Jeremías 5:22 - La'aqtaqa Ñim Lo'onatac 'Enauacna 2013

²² Qaq Aỹem Nataxala', shenapec: ¿Saishet peta'a da huo'o ca shenec qanqa'eñi? ¿Saishet peta'a da qaviloxolli da aỹem qauataito'ot? Aỹem so'ot co'ollaxa na delecpi da loga'tpi ñaqa'en ana auaxai, nam loga'tpi maye ana auaxai saishet da napacalec. Qaq na'aictaxa da dauaxan ana lapaxa qataq dellimigui qalaxaye saishet da napacalec yi'iye loga't.›

Jeremías 5:22 Referans Kwoze

Salmos 104:9

Qataq 'auauo'oi naua loga'te da yaqto' saishet da napacaleguete, nache saishet da qaltaq ỹe'eguelaxa da ỹapolec ana 'alhua.

Da na'aqtaguec so Job 26:10

Ñimaye ỹo'o't naua loga'te aso auaxai, qataq iỹotauga da lpa'axac na yo'oqchiguiñi qataq na napalaxa.

Proverbios 8:29

qataq co'ollaq ỹauo'oi naua loga'te aso auaxai da yaqto' saishet da jec na 'etaxat, qataq co'ollaq lapaxañi so lo'oxonaxala' ana 'alhua,

Salmos 119:120

Da ỹo'ocỹaxac ỹataqta iviloxol souaxat da icolanaxa da qoneta, cha'aye huo'o naq 'enec ñaqa'en naua 'arqataxaco.

Deuteronómio 28:58

Qaq 'am qom sa 'anapaxaguena 'enauac na nqataxacpi maye nanettalec ana'ana nere, qataq qaica ca 'enec 'anqa'en da ỹo'oxoraic le'enaxat Ñim Nataxala' maye 'Anatamnaxala',

Nahúm 1:4

Qaq da ỹarenapega aso auaxai nache asomaye deqaxaỹañi, qataq deqaqa naqa'en 'enauac na talapi. Qaq na no'onaxapi ye Basán qataq añi qasoxonaxa Carmelo qalaq deqaqa, qataq deqaqa ana lauoxopi maye hualec na no'onaxapi ye Líbano.

Jeremías 10:7

¿Negue'tom ca saishet da 'am ñi'iỹa, 'am Nta'a maye 'aulotague' na ỹotta'a't shiỹaxauapi? 'Am maye 'aiguet da huo'o naq 'enec qanqa'en. Cha'aye 'enauac na ỹaanaxanaxaicpi qataq na nta'alpi ana 'alhua qaica ca 'eeta'am 'am.

Marcos 4:39

Nache So Jesús ñesheguem, nache 'enapega so la'at qataq aso lapel da nañaxaayiñi. Nache so la'at vi'iiguet, nache 'enauac da ỹe'eguelaxa da ntochiguiñi.

Apocalipsis 15:4

'Am Ita'a, 'enauac da huo'o naq 'enec qanqa'en 'am qataq 'am qaỹo'oxoreetac, cha'aye 'am 'oonolec da 'am qui'itta. 'Enauac na ỹotta'a't shiỹaxauapi ana 'alhua, anac da 'am ỹo'oxoren, cha'aye ỹaỹateeta da 'am ỹataqta no'on da 'arataxac.»

Amós 9:6

Qaq Ñim Lo'onatac 'Enauacna ỹo'ot ye lanataqa' na piguem, qalaq nache na'attalec naqa'en ana 'alhua, qaq Ñimaye da iỹaxana na 'etaxat maye huetangui aso auaxai, nache huecorelec naqa'en ana 'alhua. Qaq Ñimaye, le'enaxat Nataxala'.

Salmos 99:1

Ñim Nataxala' nacheñi ñi Nta'a, añi nso'onaxaqui Ñimaye netanguilo soua ne'enaqtaqa le'enaxa't querubines, qaq na ỹotta'a't shiỹaxauapi ỹataqta iviloxol, qataq ana 'alhua ỹataqta cholaxan qome.

Salmos 33:7

Ñimaye laỹona't co'ollaxa na 'etaxat aso auaxai, qataq ỹaỹamaxat ỹachangui asom qaỹoqchiguingui auaxai late'erai.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Isaías 50:2

¿Ta'ainco' co'ollaq ñevi', nache qaica ca selalec? ¿Ta'ainco' co'ollaq seỹaxan, nache qaica ca ỹasat? ¿Qaupicheetega peta'a da aỹem sañaloua'a da qami' ñeca'alaxatrec? ¿Qaupicheetega peta'a da sa sañoxot da qami' sesore'c? Qamaq aỹem ishet da choche 'oonolec ỹa'aqtac ca san nache deqaqa aso auaxai, qataq ana talapi qalaq ỹe'eguelaxa da toolec 'alhua, yaqto' na nỹaqpi ilem na laquip nache nchega souaxat da qaica ca 'etaxat.

