqtalec da so'oteque de'era soomaye, qaq huaña qome nache tachigui 'arhuel som hua'au 'arataxac, nache huo'o da 'ara'agaxa.

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

2 Crónicas 7:14

qaq da huo'otaq nman na ỹalamaxat nhuo' le'ecpi maye iỹaxaatega da ỹe'enaxat, qataq da natamen, qataq aỹem nmitaique, qataq da ỹaxanec da qauem lataxac, nache aỹem sa'axaỹa qome da soota'a na piguem, nache sapalaxat na lasouaxashetpi, qataq ñataren na na'alhua namayepi.

Oseas 11:10

Qaq namayepi qome, ca'attague' qome Ñim Nataxala', qaq Ñimaye desoqo qome, 'eeta'am ca llon. Qaq qom desoqo Ñimaye, nache na lalamaxatpi iviloxol qom anac, chegoqta'ague da nala' lliguisheguem.