Jeremías 5:24 - La'aqtaqa Ñim Lo'onatac 'Enauacna 2013

²⁴ Saishet da qauennataxañi qataq da, qoñiita': Huo'o naq 'enec ñaqa'enaq Ñim Nataxala' maye Qanatamnaxala', cha'aye qomi' namaxalo naxa na auot maye huaigui yem cotap qataq ye nauoxo, qataq ipacchigui naqa'en ye laloxoqui da ñeqataq na ala na qorañiguishec.

Jeremías 5:24 Referans Kwoze

Salmos 147:8

Ñimaye ỹapolec naqa'en na lo'oc na piguem, qataq talec naqa'en ana 'alhua na auot, qataq ana qasoxonaxapi ñaxaalec naqa'en na 'auaqpi.

Joel 2:23

¡Qataq qauamaichiguiñi qome qami' maye qarma'ai na Sión, qataq qaỹa'añiitacot qome da qantonaxaqui Ñim Nataxala' maye Qanatamnaxala'ai! Cha'aye Ñimaye ipacchigui qome naqa'en ye laloxoqui na auot, yem latomaxa qataq nauoxo, nache 'eeta'am soua hua'au' na'axa'te.

Génesis 8:22

Qom ñaqauo'o ana 'alhua, nache saishet qome da saqca ca nanaxanaxac, qataq ca nqataxanaxac; qataq huo'oi qome naua nta'api qataq naua latomaxaye, qataq huo'o qome ca no'omaxa qataq napaxaỹaxa, qataq na'axa'te qataq pe'.»

Hechos 14:17

Qalaxaye ñaqaiyeta Ñimaye ỹataqta qomi' nachaxaatalo, da qomi' ỹo'oteque da ỹaỹamaqchiguiñi, da qomi' namaxalo na auot, qataq 'onaxaic naqa'en na qorañiguishec, qataq sa qoue naqa'en na qonoq, da yaqto' samaqchiguiñi.

Mateo 5:45

Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.

Jeremías 14:22

¿Qaq peta'a huo'o ne'ena saq 'en atamnaxala'pi ca ishet da ỹo'ot da huo'o na auot? Qataq ¿peta'a ishet na piguem da maichena da namaq aca auot? ¡'A'i saishet, 'Am Nataxala' qataq Qanatamnaxala'! 'Am maye ishet da 'anamaq namaye, 'Am maye 'auo'ot 'enauac nam huo'opi, ¡Qaq ỹoqo'oye qomi', 'Am seuataqta'aguet!

Apocalipsis 11:6

Caamaye huo'o da la'añaxa'c, da saishet naqa'en da auot iviraxattre'c caua tres vi'iye qataq ca laiñi ca lỹa vi'i maye huetoigui da da'aqtaxaata'ape. Qataq nataqa'en huo'o da la'añaxa'c da ishet da nañigui naqa'en da ntago'q na 'etaxat, qataq da ỹo'otec 'enauac na shiỹaxauapi maye huetalec ana 'alhua na ỹotta'a't qauemsat. Qataq ỹataqta maiche ỹoiqueeta'ape da ỹe'eguelaqtaleguete cam ỹo'otec namayepi.

Santiago 5:7

Qalaxaye qami' ỹaqaỹa't, ỹataqta qauauo'oi da qanhualaxaunaxaqui, qataq saishet da leetapigui ye qarvilli, cha'aye mashe saqaỹaloq da nvi' So Cristo maye Qarataxala'. No'on da qaue'enaxache da lataxac na shiỹaxauapi maye netauga na no'onaxa, da ỹataqta huo'o da lhualaxavic da iuattaique ca auot, qataq nataqa'en huo'o da naquitaxac da ana 'alhua ỹami' ca no'on ala ca lañiguishec.

Zacarías 10:1

Ñaq qauỹaxañiỹot qome Ñim Nataxala' da namaq ca auot ye nauoxo, cha'aye Ñimaye nacheñi ñi ỹo'ot na napo, qataq namaq na auot, qataq nacheñi ñim ỹo'ot da lañaxataxac 'enauac ana huoue maye huetalec na no'onaxa.

