Jeremías 5:9 - La'aqtaqa Ñim Lo'onatac 'Enauacna 2013

⁹ ¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi?

Jeremías 5:9 Referans Kwoze

Jeremías 9:9

¿Qaq peta'a saishet da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.

Jeremías 5:29

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi? Qaq 'era da la'aqtac Ñim Nataxala'.

Nahúm 1:2

Ñim Nataxala' maye Lo'onatac 'Enauacna, Ñimaye ca'alaxanaxaic, qataq ishet da ipalaique lvi', qataq ishet da ipalaique lvi' da dataỹa'aguet nam ipa'agueetacpi Ñimaye, nache sa ỹala'ac da dalemataỹa na npa'aguenaxauapi.

Oseas 8:13

Qaq namayepi nqopita da aỹem ỹanot ana lachetaqtaxanaqtepi, nache namayepi chec na lapat nam nachetaqtaxanaxat, qalaxaye Aỹem Nataxala' sa saỹamaxaren da ỹo'ot namayepi. Qaq Aỹem seuennate qome nam qauem maye ỹo'otpi, nache sauo'o ca nhuaxanaguec souaxat na lasouaxashetpi, qataq she'eguelaxata qome ye Egipto.

Oseas 2:13

Qataq sauo'o ca nhuaxanaguec souaxat soua na'axa'te da ỹaatacot na ỹaqa'a atamnaxala'pi na lchenaxanaxat, qataq ỹaañi na no'otaxatpi, nchiguishaqtepi qataq ana lqolapi, nache ca'attague' na nquisheshaxauapi, nache aỹem icoua'ai. 'Era da ỹa'aqtac, Aỹem Nataxala'.

Ezequiel 7:9

Qaq saishet qome da 'am sechoxoreetac, sauo'o qome ca 'anhuaxanaguec souaxat dam qauem 'arataxac, qataq so'ot da 'ausheeten nam naigui nam 'auo'otpi maye qaiqaiga. Qaq huaña nache 'auaỹaten da Aỹem Nataxala' maye so'ot da 'anhuaxanaguec.

Lamentaciones 4:22

'Am huaqta'a't nỹecpi Sión, da 'anhuaxanaguec mashe ime, Ñim Nataxala' saishet qome da ỹe'eguelaxa da 'am ỹaneguet da 'ananoxonaguec. Qalaxaye 'am huaqta'a't nỹecpi Edom, Ñim Nataxala' ỹauo'o qome da 'anhuaxanaguec, souaxat nam qauem maye 'auo'otpi, qataq ỹachaxan nam 'arasouaxashetpi.

Jeremías 44:22

Qalaxaye Ñim Nataxala' mashe sa nalo'oguet co'ollaxa dam qauem, qataq deqaiga nam qauo'ocheetacpi. Qaq ỹoqo'oye yem qana'alhuai, nagui ỹataqta nlachiguiñi, qataq qaica ca hueta'a yemaye, nache nmeneguet da naloqnaxanaxat dam qauem, qataq cam ỹo'ot da ñi'iỹaxa da qailota'a.

Jeremías 23:2

Ñim Nataxala', maye Natamnaxala' na Israel le'ecpi, 'enapega na nataxala'pi maye ilotague' nam lalamaxat Ñimaye nhuo' le'ecpi, 'eeta': «Qami' qaulagaxacheetac ana ilopi qaguetapi, qataq datauec qanqa'eñi, nache saishet da qanchelỹa'a. Qaq ỹoqo'oye Aỹem nagui maiche qami' sepa'aigueta da sauo'o ca qanhuaxanaguiiqui souaxat nam qauem maye qauo'ocheetac. Qaq 'era da ỹa'aqtac Aỹem Nataxala'.

Isaías 1:24

Qaq ỹoqo'oye Ñim Nataxala' maye Qaica ca Ỹaqalanapec, Ñim La'añaxanec na Israel le'ecpi, da la'aqtac, 'eeta': «¡Nache tachiguiña nagui! Aỹem sataỹa'aguet qome nam aỹem ipa'agueetacpi, ñaq sepalaique ca ivi'.

