Jeremías 50:2 - La'aqtaqa Ñim Lo'onatac 'Enauacna 2013

² «Qaua'axachem qome de'era nam ỹotta'a't shiỹaxauapi. Qanauaxaỹaxañiisheguem qome aca la'anaqte, qaua'axacheeuec saishet da qo'oxocheetañi, nacherata da qoñeeta': ‹¡Ye Babilonia noxonec qome! ¡Ñi atamnaxala' Bel qalaq huo'o qome da la'aloxo, qaq ñi atamnaxala' Marduc qalaq nlaqchigui da lcolanaxa! ¡Nam lqolacpi qataq na saq'en natamnaxala'pi qalaq qane'eetapigui qataq nlaqchigui da lli'iỹaxa!›

Jeremías 50:2 Referans Kwoze

Isaías 46:1

Ñim atamnaxala' Bel qalaq mashe qaica ca la'añaxac, qaq ñi atamnaxala' Nebo qalaq hua'axañi nache hueta'aguet na 'alhua. Ñiimaye qaỹacheleguete qome nam shiguiỹacpi, qalaq ỹataqta qapa'atte' da ỹacheta'ape nam shiguiỹacpi maye nasamñi.

Isaías 21:9

Qaq aỹem sela'aguet na shiỹaxaua netangui ana naigona maye lauegaxala'ate naua caaỹo. Qaq da la'aqtac namaye, 'eeta': «¡Mashe qailaxachigui, mashe qailaxachigui ye Babilonia! Qaq 'enauac na lqui'ipi nam natamnaxala'pi huetaiya', ỹataqta 'enauac dolachigui.»

Jeremías 51:47

Qaq mashe anacta ca na'a'q maye huaigui da sauo'o ca nhuaxanaguec na nqolacpi ye Babilonia. Qaq 'enauac qome yi'iye 'alhua da huetalec da na'aloxo qataq nlaqaalec na leuaxaicpi.

Jeremías 51:44

«Sauo'o qome ca nhuaxanaguec ñi atamnaxala' Bel ye Babilonia, Aỹem so'ot qome da anolec som iuoxonañi co'ollaxa, na ỹotta'a't shiỹaxauapi qalaq saishet da ỹe'eguelaxa da natamnot ñimaye, qataq saishet qome da nachattañi na lpaqtaxatpi ye Babilonia.

Apocalipsis 18:2

Somaye ỹataqta alam da lavilỹaxac, detaqtac, 'eeta': «¡Chaxan lshegue, qaq noxonec yem lta'araic nỹecpi le'enaxat Babilonia! Qaq yemaye lma' nagui na saqcha'a na'añaxacpi, qataq nqañoxotaqa' nam saqcha'a na'añaxacpi maye qauemaicpi, qataq lpata'c na ỹotta'a't maỹopi qataq lauac na shiguiỹacpi maye qarqaigaxat qataq saishet da sacheguenaq.

Sofonías 2:11

Ñim Nataxala' ỹataqta huo'o da lchec qom dataỹa'aguet namayepi. Cha'aye ilaxachigui qome 'enauac na atamnaxala'pi yi'iye 'alhua, qaq huaña qome nache 'enauac nam pa'aiguelo da qaỹo'oxoren Ñimaye, ivira'a nam shiỹaxauapi maye netaleguete nauatai' ỹaqa'atalo 'alhuole.

Jeremías 52:31

Qaq so na'a'q veinticinco so ca'agoxoic doce, so vi'i treinta y siete da qaỹauec co'ollaxa so Joaquín maye nta'a ye Judá, nache ỹacoolec da lo'onataxanaxac da nta'a ye Babilonia so Evil Merodac, qaq somaye ỹachaxana co'ollaxa da lauotaxanaqtaic so Joaquín, nache nqateeguesop aso ncoñetaxanaxaqui,

Jeremías 51:52

Qalaxaye Ñim Nataxala', 'eeta': «Anacta ca na'a'q maye huaigui da sauo'o ca nhuaxanaguec na nqolacpi ye Babilonia, nache 'enauac qome yi'iye na'alhua dachora't na que'emaxaicpi.

Jeremías 51:31

Na na'aqtaxanaxanecpi qalaq ca'ataueegue ñi lỹa da ỹa'axateua'a ñi nta'a ye Babilonia, da so lalamaxat huaqta'a't nỹecpi mashe imauec da noxonec.