Lucas 12:5

Nachaqrata da qayi'iỹai Ñim Lo'onatac 'Enauacna Ñim saishet da nachaqrata da nqat da achaalataxac, maye nataqa'en Ñimaye huo'o naq 'enec da ỹamaxaña ca nhuaxanaqa' na 'etaxaloxoicpi ca shiỹaxaua, qom imat da nqat da nachaalataxac. Qaq 'iñi maye ishet da qayi'iỹai.

Daniel 6:26

qataq samaxasoxoolec da 'enauac ne'ena selotague' 'alhua, da huo'o naq 'enec qanqa'en, qataq qaỹalaxaguet Ñim Natamnaxala' ñi Daniel. Cha'aye Ñimaye, nacheñi Ñim Lo'onatac 'Enauacna maye nca'altauec, qataq nache 'eetai' da sa imeuo. Da lo'onataxanaxac saishet qome da nlaguiñi, qataq da la'añaxac qaica ca loga't.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Génesis 1:9

Nache Ñim Lo'onatac 'Enauacna 'enapeco': Na npa'atañi 'etaxat huo'o ca laponqa', yaqto' huo'o ca lqaxaỹaxa. Qaq 'era da 'eetec.

Da na'aqtaguec so Job 38:8

Qataq ana auaxai co'ollaq chegoqtoigui ana 'alhua da npaxaasheguem, nache ¿negue't co'ollaxa ca ỹo'o't naua laso'omi da yaqto' npaxateguet na 'etaxat?

Salmos 46:3

huo'otaq da dellimigui aso auaxai qataq da nachaañi ana lapaxa asomaye, qataq da cholaxan naqa'en ana qasoxonaxapi da la'añaxac.

Isaías 64:2

'eeta'am ca norec da ỹavigaxat aca qo'oipaq, huo'otaq da nacham naqa'en ca 'etaxat. Qaq huaña taxa nache na 'ampa'aguenaxauapi ỹauatton da 'are'enaxat, qataq na ỹotta'a't shiỹaxauapi iviloxol taxa souaxat da 'arviraxac.

Jeremías 2:19

Dam qauem maye 'auo'ottac nachera qome da 'am iuaxan, qataq da sa 'aualaq nachera da ỹo'ot qome ca 'anhuaxanaguec. Ñaq 'auennataxan qome yaqto' 'aula'a da ỹataqta qauem qataq chem da Aỹem 'aualat, qataq da saishet da huo'o 'anqa'en ca ỹa'amaqchec, Aỹem Nataxala' maye Aỹem 'Anatamnaxala'. Qaq 'era da ỹa'aqtac, Aỹem Nataxala' maye Qaica ca Seqalanapec.

Amós 4:12

Qaq ỹoqo'oye qami' Israel le'ecpi nataqa'en qami' so'oteque qome de'era, qaq cha'aye so'ot qome damaye nache qanaỹamaxache da qauanaiua'a nam Qanatamnaxala'ai.

1 Reyes 13:28

ime nache jec somaye, nache ilalec so lo'ocỹaxac se'eso shiỹaxaua maye ileu huetangui so nqa'aic, qaq som llon qataq som 'ashena ñaq netraña yemaye, qaq som llon saishet da chec somaye huo'otaq da ỹe'egueeta'a da ỹalauat so 'ashena.

Da na'aqtaguec so Job 37:24

Qaq ỹoqo'oye na shiỹaxauapi ỹataqta ñi'iỹa Ñimaye, cha'aye qaica ca naigui naqa'en, na 'eetega ỹaanaxanaxaicpi.»

Jeremías 31:35

Ñim Nataxala' maye ỹo'ot añi nala' da yaqto' icoỹarelec ye na'a'q ñi ca'agoxoic qataq ana huaqaañipi da yaqto' icoỹarelec ye pe, qataq ỹo'ot da aso auaxai deratac, qataq dauaxan ana lapaxa, Ñim le'enaxat Nataxala' maye Qaica ca Ỹaqalanapec, 'eeta':

Jonás 1:16

Qaq co'ollaq ỹauaachigui de'era somayepi, nache ỹataqta lta'araic naqa'en da 'enec Ñim Nataxala', nache ỹauo'o aso lachetaqtaxanaqte da ỹanot Ñimaye, qataq ỹan da la'aqtac da nache 'eetai' da natameetacot.