Jeremías 5:3 - La'aqtaqa Ñim Lo'onatac 'Enauacna 2013

³ 'Am Nataxala', 'Am 'anmittaique cam shiỹaxaua maye huesota da lataxac. 'Auauo'o co'ollaxa da nhuaxanaguec namayepi, qalaxaye saishet da iuet, qataq 'auachoxoren co'ollaxa, qalaxaye saỹaỹamaxaren da qaỹapaxaguen. Namayepi ỹataqta qaramchigui, napacalec ca coma', nache saishet da 'Am ỹe'eguelaxa.

Jeremías 5:3 Referans Kwoze

Jeremías 7:28

Qonapega namayepi, qoneta': ‹'Ena na shiỹaxauapi maye saishet da ỹalaxaguet Ñim Nataxala' maye Natamnaxala', qataq sa ỹaỹamaxaren da qaỹaỹamaxaañi da lataxac. So huesota lataxac mashe imauec da qaica saishet da huetaigui na alap.›»

Jeremías 2:30

Qaq qaica ca naigui da sauo'o co'ollaxa so nhuaxanaguec so qaỹa'alquipi, cha'aye somayepi saishet co'ollaxa da ỹalaq da saỹamaxatteguiñi da lataxac. Qaq 'enauac qami' qoñeeta'am ca llonpi maye dequi'iỹapec, da qaualauache som na'aqtaxanaxanecpi.

Sofonías 3:7

Nache da iuennataxac, 'eeta': ‹Da sheetec de'era nache ye Jerusalén Aỹem ñi'iỹa qome, nache ỹaconeguet qome da sapaxaguen; yaqto' saishet da dolagui na lma'pi, cha'aye souaxat da Aỹem sauo'o da nhuaxanaguec.› Qalaxaye namayepi ỹataqta iỹala'a co'ollaxa da ỹo'ot na ỹotta'a't qauemsat.

Isaías 9:13

Qalaxaye na nhuo' le'ecpi saishet da ỹe'eguelaqot Ñim Lo'onatac 'Enauacna, maye ỹo'ot co'ollaxa da nhuaxanaguec, qataq saishet da nmitaique Ñim Nataxala' maye Qaica ca Ỹaqalanapec.

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Isaías 42:25

Qaq ỹoqo'oye Ñimaye dalemataỹa namayepi, nache ỹauo'o da nhuaxanaguec, irolec da 'alaataxac maye huaigui da saishet da qaireetac, qataq hueteguelo naqa'en na norec, qalaxaye ñaqaiyeta namayepi saishet da ỹaỹaaneguet damaye.

Hebreos 12:9

Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, qaq qomi' nache huo'o naq 'ene'c ñaqa'ena'q soomaye. Qalaq ta'ainectoxo' da saq ỹactec da salaxasoxoguet Ñim Lo'onatac 'Enauacna maye Qarta'a maye neta'ague da piguem, cha'aye da nache shenaqtec de'era, nache huo'o ca qarca'alaxa chochaq tatec.

Romanos 2:2

na'aictaxa da saỹatenaq da Ñim Lo'onatac 'Enauacna da nmit na lasouaxashetpi 'enauac na shiỹaxauapi, nache saishet da sa iqatchigui.

Ezequiel 24:13

'Am Jerusalén, Aỹem sauotaique co'ollaxa da seỹouec na 'arshepaxanaxapi, souaxat da maiche 'ananoiqueetac naxa da huo'o ye 'auo'ot, qalaxaye saishet da 'am qui'itta. Nacherata qom 'am sematalec da ỹayeloxo, nache cheta'ague da 'am qui'itta.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Jeremías 19:15

«Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi, 'enapec: ‹Aỹem ñamaxa qome ne'ena huaqta'a't nỹecpi, qataq 'enauac nam netalec ne'ena 'alhua, cam nhuaxanaguec maye sa'axatta'a co'ollaxa, cha'aye namayepi ỹacona da qaramchigui da yaqto' saỹalaxagueta naua ỹa'aqtaqa.›»

Jeremías 7:26

Qalaxaye qami' saishet da Aỹem qaualaqaiguet qataq saishet da aỹem qauqocheetega, nacherata da ỹapac saqaualaqai, qanapacỹalec som hua'au qarta'ailpi.