Jeremías 51:8

Qalaxaye ye Babilonia nque'elaxatta da huañi, nache ỹataqta dolachigui. ¡Qanỹeñiilec qome yemaye! ¡Qandoiua'a qome ca lata' da lque'emaxa, shapegueto' ishet da nataren.

Jeremías 50:46

Qaq qom nlaguiñi ye Babilonia, nache ỹataqta lta'araic ca l-lamaxa, nache ỹacholaxan qome ana 'alhua, qaq da la'alaxac qalaq ivira'a qome na laỹepi ỹotta'a't shiỹaxauapi.»

Jeremías 46:14

«Qaua'aqtaxañim ye Egipto, qataq ye Migdol, ye Menfis qataq ye Tafnes, qoñiita': ¡Ña qanaỹamaxache, nache qami' lhuotte' qome! ¡Cha'aye na ỹeelonec mashe anacta da qami' ilaxachiguilo!

Jeremías 31:10

Qaq qami' ỹotta'a't shiỹaxauapi ñaq qana'axaỹaxañiỹa da la'aqtac Ñim Nataxala', qataq qaua'aqtaxañim nam hueto'ot na qaỹoqta loiguepi: ‹Ñim Nataxala' ilagaxattac co'ollaxa na Israel le'ecpi, qalaxaye qaltaq laỹona't qome nache ilo'ogue namayepi, 'eeta'am ca qagueta lo'o da ilo'ogue aca lalo qaguetapi.›

Jeremías 6:18

Qaq ỹoqo'oye Ñim nataxala', 'enapec: «Qami' ỹotta'a't shiỹaxauapi qana'axaỹaxañi qome, qauaỹaañiita qome da talec na ỹalamaxat nhuo' le'ecpi.

Jeremías 4:16

«Qauqachiỹa na ỹotta'a't shiỹaxauapi qataq qaua'aqtaxañim ye Jerusalén, da chegoqchiguiña qome ca qaỹoqta 'alhua ca npa'aguenaxauapi, nache ỹa'alaqtalec da nalaataxac da iloquiaxan ye Judá.

Isaías 48:6

'Am 'aua'aqchigui co'ollaxa 'enauac de'era, qaq ña 'aumeten namaye yaqto' ishet da 'aua'amaqten da 'eesa. Qaq nagui 'am sa'axatem nam dalaxaicpi qome, nam saq cha'api maye sa 'auauatton co'ollaxa,

Isaías 39:1

Qaq se'eso na'a'q so nta'a Medorac Baladán, som llalec so Baladán, maye nta'a ye Babilonia, la'axaỹaxac co'ollaxa da sa no'on so Ezequías qalaxaye mashe qaltaq no'oita, nache ỹauo'oi soua lamaxa'she da ira'alo so Ezequías aso lere qataq so nme.

Isaías 37:19

qataq ỹasaxangui co'ollaxa so norec so natamnaxala'pi, cha'aye saishet da 'eesa da atamnaxala'pi, somayepi chochaq 'epaq qataq coma', maye lo'onatac cam shiỹaxaua. Qaq ỹoqo'oye ishet co'ollaxa da ilaxachigui.

Isaías 13:2

«¡Qanauaxaỹaxañiisheguem qome qaỹa'añiỹalec aca toolec qasoxonaxa aca la'anaqte ca alaataxac! ¡Qataq qauamaqai qome na alleppi da yaqto' deloqui! ¡Qauoita'a na qarhuaqai da qoñiỹapega da inoxoneuo tateua'a na lasompi maye llegueuo nam 'amaqtaqaicpi nta'alpi!

Isaías 12:4

nache que'eca na'a'q qoñeeta' qome: «Qaỹa'añiỹot da qana'achecỹaxaqui, qataq qavio'oxoreñi Ñim Nataxala', qaua'aqtaxañim na ỹotta'a't shiỹaxauapi 'enauac nam huo'o maye ỹo'otpi co'ollaxa Ñimaye, qataq qauennataxanaxañic namayepi da Ñimaye imattalec 'enauacna.

Salmos 96:3

Qaua'aqtaxañim qome na ỹotta'a't shiỹaxauapi da llo'oxoyec, qataq qaua'aqtaxañim 'enauac na nhuo' le'ecpi na ỹo'ot da na'aalaxa maye ỹo'ot Ñimaye.

