Jeremías 5:2 - La'aqtaqa Ñim Lo'onatac 'Enauacna 2013

² Qaq na'aictaxa namayepi da 'enapec: «Nca'altauec Ñim Nataxala', qalaxaye de'era ỹan la'aqtac saq'en.»

Jeremías 5:2 Referans Kwoze

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

Jeremías 4:2

qaq da 'auachegoxotchigui da 'eesa qataq da nalochiguiñi lataxac qataq da no'on nataxac da 'aỹa'anot ca 'ara'aqtac Ñim Nataxala', nache da ỹe'enaxat, nachera da chegoqchigui qome da nchoxonnataguec qataq da llo'oxonnataxanaxac nam ỹotta'a't shiỹaxauapi.»

2 Timoteo 3:5

Namayepi 'eetega ỹauotec qataq huo'o naq 'enec naqa'en Ñim Lo'onatac 'Enauacna, qalaxaye da lataxac npe'eneguet da ỹoqta lataxac da na'amqaanataxanaxac. Qaq 'ena qome na 'antela'aguet.

Oseas 10:4

Cha'aye namayepi nacherata da ltaxaỹaxac ỹaỹaten, qataq ỹan na saq 'en la'aqtacpi da ỹo'ot da naỹamaxataxac, qaq dam 'eetega no'on lo'onataxanaxac, qalaq 'eeta'am ana huoue deshenataxan maye ñaxattalec na no'onaxa.»

Jeremías 7:9

Nache qaucacheetac, qaualaataxañiitac, qataq qancacheetague' ana sa qarhuai, qataq qaỹa'añiitac nam saq'en qara'aqtaqui qataq qaỹa'añiitacot ñi Baal nam qarchenaxanaxache maye ama na laita, qataq qavio'oxoreñiitac nam atamnaxala'pi maye saishet da qauauattoñi,

Isaías 48:1

Ña qana'axaỹaxañiỹa de'era qami' maye qami' llalaqpi so Jacob, maye qauacheetac da le'enaxat so Israel qataq qauachegoqoiguet so Judá, qami' maye qaỹa'añim naxa da qara'aqtaqui Ñim Nataxala' qataq qanatamñiitacot Ñim Natamnaxala' so Israel, na'aictaxa da saishet da ỹataqta qami' 'eesora qataq saishet da no'on da qarataxaqui,

Levítico 19:12

Saishet da qaỹa'añi ca qara'aqtaqui da qauatenataxañiỹa da ỹe'enaxat. Cha'aye da nache qoñeetec de'era, nache 'eeta'am da qaica ca naigui da le'enaxat Nam Nataxala' maye Qanatamnaxala'ai. Qaq 'era da ỹa'aqtac, Aỹem Nataxala'.

1 Timoteo 1:10

Qataq ca ỹale da ncachetague' aca sa lhua, huo'otaq ca maiche lỹa 'eeta'am ỹale, nataqa'en ca decachiỹa ca lỹa da imen, nataqa'en ca tenataxanaxaic, qataq ca ỹa'axat ca 'eetega lataxac, qalaxaye choche datenataxan. Qaq da ỹoqta 'eetapeguec ne'ena namaxasoxonaxacpi nshetaique da ỹaỹamaxaañi nam dataỹa'aguet dam ỹataqta ỹaỹamaqchiguiñi napaxaguenataxanaxac

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Oseas 4:15

Qaq 'am Israel, da 'anquishishi, qaq no'on da saishet da ivira'a ye Judá, da huo'o ca lasouaxashet. Qaq saishet qome da qanqo'oñiỹa ye Gilgal, qataq da qa'aisheguema ye Bet Avén, qataq da qaỹa'añi ca qara'aqtaqui da qoñeeta': «Nca'altauec Ñim Nataxala'.»

Jeremías 44:26

Qalaxaye 'enauac qami' Judá le'ecpi maye qoñiitaña na Egipto, ña qana'axaỹaxañiỹa dam ỹa'aqtac Aỹem Nataxala': San da ỹa'aqtac chegoqchigui dam 'amaqtaqaic ỹe'enaxat, da nam Judá le'ecpi saishet qome da qaltaq huo'o ca nasaqteguec da ỹe'enaxat, da hueta'a na Egipto da, 'eeta': ¡Nca'altauec Ñim Nataxala'!

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.