Isaías 48:4

Qaq Aỹem ye saỹaten da ỹataqta qaramchigui na 'arqaic, ỹataqta 'am qaramta qoneta'am ca lcat qataq na 'aratap 'eeta'am ca lcat bronce,

Proverbios 27:22

Ca qaica ca ỹaỹaanapec na'aictoxo' da 'eeta'am aca nañiguishe ala da ỹataqta qailaxachigui da qaisoigui, qalaxaye camaye saishet da qanqateeguesop da qaica ca ỹaỹaten.

Proverbios 23:35

Nache choche qonetac: «Aỹem qaiuaxaatac co'ollaxa qalaxaye sañanom, aỹem qaỹalasheetac qalaxaye sañanom, qalaxaye qom choche ñelouec nache qaltaq selaique ca lataxa.»

Proverbios 22:12

Ñim Nataxala' ỹataqta nauaatalec da naỹaanec, qalaxaye saipaigui naqa'en na la'aqtacpi ca shepecaic.

Proverbios 21:29

Ca qauemaic qalaq 'eetega qaica cara da lataxac, qaq ca no'on da lataxac qalaq ỹaỹamaxatchiguiñi da llecỹaxac.

Salmos 51:6

Qataq saỹateeta da 'auauotec, da lquiyaqteỹaxac ca no'on ỹale, ỹoqo'oye saqcha'a 'anqa'en da aỹem 'aỹa'anem da ỹaỹaanec.

2 Crónicas 28:22

Qaq na'aictaxa co'ollaxa de'era huaigui ncogaxanataguec so nta'a Ajaz, da nache queto'ot da sa ỹalaxaguet Ñim Nataxala'.

Levítico 26:23

Qaq da ñaq 'eetalec da sa qaualaqai, qataq Aỹem qauataita'aguet,

2 Reyes 1:13

Nache so nta'a qaltaq ỹe'eguelaxalec da ỹamaq so lỹa huataxanaq lta'a, qataq so cincuenta alleppi. Qalaxaye se'eso huataxanaq lta'a, co'ollaq tasheguema so netaña so Elías, nache ỹa'aroto naua l-llectel, qataq nachoxoreetot, 'eeta': 'Am na'aqtaxanaxanec, ñaq aỹem 'auchoxoren taxa, nache qaica ca qona'ac da ñachaalataxac, qataq da nachaalataxac ne'ena cincuenta 'aramaxashecpi.

Jeremías 8:5

Qaq 'am Israel, ¿ta'ainco' ye aỹem qoca'ai? 'Am Jerusalén ¿ta'ainco' da nache qoqueto'ot da Aỹem sa 'auaconeguet? ¿Ta'ainco' da 'auacona da sa 'aualaq, nache saishet da aỹem 'añe'eguelaxa?

Jeremías 35:13

«Aỹem Nataxala' maye Qaica ca Seqalanapec qataq Natamnaxala' na Israel le'ecpi, 'am samaxa da 'anqo'ona ye shiỹaxauapi maye lma' ye Judá qataq ye Jerusalén nache qonapega, qoneta': Qauaỹaañiteguet qome de'era, nache qaualaqailec na ỹamaxasoxonaxacpi. Qaq 'era da ỹa'aqtac Aỹem Nataxala'.

Ezequiel 2:4

Qaq nataqa'en na llalaqpi namayepi qaramchigui, qataq sana'axaỹaxan. Qaq 'am samaxa namayepi da yaqto' qonapega, qoneta': ‹'Era da la'aqtac Ñim Nataxala'.›

Daniel 9:13

Qaq 'enauac de'era qauem qomi' taleguete, nache ipacchigui som nanettalec aso lmalate na lqataxacpi so Moisés, qalaxaye qomi' saishet da 'am ñimitaqaique 'Am Nataxala' maye 'Am Qanatamnaxala', qataq saishet da saxanaxañi nam qauem maye so'otaqtacpi, qataq saishet da qolaxague dam 'eesa lataxac.

Amós 4:6

Aỹem, so'ot co'ollaxa da huo'o na nqouaxa 'enauac nam qaralamaxache huaqta'a't nỹecpi, qataq qaica ca aloq ñaqa'en nam qarhuo'oi le'ecpi, qalaxaye ñaqaiyeta qami' saishet da aỹem qañe'eguelaqỹa. Qaq 'era da la'aqtac Ñim Nataxala'.