Amós 4:7

Qataq co'ollaq saxanaqcaua soua tres ca'agoxoiqa da qanqat na ala na nañiguishec, nache vi'iiguet ñaqa'en so auot. Nache na huaqta'a't nỹecpi huo'o na talec ñaqa'en so auot, qataq huo'o na saishet da talec ñaqa'en, qataq na no'onaxapi huo'o na talec ñaqa'en so auot, qataq huo'o na saishet da talec ñaqa'en nache deqaqa souaxat da qaica ca auot.

Oseas 6:1

Ña qauanaqui, nache she'eguelaxasaxa Ñim Nataxala', cha'aye Ñimaye qomi' nlaxatchiyiñi co'ollaxa, qalaxaye ishet da qaltaq qomi' no'oite' naqa'en, qataq qomi' ique'emaqche't, qalaxaye ishet da qaltaq qomi' natare'n.

Jeremías 50:5

Denataxaataique qome ca nqa'aic maye taỹa'ague da Sión, ime nache jec da taỹa yemaye nache, 'eeta': ‹Ñeqo'onaxa Ñim Nataxala', nache sauoqo'o ca chochaq tatec qanaỹamaxataxac maye saishet qome da icoua'ai Ñimaye.›

Jeremías 5:22

Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Isaías 64:7

Qaq mashe qaica ca iỹaxaatega da 'are'enaxat huo'otaq da na'añaxat da yaqto' 'am ỹe'eguenot. Qaq ỹoqo'oye qomi' 'anqañoxocheesopa qataq qomi' 'auala't souaxat nam qauem maye so'otaqpi.

Da na'aqtaguec so Job 38:37

¿Negue't ca ỹaanaxanaxaic, da ỹaỹaten da naloqten ye lcata na lo'oc na piguem? ¿Negue't ca ishet da iqui'itaxatchigui namaye da yaqto' ncoyiñi na auot,

1 Reyes 17:1

Qaq so na'aqtaxanaxanec Elías, maye lma' ye Tisbé, yem huagui ye 'alhua Galaad, 'enapega co'ollaxa so Ajab, 'eeta': «Ỹataqta 'eesa da nca'altauec Ñim Nataxala', maye Natamnaxala' na Israel le'ecpi, maye aỹem lamaxashec, da ne'enaua vi'iye qaica qome ca auot, qataq ca 'aỹa, nache choche ivitta'a qom ỹoltaq san ca ỹa'aqtac.»

Deuteronómio 28:12

Qataq Ñim Nataxala' ỹauateua'a qome da lsallaxa maye hueto'ot na piguem, da yaqto' ipacchiguilo naqa'en naua laloqo'ote na auot da talec ca 'ana'alhua, nache ỹanem da no'on 'enauac ca 'aro'onatacpi. Huaña nache ishet qome da 'aua'aalaxanaxan ca ỹotta'a't shiỹaxauapi, qalaxaye 'am saishet qome da 'aua'aalaxatac.

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Da na'aqtaguec so Job 5:10

Ñimaye namaxa ana 'alhua ca auot, qataq ca 'etaxat, icorelec 'enauac na no'onaxa,

Salmos 65:9

'Am ỹataqta 'antela'a ana 'alhua, 'anamaxa na auot qataq ñaxatsheguem 'anqa'en na huetalec, qataq 'auauota'a na la'auaxac da ñaxat 'anqa'en na trigo, qaq 'era da qonetec da 'auqataxanai' na no'onaxa.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Jeremías 3:3

Ỹoqo'oye qaỹaloqta da huo'o ca auot qataq qaica ca auot ye nauoxo. 'Am qoneta'am da lataxac aca quisheguetaxai, ¡Qamaq ishet taxa da huo'o da 'arcoxo!

Da na'aqtaguec so Job 29:23

qaq namayepi iuatta'agueta naua ỹa'aqtaqa, 'eeta'am da 'eetec da iuattaique na nca'ataxanauo auot.

Jeremías 10:13

Da detaqa Ñimaye nache laỹona't na 'etaxat na piguem, qataq chegoqchiguiña naqa'en naua loga'te ana 'alhua da naỹoxoosheguem naqa'en na lo'oc na piguem qataq qashelecteguiñi naqa'en na le'eraxa na auot qataq na la'at chegoqchiguiña naqa'en cam laỹonaqa'.