Jeremías 5:21 - La'aqtaqa Ñim Lo'onatac 'Enauacna 2013

²¹ ‹Ñaq qana'axaỹaxañiỹa de'era qami' nhuo' le'ecpi maye qaica ca qarauattonaxanaxaqui, qataq qaica ca qauaỹaañiỹapec, cha'aye huo'oi naua qara'ai'chilli' qalaxaye saishet da qanauañiiñi, qataq huo'oi naua qartelai lauacolli' qalaxaye saishet da qaua'aqai.

Jeremías 5:21 Referans Kwoze

Ezequiel 12:2

«'Am shiỹaxaua, 'am qonetangui na nhuo' le'ecpi maye ỹataqta qauemaicpi. Huo'oi naua la'ai'te, qalaxaye sanauaañi, qataq huo'oi naua ltela lauaco qalaxaye sa hua'aqa, cha'aye ne'ena nhuo' le'ecpi ỹataqta qauemaicpi.

Hechos 28:26

‹'Asoma, 'aua'aqtaxanem qome ne'ena shiỹaxauapi, qoneta': Qami' na'aictaxa da qaua'aqaitac, qalaxaye saishet da qauaỹaañi cam qaỹa'axattac. Qataq na'aictaxa da qanloitauec, qalaxaye saishet da huo'o ca qauloỹa'a.

Romanos 11:8

Qaq ipacchigui da 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Ñim Lo'onatac 'Enauacna ỹapogui da ntoonaxac, qataq naua la'ai'te, qataq naua ltela lauaco, choche ivitta'a nagui.»

Juan 12:40

Ñim Lo'onatac 'Enauacna ỹo'otec naqa'en namayepi da sanauaañi qataq ỹataqta qaramchiguilo naqa'en naua lquiyaqtel, yaqto' namayepi saishet da nauaayiñi naua yo'oqchiguilo la'ai'te, qataq qaica ca ỹaỹaten da lquiyaqteỹaxac, qataq da saishet da Aỹem ñe'eguelaxa, da yaqto' ñataren.

Jeremías 4:22

«Na ỹalamaxat nhuo' le'ecpi ỹataqta qaica ca ỹaỹaanapec, qataq saishet da Aỹem ỹauatton, 'enapec Ñim Nataxala'. Namayepi saishet da deuennataxan qataq qaica laỹaanataxanaxac. Sanqalaate' da ỹo'ot na qauem, qalaxaye saỹaỹaten da ỹo'ot ca no'on.»

Marcos 8:18

Da huo'oi naua qara'ai'chilli', qalaq ¿ta'ainco' da saishet da qanauañiiñi? Qataq da huo'oi naua qartelai lauacolli', qaq ¿ta'ainco' ye saishet da qaua'aqai? ¿Saishet peta'a da qantooñic

Jeremías 8:7

Qaq ivira'a na huaqap, da ỹaỹaten ye laloxoqui da ỹe'eguelaq. Na qoto' qataq na payogotolec qataq ana salole ỹaỹaten ye laloqo' da nquiga ye lỹa lanataqa'. Qaq qami' ỹalamaxat nhuo' le'ecpi qalaq saishet da qauaỹachiñi' naua iqataxaco.

Jeremías 5:4

Qaq aỹem seuennataxan, nache sheeta': 'Era da 'eetec na shiỹaxauapi da qaica ca ỹaỹaana'a, cha'aye saỹaỹaten cam 'eetapeguec Ñim Nataxala', qataq cam damaxasoxoolec Ñim Natamnaxala'.

Isaías 44:18

Ne'ena shiỹaxauapi qaica ca ỹaỹaten, huo'oi naua la'ai'te qalaxaye sa nauaañi, qataq napotagui da ntoonaxac, nache qaica ca lauattonaxanaxac.

Salmos 94:8

Qaq ỹoqo'oye, qami' maye qaica ca qauaỹaañiỹapec, ña qauaỹaañiteguet qome de'era cha'aye qami' 'enaqaiqa ¿che laguio' da huo'o ca qauaỹachiñi?