Génesis 19:34

Qaq so lỹa na'a'q, nache aso ỹe, qaltaq 'enapega aso na'asa, 'eeta': «So pe aỹem ỹauatañi' ñi qarta'a. Qaq ỹoqo'oye ne'ena pe, qaltaq setaqchetaq qome, yaqto' 'arauañi' ñimaye, yaqto' 'enauaque qomi' da huo'oi caua qochalqa chegoqchiguilo ñimaye.»

1 Reyes 13:33

Qaq na'aictaxa co'ollaxa de'era, so Jeroboán saishet da naralaxat da lataxac, nacherata da qaltaq ỹachegoxotaigui so nhuo' le'ecpi som ntaxaỹaxanaxanecpi, da yaqto' ilo'ogue som atamnaqa'pi maye huaña aso lcomaraxalatepi. Nache maicheye ca lauela somaye da ntaxaỹaxanaxanec, nache somaye ỹanagui da ilo'ogue se'eso atamnaqa'pi.

Salmos 51:8

¡Aỹem 'anlaxatchigui qome da ñetonaxac, qataq ỹamaicỹaxac, aỹem 'avi'eguelaxatem qome da ỹamaicỹaxac, na'aictaxa da 'auo'ot co'ollaxa da ñeque'eenaxac!

Salmos 55:20

Cha'aye namayepi nauaxaỹaxaasheguem na lhuaq da irota'a ca maiche nauochaxaua, qataq saishet da ipagueleguete naua la'aqtaqa.

Isaías 26:11

'Am Nataxala', na 'arhuaq mashe lhuotta da 'auaxan namayepi, qalaxaye namayepi saishet da ila'a, qaq qom ila'a da lta'araic 'arauotaxanaqtaic nam 'aralamaxat nhuo' le'ecpi, nache namayepi huo'o qome da la'aloxo. ¡Qaq 'onaxaictoxo' da na le'eraxa da 'aralemataic ỹavigaxatta qome namayepi!

Jeremías 3:3

Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!

Jeremías 15:7

Selagaxattac na 'arhuo' le'ecpi, 'eeta'am ñaqa'en ca 'auaqpi ltoxoic ñeqateeguesop na huaqta'a't nỹecpi maye hueta'a ne'ena 'alhua, nache qaica ñaqa'en ca llalaqpi na ỹalamaxat nhuo' le'ecpi, namayepi selaxachigui, souaxat da saishet da ỹalat da qauem lataxac.

Jeremías 17:23

Qalaxaye somayepi saishet co'ollaxa da Aỹem qocha'a qataq saishet da Aỹem ỹalaxaguet, nacherata da queto'ot da sana'axaỹaxan, qataq saishet da ỹalaq da qanqanaxattac.

Jeremías 44:10

Qaq ivitta'a nagui da qami' saishet da qanaralaxache da qarataxaqui, qataq qaica ca qarcolanqai, qataq saishet da qaupaquiilec na ỹapaxaguenataxanaxacpi qataq na iqataxacpi maye qami', qataq som hua'au qarta'ailpi sanem co'ollaxa.

Amós 4:8

Nache na shiỹaxauapi quetagui nam huaña na huaqta'a't nỹecpi da ilotaique 'etaxat, qalaxaye saishet da ỹataqta nmeta da laquipegaxanaxac namayepi. Qalaq ñaqaiyeta qami' saishet da aỹem qañe'eguelaqaỹa. Qaq 'era da la'aqtac Ñim Nataxala'.

Amós 4:9

Qataq qami' seroleguete so lta'araic la'at maye ỹataqta dapaqa qataq na qoche'l, qataq aso shiiquioxoipi da yaqto' ỹauta 'enauac aso qa'añiguishe, uvapi, higopi, qataq aso olivopi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Amós 4:10

Qataq qami' ñamaxalo da qanhuaxanaguiiqui maye 'eeta'am so ñamaxa co'ollaxa ye Egipto, qataq serolec na ỹeelonec da qaỹalauat so nsoxoppi nache qaiuotaxanec so lalo caipi, qataq qauaviquiitañi ñaqa'en na laita so leuaxaicpi. Qalaq ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.

Amós 4:11

Qataq qami' seroleguete so ỹataqta lta'araic lchec da qami' ñelaxaayiñi, 'eeta'am co'ollaq ñelaxaañi ye Sodoma qataq ye Gomorra, nache qoñeeta'am aca poqo maye qanqateeguesop ca norec, qalaxaye ñaqaiyeta saishet da aỹem qañe'eguelaqaỹa. Qaq 'era da la'aqtac Ñim Nataxala'.