Jeremías 50:10 - La'aqtaqa Ñim Lo'onatac 'Enauacna 2013

¹⁰ Nache ỹataqta nhuotta qome na caldeopi, ivitta'a da ỹataqta ỹaguec na lhuotaxanaxat. Qaq 'era da ỹa'aqtac Aỹem Nataxala'.»

Jeremías 50:10 Referans Kwoze

Jeremías 25:12

Qaq qom inoxoore'c caua setenta vi'iye, nache Aỹem sauo'o ca nhuaxanaguec ñi nta'a ye Babilonia, souaxat na lasouaxashetpi qataq nataqa'en nam shiỹaxauapi maye hueta'a nam na'alhua nam caldeopi, nache she'eguelaxata qome da chochaq tatec da toolec. Qaq 'era da ỹa'aqtac Aỹem Nataxala'.

Apocalipsis 17:16

Qaq se'esoua diez lcouel maye 'auauaachiguilo se'eso shiguiỹac, qataq so shiguiỹac leguemaxaic ỹataqta nquiỹa qome aña'añi quisheguetaxai, nache añimaye qaỹacona qome 'enauac na hueto'otpi. Nache ỹataqta huetauec qanqa'en, qataq qanallec na lapat, ime nache qaỹasaxangui ca norec da qaỹavigaxat.

Jeremías 27:7

Qaq 'enauac qome na ỹotta'a't shiỹaxauapi da do'onataxanot ñimaye, qataq ca llalec qataq ca laual, choche ivitta'a qome da ivita ca laloqo' da na 'amaqtaqaic ỹotta'a't shiỹaxauapi qataq na 'añaxaicpi nta'alpi da ilo'ogue na na'alhua ñimaye.

Isaías 45:3

Aỹem 'am sanem qome na nogoxoshetpi maye qoỹoxottañi, qataq dam nsallaxa maye qaỹachetaña cam saqcha'a naỹamaqtaxanaqa', qaq yaqto' 'auaỹaten da nachaỹem maye Aỹem Nataxala', maye Natamnaxala' na Israel le'ecpi maye so'ot da 'are'enaxat.

Isaías 33:23

Naua lque'ete ana notaxaquipi maye quiguingui na 'etaxat qalaq saishet da ichegueleguete, nache saishet da nllañi ana lashepi anamayepi qataq saishet da qaipiguiisheguem nam huaỹoxon naqa'en anamayepi. Huaña nache seuotaxanaxac nam qalota logoxoshetpi nam qampa'aguenaxauapi, qaq ivira'a nam ñe'eerauo naua lchel da deuotaxanec qome nam logoxoshetpi namayepi.

Isaías 33:4

nache na npa'aguenaxauapi 'eeta'am qome aca qalota shiiquioxoipi, da nqo'ona namayepi da deuotaxanec da lsallaxa.

Jeremías 50:26

¡Ñaq qauloquiaxañi qome yemaye qaunoxochiỹaua'a! ¡Nache qauauachiỹoiguilo qome naua laỹamaqtaxanaxaqui'! ¡Qataq qalapoñiisheguem na shiỹaxauapi nache qaulaxachiigui! ¡Nache saishet qome da huo'o ca nca'altauec qanqa'eñi!

Jeremías 51:24

Qalaxaye qami', qauauañiichigui qome da sesheeteneguet ye Babilonia, qataq 'enauac ye caldeopi, souaxat dam qauem maye ỹo'otec co'ollaxa ye Sión. Qaq 'era da ỹa'aqtac Aỹem Nataxala'.

Jeremías 51:35

¡Qaq ña isheeten qome ye Babilonia dam qauem maye aỹem ỹo'otec! ¡Ña isheeten qome ye caldeopi som ỹalamaxat shiỹaxauapi maye ỹalauat co'ollaxa!»

Ezequiel 11:24

Qaq ime, nache da la'añaxac Ñim Nataxala' aỹem nachalataxaañi, nache aỹem ỹe'eguelaxata ye Babilonia maye hueta'a som laỹepi ncoñeteguishecpi. Qaq de'era nache huaigui so ỹauanaqchec maye aỹem ỹachaxana som saqcha'a la'añaxac Ñim Lo'onatac 'Enauacna. Qaq co'ollaq ime se'eso ỹauanaqchec

Jeremías 50:37

¡Qanalaate' qome na nalleppi namayepi qaq iviloxol qome souaxat da lcolanaxa! ¡Qanalaate' qome na netalec na caipi qataq na netangui ana naigonapi! ¡Qanalaate' qome na nalleppi maye qaisheeten: yaqto' ỹe'eguelaxa da 'eeta'am aca 'alo da ñi'i! ¡Qailogui' qome nache qaiuotaxanec nam no'on logoxoshetpi!

Habacuc 2:8

Qaq souaxat da ỹataqta qalota nam 'auo'orauec co'ollaxa ỹotta'a't shiỹaxauapi, nache 'enauac ne'ena ỹotta'a't nhuo' le'ecpi 'am ỹo'orauec qome, souaxat da ỹataqta qalota so 'aualauat shiỹaxauapi, qataq da ỹataqta qaica ca 'auren nam hueta'a ne'ena 'alhua, qataq nam huaqta'a't nỹecpi qataq nam netaigui namayepi.