Isaías 27:11

Qaq da deqaqa ana lcoue ana 'epaq nache huacac, huaña nache na 'alpi laỹona't nache dalonaxana da ỹo'ot ca l-le'. Cha'aye ne'ena nhuo' le'ecpi qaica ca laỹaanataxanaxac. Qaq ỹoqo'oye Ñim Lo'onatac namayepi saishet qome da ichoxoren, qataq saishet da ỹasaxalec da lchoxonnataxanaxa.

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Deuteronómio 32:6

¿Peta'a nachera da 'eetec da qaushiichiñi Ñim Nataxala'? Qami' nhuo' le'ecpi maye qaica ca qaraỹaanataxanaxaqui qataq qaica ca qauaỹaañiỹapec, ¿peta'a sa nacheñi ñimaye da qarta'ai, maye qami' lo'onataqa? ¡Ñimaye qami' lo'onataqa qataq ỹo'ot da qanachaalataxaqui!

Deuteronómio 29:4

Qalaxaye ivitta'a nagui da Ñim Nataxala', saxanaxa da ỹo'ot da lauattonaxanaxac naua qarquiyaqchilli', qataq saxanaxa da nauaayiñi naqa'en naua qara'ai'chilli', qataq saxanaxa da hua'axai' naua qartelai.

Oseas 7:11

Qaq ye Efraín, qalaq 'eeta'am na qoto' da 'enaqaic qataq qaica ca lauattonaxanaxac, nache taỹa qome ye Egipto da iỹaxanaique ca ntaunaguec, ime, qaltaq taỹa ye Asiria.

Jeremías 10:8

'Enauac namayepi qaica ca ỹaỹaten qataq qaica ca laỹaanataxanaxac. ¡Qaica ca napaxaguenataxanaxac da ỹachegoxotaigui nam 'epaqpi!

Marcos 4:12

Yaqto' na'aictaxa da nlotauec, qalaq saishet da ila'a, qataq da hua'aqtac, qalaq saishet da ỹaỹaten. Nachaqrata da ntouen, nache iỹaxanot Ñim Lo'onatac 'Enauacna da ỹapalaxat na lasouaxashetpi.»

Romanos 1:20

Cha'aye chegoqchigui nam yo'oqchigui lo'onatacpi Ñim Lo'onatac 'Enauacna da ishet da sauattonaq qataq nataqa'en ishet da selaqa'a da la'añaxac. Qaq ỹoqo'oye 'enauac na shiỹaxauapi saishet da huo'o ca nmaxa,

Isaías 43:8

Ña qaua'aqaita'a da anac nam ỹalamaxat nhuo' le'ecpi, maye huo'oi naua la'ai'te qalaxaye sanauaañi, qataq huo'oi naua ltela lauaco qalaxaye sa hua'aqa.

Jeremías 5:20

«Qaua'axachem de'era nam chegoxoguet so Jacob, qataq qoñiỹapega na hueta'a na Judá, qoñeeta':

Jeremías 6:10

Qaq aỹem shenapec. «¿Negue't ca aỹem hua'axaỹa da sa'axatem qataq sanem de'era na'axaỹaxac? Ye namayepi ỹapotaguilo naua ltela lauaco, nache saishet da hua'aqa, namayepi ỹe'eeta'ape naua 'ara'aqtaqa qataq saishet da ỹamanegueta.

Zacarías 7:11

Qalaxaye se'eso nhuo' le'ecpi saishet co'ollaxa da ỹalaq. Nacherata da datatec, nache ỹe'enaxat da saq hua'aqa.

Deuteronómio 29:3

Qataq ỹataqta qauauañiichigui 'enauac som na'anecpi qataq som ỹo'ot da na'aalaxa.

Jeremías 7:13

Qaq na'aictaxa da qalota naxa da qami' sachaxanalo da qano'onaxache da qarataxaqui, qalaxaye qami' saishet da aỹem qaualaqaiguet, qataq saishet da aỹem qauasacheeguet. Qaq 'era da ỹa'aqtac Aỹem Nataxala'.