Deuteronómio 32:43

¡Qaq qami' ỹotta'a't shiỹaxauapi qauanaqui qome da qaualliquiiua'a da ntonaxac na nhuo' le'ecpi maye lalamaxat Ñim Nataxala'! ¡Ñimaye ipalaique lvi' da l-leuaxa na lamaxashecpi, nache Ñim Nataxala' qom mashe ỹauo'o lvi' souaxat na mpa'aguenaxauapi, nache ỹapalaxat qome na nasouaxashetpi yi'iye 'alhua qataq na lalamaxatpi nhuo' le'ecpi!

Deuteronómio 32:35

Yaqto' lleuotta'a ca na'a'q da sepalaique ivi', nache sauo'o ca nhuaxanaguec, da ivita ca laloqo' da huañi namayepi. Qaq mashe yaqta'a da nlachiguiñi, ¡mashe sa qaỹapeque ye laloqo' namayepi!

Levítico 26:25

Qataq qami' nagueleguete ñaqa'en ca no'ogoxonaxat, da yaqto' huo'o da lvi' ñaqa'en da ñaỹamaxataxac, nache na'aictaxa da qavi'igueñiiua'a ca maiche qaralamaxache huaqta'a't nỹecpi maye qanpaxattaua'a, qalaxaye Aỹem qami' hueque ñaqa'en ca nalolaxasat maye qanlem, huaña nache ỹataqta qami' loxonqa ca qampa'aguenaxauaipi.

Isaías 57:6

'Am Israel, 'am 'anqopita da 'aỹa'anot da 'ayo'oxonnataxanaxac na salleeta coma' maye chegaqangui so la'auaxac, qaq nacheye yemaye da 'aỹa'a da 'arma' qome. Qaq nachena namayepi da 'aucorelec na 'arachetaqtaxanaxat lataxa qataq 'aỹa'anem ana ala na 'añiguishec. Qaq ¿peta'a 'aupi'itaxaatega da samachiguiñi da ime 'enauac de'era?

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Jeremías 32:31

Qaq ne'ena huaqta'a't nỹecpi, chegoqchiguiña co'ollaq cheta'ague da qano'oxoosheguem nache ivitta'a nagui, da nacherata da ỹo'ottac da ỹayeloxo qataq inogoxonaxac. Qaq ỹoqo'oye Aỹem sapalaxat qome namayepi,

Lamentaciones 3:42

Qomi', huo'o nam qarasouaxashetpi, qataq saishet da salaxasoq, qaq ỹoqo'oye saishet da qomi' 'auchoxore'n.

Levítico 18:25

cha'aye ivira'a ye na'alhua yemayepi da ỹataqta nshepaxan da lataxac. Ỹoqo'oye Aỹem so'ot da nhuaxanaguec souaxat de'era lle'etaxaloxo, qataq ivira'a yi'iye maiche na'alhua da deqaiga yemayepi.

Proverbios 6:29

Qataq ca lauañe' aca ỹaqa'a 'alo, qalaq camaye saishet da saqca ca nhuaxanaguec.

Jeremías 6:6

Ñim Nataxala' maye Qaica ca Ỹaqalanapec ỹan de'era lamaxasoxonaxac, 'eeta': «¡Qauchiqui aca qo'oipaqpi, nache qauo'oche ca ñeguisheguempi da yaqto' qauloquiaxañi ye Jerusalén! Yi'iye huaqta'a't nỹecpi qaỹauo'o qome da nhuaxanaguec, cha'aye nlaqchigui da qaica ca qairen.

Jeremías 6:11

Qaq aỹem nlaqchigui da 'arayeloxo 'am Ỹataxala', qaq mashe saishet da ñalo'oguet.» Nache Ñim Nataxala' aỹem 'enapega, 'eeta': «'Aucorelec da 'arayeloxo na ñaqpiolec maye huetangui na nqa'aicpi, qataq na nsoxoppiolec maye laỹootega't cha'aye qaỹaconeua'a qome da qaicoñe' na ỹalleppi qataq ana lhuapi qataq na ỹa'axaiquipi maye qaỹoqtegue da llaxa.

Jeremías 9:8

Na lachaxat namayepi qalaq 'eeta'am ana checnapi maye qanlem, namayepi ỹa'axattac nam saq 'enpi. Da iquin na nauochaxauapi qalaq ỹachaxana da lauotaxanaqtaic, qalaxaye choche nqoviitac.