Jeremías 5:30 - La'aqtaqa Ñim Lo'onatac 'Enauacna 2013

³⁰ Ne'ena 'alhua ỹataqta chaqaic qataq huo'o da lchec dam huetalec namaye.

Jeremías 5:30 Referans Kwoze

Oseas 6:10

Qaq huaña ne'ena na'alhua na Israel da sauaachigui nam ỹataqta qauem, qataq na Efraín da nquisheshe, nache na'aqchet na Israel le'ecpi.

Jeremías 23:14

Qataq Aỹem sauaachigui na na'aqtaxanaxanecpi na Jerusalén da ỹo'ottac nam ỹataqta qaiqaiga, namayepi ncachetague' ana saishet da lhua, qataq decachetac, qataq ỹa'añaqchet na qauemaicpi da yaqto' namayepi saishet da ca'ai da qauem. Namayepi qataq nam laỹepi maye hueta'a ne'ena huaqta'a't nỹecpi, 'eeta'am ñaqa'en so Sodoma qataq so Gomorra.

Jeremías 2:12

¡'Am piguem, 'aue'elaq qome souaxat de'era! ¡Qataq 'aviloxol qome souaxat da 'arcolanaxa! Qaq 'era da ỹa'aqtac, Aỹem Nataxala'.

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.

Jeremías 18:13

Qaq ỹoqo'oye Ñim Nataxala', 'eeta': «Qaunache qome na ỹotta'a't shiỹaxauapi, da huo'otaq huo'o ca hua'aqchigui co'ollaxa ca 'eeta'am de'era. ¡Na Israel le'ecpi huo'o da ỹo'ot maye ỹataqta qaiqaiga!