Jeremías 5:6 - La'aqtaqa Ñim Lo'onatac 'Enauacna 2013

⁶ Qaq ỹoqo'oye na llonpi maye chegaqaigui na aviaq mpa'auec qome, nache ỹalauat namayepi, qataq na qa'alaqpi maye huetalec na toolec 'alhua qalaq icolaxattac qome namayepi, qataq na quiyocpi iloquiaxan namayepi qom hueta'a na lalamaxat huaqta'a't nỹecpi, qaq cam pa'auec namayepi, nache icolaxattac, cha'aye qalota na lasouaxashetpi qataq qalota da latenataxanaxac.

Jeremías 5:6 Referans Kwoze

Sofonías 3:3

Nam lataxala'pi qalaq 'eeta'am na llonpi da desoqtai'; qaq nam nmit ca nasouaxashet, qalaq 'eeta'am na qa'alaqpi maye huetauga na no'onaxa, maye saishet da no'onaxatañi ca 'oonolec lpi'inec da iviraxata'aguet ca lỹa na'a'q.

Habacuc 1:8

Qaq ana naloxo na lalo caipi qalaq napacalec ana naloxo ca quiyoc, qataq napacalec da lchec na qa'alaqpi maye huetauga na toolec 'alhua, qataq nam nalleppi maye netalec na caipi ỹataqta nquictauec, nache da ñaq qaỹoqta qalaq ỹataqta ỹachegoxotañi na lalo caipi da nalat, 'eeta'am ca qoỹo lo'o' da decanaxan da yaqto' huo'o ca loxonec.

Jeremías 4:7

Qaq ñi llon mashe ca'ai ñim lle'eguenaxaqui, mashe anacta nam ilaxachigui na ỹotta'a't shiỹaxauapi, qaq mashe ca'ai yem na'alhua da naỹa na 'ana'alhua da yaqto' ilaxachigui, qataq toolec naqa'en, qataq nlachiguiñi naqa'en nam 'aralamaxat huaqta'a't nỹecpi.

Ezequiel 22:27

Na nataxala'pi ne'ena 'alhua, qalaq 'eeta'am na qa'alaqpi da icolaxattac ca loxonec, qataq ỹataqta iyaqta'a da lalaataxanaxac, da ỹalauat na shiỹaxauapi da yaqto' desalligui.

Apocalipsis 13:2

Qaq se'eso shiguiỹac leguemaxaic, 'eeta'am da lataxac na quiyoc, qaq naua lchel, qalaq 'eeta'ama ana potai. Qaq na alap qalaq 'eeta'am na lỹa quiyoc. Qaq se'eso hua'auñi shiguiỹac leguemaxaic maye 'eeta'am na na'araxanaq ỹanem da la'añaxac da damaxasoxonapec se'eso shiguiỹac leguemaxaic maye chegaqangui aso auaxai.

Oseas 5:14

Cha'aye aỹem sheeta'am qome ca llon da seloquiaxan ye Efraín, qataq catai' llon llalec da seloquiaxan ye Judá, qaq nache aỹem qome da secolaxattac, ime nache ashec, nache sache qome ca ỹoxonec, nache qaica ca ishet da deuotaxanec.

Daniel 7:6

Qaq so lỹa shiguiỹac qalaq 'eeta'am na sauaxaic, qalaxaye cuatro soua laua't netrelec na l-laq, qaq nataqa'en sela'a da cuatro soua lqaigo, qataq qoỹanem da la'añaxac da ilo'ogue da no'onataxanaxac.

Daniel 7:4

So hua'auchiguiñi da nnoxoosheguem qalaq 'eeta'am na llon, qalaxaye huo'oi naua laua't 'eeta'am na vi'ic. Qaq so ñaq semeteetac, nache qanapo'c soua laua't, nache qanachalataxaañi da 'eeta'am qanqa'en na shiỹaxaua da nachattañi, nache ye lapio'oxo ỹe'eguelaxa da 'eeta'am na lapio'oxo na shiỹaxaua.