Salmos 64:9

Huaña nache 'enauac na shiỹaxauapi huo'o naq 'enec naqa'en Ñim Lo'onatac 'Enauacna, qataq ỹa'axattac na lo'onatacpi, huaña nache qaỹaỹateeta na ỹo'otpi Ñimaye.

Salmos 97:7

Nache 'enauac na atamnaxala'pi natamnot Ñimaye. Qaq huaña nache huo'o da la'aloxo 'enauac nam natameetacot na ne'enaqtac atamnaxala'pi nam ỹo'oxoreetac na atamnaxala'pi maye qaica ca naigui.

Isaías 48:20

Qoquiỹa'ai na babilonia qautaiueguesop na caldeopi. Qaua'axachiiuec de'era na'axaỹaxac nache qaua'alqai souaxat da qantonaxaqui, qataq qaviraxacha'a nam hueta'a na pa'atec ana 'alhua, qoñeeta': «¡Ñim Nataxala' isouec so Jacob maye lamaxashec!»

Jeremías 4:6

Qauachaxañiisheguem aca qara'anaxanaqchi qaloxonaxañiitegue da pa'aỹa'ague ye Sión, ime nache qauataiuec, saishet da huo'o ca qauacheeta'a, da qanmichiỹaique ca qaye'eguenaqa'ai. Cha'aye Aỹem sachegoxota'ague qome da sheu' da ñanacot ca ỹataqta qauem qataq cam lta'araic maye ishet da delaqtaxan.

Jeremías 51:12

¡Qauauo'oi aca la'anaqte da qauloquiaxañi ye Babilonia, nache qaulaxachiigui na lpaqtaxatpi! ¡Qataq qanquigaxacheeuec na nauanaxanaxanecpi qataq nam nauanaxanaxanecpi na pa'asheguem! ¡Qataq qauauo'oi na qanqañoxotaqaipi! Cha'aye Ñim Nataxala' ỹaỹamaxaañi qataq ipacchigui da ỹo'ot nam lapaxañipi maye ỹa'axatta'a co'ollaxa da dataỹa'aguet na lma' ye Babilonia.

Jeremías 51:27

Qaỹa'añiỹasheguem aca qara'anaxanaxache ne'ena 'alhua. Qauashiiyigui ana qarasheerei, qataq naỹamaxat qanqa'eñi 'enauac na ỹotta'at shiỹaxauapi da yaqto' qauloquiaxañi ye Babilonia. Qom qauloquiaxañi yemaye nache qauauaqaiguet na nta'alpi ye 'alhua Ararat, ye Mini, qataq ye Asquenaz. Qataq qauauoi ca nataxala' da ilo'ogue da alaataxac. Qataq qoquiỹot qome na caipi 'eeta'am qanqa'eñi aca qauemai shiiquioxoipi.

Daniel 1:2

Qaq Ñim Nataxala' ỹanem so Nabucodonosor, da loxonec so Joaquim, qataq da deuotaxanec so qalota nhuenecpi aso atamnaxaqui maye lalamaqte Ñim Lo'onatac 'Enauacna. Nache so Nabucodonosor, ỹauec so lcoñeteguishecpi ỹauega ye Babilonia, qaq se'eso nhuenecpi maye saqaishetapec, qalaq ỹachaigui co'ollaxa aso laỹe' na logoxoshetpi aso atamnaxaqui maye netaigui som natamnaxala'pi somaye,

Daniel 3:14

nache so nta'a ina't soomaye, 'eeta': ¿'Eesa peta'a da saishet da qanatamñiỹot na ñatamnaxala'pi, qataq ñi ne'enaqtac oro maye samaxasoxoolec co'ollaxa da qaỹo'ot?

Jeremías 10:11

Qami' Israel le'ecpi, qaua'aqtaxañim nam ỹaqa'a da la'amqaanataxanaxac, qoñeeta': «Nam atamnaxala'pi maye saishet da ỹo'ot co'ollaxa na piguem qataq ana 'alhua saishet qome da queta da netalec ana 'alhua, qataq saishet da huo'otaq 'oonolec ca hueta'a na mpa'aguiñi na piguem.»

Jeremías 10:15

namayepi qaica ca naigui, nda'a't da qane'eetapigui, qaq Ñim Nataxala' qom ivita ca lhuaxanaxanaxac, nache ilaxachigui namayepi.