Jeremías 5:19 - La'aqtaqa Ñim Lo'onatac 'Enauacna 2013

¹⁹ Qaq namayepi qom 'am inat, da 'eeta': ¿Ta'ainco' da qomi' ỹo'oteque 'enauac de'era Ñim Nataxala' maye Qanatamnaxala'?, qaq 'am qonapec qome: ‹Qaq cha'aye dam 'eetec da qoquiỹa'ai Ñim Nataxala' nache qauo'onataxañiitacot nam atamnaxala'pi maye chegaqauec da huaña na maiche qana'alhuai, qaq nache 'eetec nataqa'en da qauo'onataxañiỹot qome nam shiỹaxauapi maye chegaqauec da huaña ca ỹaqa'a 'alhua.›»

Jeremías 5:19 Referans Kwoze

Jeremías 16:13

Qaq ỹoqo'oye qami' ñeqateeguesopa qome ne'ena 'alhua, nache qami' samaxalo cam 'alhua maye qami' qataq so hua'au qarta'ailpi saishet co'ollaxa da qauauañiỹa, qaq huaña nache ye na'a'q qataq ye pe qauo'onataxañiitacot cam laỹepi atamnaxala'pi, cha'aye aỹem saishet da qami' sechoxore'n qome.

Jeremías 13:22

Qaq da 'aunataxan da ta'ainco' da 'am talec de'era, qaq iuen da 'auaỹateeta da souaxat dam ỹataqta lta'araic 'arasouaxashet, ¡ỹoqo'oye 'am qansogoñi, qataq 'am qaỹe'en!

Lamentaciones 5:8

Qaq nagui nache maiche qomi' ỹoiqueeta'ape na nlatacpi, nache qaica ca qomi' isoueeguesopa da lhuaqỹaxac namayepi.

Jeremías 2:35

Qalaxaye na'aictaxa 'enauac de'era, 'am qonapec: ‹Aỹem qaica ca ỹasouaxashet. Ñim Lo'onatac 'Enauacna mashe saishet da aỹem denotega.› Aja', cha'aye qonapec da qaica ca 'arasouaxashet, nache Aỹem 'am sataỹa'aguet qome da 'am ñimit.

Jeremías 2:13

Nam ỹalamaxat nhuo' le'ecpi dos naua lasouaxashe'ete: Namayepi Aỹem ca'ai co'ollaxa maye aỹem 'etaxat maye nca'altauec, nache ỹo'ot ana maiche laquipiaxaquipi, nsherepi maye saishet da nllañi na 'etaxat.

Jeremías 2:14

So Israel saishet da nlatac, somaye saishet da ñiguiñi co'ollaxa da yaqto' nlatac. Qaq ¿ta'ainco' qone' da qanhuotta?

Jeremías 5:18

«Qalaxaye que'eca na'a'q, saishet qome da imauec da qami' selaxachiguilo. Qaq 'era da la'aqtac Ñim Nataxala'.

Jeremías 5:20

«Qaua'axachem de'era nam chegoxoguet so Jacob, qataq qoñiỹapega na hueta'a na Judá, qoñeeta':

Jeremías 9:13

Qaq Ñim Nataxala' ỹasat, 'eeta': «'Enauac ne'enapi da huo'o, cha'aye nam Israel le'ecpi ca'ai nam ỹapaxaguenataxanaxacpi maye sanem co'ollaxa, nache saishet Aỹem ỹalaxaguet qataq saishet da napaxaguena da ỹo'ot.

Jeremías 9:12

Qaq ¿negue't cam huo'o ca laỹaanec da yaqto' ỹaỹaten de'era? Qataq ¿negue't ca ỹauattonaxanaxanec co'ollaxa de'era Ñim Nataxala', da yaqto' camaye ishet da ỹa'axatem na laỹepi? ¿Ta'ainco' da nlachiguiñi ne'ena 'alhua, qataq deqaqta 'eeta'am ca toolec 'alhua, nache qaica ca ishet da quetalec?

Jeremías 17:4

Qaq 'am qoca'ai qome nam 'alhua maye 'am sanem co'ollaxa da 'aralamaxat, nache so'ot da 'am l-lata na 'ampa'aguenaxauapi, da qoueta'a cam 'alhua maye saishet da 'auauana, cha'aye da ỹayeloxo 'eroigui, 'eeta'am ca norec da 'am ỹavigaxatta qome.»