Ezequiel 23:19

Qalaxaye asomaye nache queto'ot da nquigaxattauec da lquisheguetaxac, iuennate soua na'axa'te co'ollaq ñaq qa'añole, co'ollaq hueta'a ye Egipto da nquishestac,

Ezequiel 16:25

Nache 'enauaque naua loga'te naua nqa'aico da 'aỹa'anaña na 'anatamnaqa'pi, qataq nache huaña da nmeneguet 'anqa'en da 'aryac dam qaiqaiga 'arataxac, souaxat da 'aỹa'anem da 'aro'ocỹaxac 'enauac na 'am nlectot, nache sa vi'iiguet da 'arquisheguetaxac.

Lamentaciones 1:5

Nam npa'aguenaxauapi co'ollaxa qalaq nachena nam na'aco'pi nagui, qataq na l-loquiaxauapi co'ollaxa nquictasheguem da lsallaxa nagui. Qaq cha'aye Ñim Nataxala', maiche ỹo'otec de'era laquicoxo, souaxat nam qalota lasouaxashetpi namayepi. Ỹoqo'oye som llalaqpi, qaỹauega ye ỹaqa'a 'alhua, ỹauec nam npa'aguenaxauapi namayepi.

Jeremías 49:19

Qom ñanac qalaq ñeque'elaxatta sheeta'am ca llon, da chegoqtoigui ye aviaq ye Jordán, nache tauga nam no'onaxa maye daralata na 'auaqpi, qaq huaña yemaye nache datauec ñaqa'en na Edóm le'ecpi, qataq so'ot qome da ilo'ogue ñaqa'en cam shiỹaxaua maye lleca'aguishec. Qaq ỹoqo'oye, ¿negue't ca ishet da sheeta'am? ¿Qataq negue't ca ishet da Aỹem ñe'eguene'? ¿Qataq negue't ca qagueta lo'o ca ishet da Aỹem dataỹa'aguet?

Jeremías 30:24

Da layeloxo Ñim Nataxala', saishet qome da vi'iiguet, choche ivitta'a da imatta da ỹo'ot nam 'eetapeguecpi. Qaq anacta cam na'a'q maye huaigui da qami' qauaỹachiñi qome de'era.

Jeremías 30:14

'Enauac nam 'anauonaxauapi 'am icoua'ai, mashe saishet da 'am qochetega. Cha'aye Aỹem 'am seque'emaqchet, sheeta'am ca 'ampa'aguenaxaua, sauo'o so lta'araic 'anhuaxanaguec, souaxat na qalota qauem maye 'auo'otpi. Qataq souaxat nam qalota 'arasouaxashetpi.

Jeremías 25:38

Ñimaye nnoxonec 'eeta'am ca llon da chegoqoolec ca lauanaxanaqa', qaq na na'alhua namayepi ỹe'eguelaxa da toolec, cha'aye 'eroigui da layeloxo Ñim Nataxala', nache namaxa namayepi da alaataxac maye ỹataqta chaqaic.

Jeremías 14:7

¡'Am Nataxala', na'aictaxa na qarasouaxashetpi da qomi' ỹa'aloqche't, qaq no'on da huo'o ca 'auo'ot souaxat da llo'oxoyec da 'are'enaxat! Qalota naxa da saishet da 'am salaxasoxoguet, qaq huo'o da qarasouaxashet 'am hueto'ot.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 2:17

Qaq de'era, 'am talec souaxat da aỹem qoca'ai, aỹem Nataxala' maye Aỹem 'Anatamnaxala' maye 'am sauecta'aguet co'ollaq qoquetague' so nqa'aic.

Jeremías 2:15

'Eeta'am ca llon da desoqtai' nam iloquiaxaatac somaye, nache ỹataqta nlachiguiñi naqa'en nam na'alhua. Qataq qaỹavigaxat som lalamaxat huaqta'a't nỹecpi, nache qaica ca no'onañi da hueta'a.

Isaías 59:12

Qomi', ỹataqta qalota naxa da 'am senogoqchetaq, na maiche qarasouaxashetpi nachena na qomi' ỹa'axa't, qaq nam qarasouaxashetpi qomi' netaiguilo, qataq saỹaanaqta nam qauempi maye so'otaqtac.

Salmos 104:20

Qaq da 'auanacot na napalaxa nache nvi' ye pe, qaq namaye nache quetaigui da nqalgoqtega't na shiguiỹacpi maye aviaq le'ecpi.

