Jeremías 5:4 - La'aqtaqa Ñim Lo'onatac 'Enauacna 2013

⁴ Qaq aỹem seuennataxan, nache sheeta': 'Era da 'eetec na shiỹaxauapi da qaica ca ỹaỹaana'a, cha'aye saỹaỹaten cam 'eetapeguec Ñim Nataxala', qataq cam damaxasoxoolec Ñim Natamnaxala'.

Jeremías 5:4 Referans Kwoze

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Jeremías 8:7

Qaq ivira'a na huaqap, da ỹaỹaten ye laloxoqui da ỹe'eguelaq. Na qoto' qataq na payogotolec qataq ana salole ỹaỹaten ye laloqo' da nquiga ye lỹa lanataqa'. Qaq qami' ỹalamaxat nhuo' le'ecpi qalaq saishet da qauaỹachiñi' naua iqataxaco.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Jeremías 7:8

Qalaxaye qami' qaupi'iitegalo naua na'aqtaqa, maye tenataxanaxaiqa maye qaica ca naiguilo.

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Jeremías 9:3

Namayepi ỹataqta lhuotta naxa da ỹa'axat da natenataxanaxac, 'eeta'am da ỹauota'a ca lchecnec da ỹaỹenec aca lchecna. Ne'ena 'alhua huetalec da natenataxanaxac, qaq qaica dam 'eesa lataxac, namayepi ỹataqta nquigaxattauec da qauem, qaq Ñim Nataxala', 'enapec: «Namayepi saishet da Aỹem ỹauatton.»

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Isaías 29:12

Qaq da huo'otaq qoỹanem cam saỹaỹaten da ltaxaỹaxanataxanaxac, nache qoỹenapega qoỹeeta': «'Autaxaỹaxan ana'ana», nache camaye 'eeta': «sasaỹaten da itaxaỹaxanataxanaxac.»