Esdras 10:10

Qaq huaña nache so ntaxaỹaxanaxanec Esdras nachaañi, nache 'enapeco': Qami' huo'o da qarasouaxashichi, cha'aye qauaroñiiguet na 'alpi maye natameetacot na ỹaqa'a atamnaxala'pi, qaq 'era da 'eetec da qanquigaxacheetauec da lasouaxashet na Israel le'ecpi.

Esdras 9:6

nache sheeta': «'Am maye 'Am Ñatamnaxala', aỹem sasaỹaten ca sheetec, qataq ỹataqta huo'o da ña'aloxonaxac da 'am seỹaxanot. Souaxat na qauemsat ỹataqta ỹaguisheguem, choche ivitta'a da qomi' ỹapoleguete, qataq ỹataqta iviro'ot na piguem.

Números 32:14

Qaq nagui, qami' llalaqpi so 'etaxaloxoicpi, qansheetaique da qoquiitegue da lataxac so qarta'ailpi, nache qanquigaxacheeuec da lalemataic Ñim Nataxala' da dalemataỹa na Israel le'ecpi.

Salmos 80:13

Qataq ana ỹolopi qalaq nlaxaañi, qataq na huauec shiguiỹacpi ỹauta asomaye.

Jeremías 8:5

Qaq 'am Israel, ¿ta'ainco' ye aỹem qoca'ai? 'Am Jerusalén ¿ta'ainco' da nache qoqueto'ot da Aỹem sa 'auaconeguet? ¿Ta'ainco' da 'auacona da sa 'aualaq, nache saishet da aỹem 'añe'eguelaxa?

Jeremías 30:15

¿Ta'ainco' da 'aua'alaqtac souaxat nam 'arque'emaxapi? Da 'anqui'ic saishet da qanataren. Souaxat na qalota qauem maye 'auo'ot qataq na qalota 'arasouaxashetpi nachena na huo'omshe 'am so'otec de'era.

2 Crónicas 36:14

Nataqa'en 'enauac so nataxala'pi ye Judá, qataq so ntaxaỹaxanaxanecpi, qataq so nhuo' le'ecpi nquigaxattec da saỹalaq, nache quegue da ỹo'ottac nam qaiqaiga maye ỹo'ottac som ỹotta'a't shiỹaxauapi, maye ỹaqa'a da la'amqaanataxanaxac, qataq saiyacnapec aso atamnaxaqui maye lalamaqte Ñim Nataxala', maye maiche lca'aguishe Ñimaye, da nache lma' maye naña ye Jerusalén.

Da na'aqtaguec so Job 10:16

Qaq da ñachaañi nache qoneta'am ca shiguiỹac maye dequi'iỹapec, da aỹem 'anqapecot da yaqto' aỹem 'ato, qaq 'era da 'eetec da ỹoltaq aỹem 'auachaxana da lta'araic 'ara'añaxac.

Isaías 1:23

Na 'arataxala'pi ỹataqta qauemaicpi qataq nauochaxaua na cachaxaicpi. 'Enauac da nmitta'a da nmeela't, qataq nmitta'a da qaỹauo'o na nmepi. Saishet da ỹo'otec ca ỹaỹamaqchiguiñi lataxac ca saploq, qataq saishet da huapegue' da itauan aca pa'ai.

Jeremías 2:31

Qaq nataqa'en qami' maye qami' dalaxaicpi, ña qana'axaỹaxañiỹa dam la'aqtac Ñim Nataxala'. 'Am Israel, ¿peta'a sheeta'am 'anqa'en ca toolec 'alhua, huo'otaq cam 'alhua maye huetalec na napalaxa? Qami' ỹalamaxat nhuo' le'ecpi, ¿ta'ainco' da qoñeỹapec. ‹Qomi' huesochiyiñi qaq saishet da qaltaq 'am she'eguelaxasoqot›?

Jeremías 8:7

Qaq ivira'a na huaqap, da ỹaỹaten ye laloxoqui da ỹe'eguelaq. Na qoto' qataq na payogotolec qataq ana salole ỹaỹaten ye laloqo' da nquiga ye lỹa lanataqa'. Qaq qami' ỹalamaxat nhuo' le'ecpi qalaq saishet da qauaỹachiñi' naua iqataxaco.