Jeremías 5:18 - La'aqtaqa Ñim Lo'onatac 'Enauacna 2013

¹⁸ «Qalaxaye que'eca na'a'q, saishet qome da imauec da qami' selaxachiguilo. Qaq 'era da la'aqtac Ñim Nataxala'.

Jeremías 5:18 Referans Kwoze

Jeremías 5:10

¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Ezequiel 11:13

Nache co'ollaq ñaq sa'axattac da la'aqtac Ñim Nataxala', nache huañi so Pelatías som llalec so Benaías nache ileu. Qaq huaña nache aỹem sa'alyiñi naua illecte, nache ñanaqñi seviraxata'aguet na ỹatap na 'alhua, nache ña'axannec so ỹa'alaxac, sheeta': «¡Aicoue 'Am Nataxala'! ¿Peta'a 'anmatchiguiñi qome nam saq 'amaqtaq maye no'onañi na Israel?»

Ezequiel 9:8

Qaq so ñaq ỹo'ottrac de'era soomaye, nache aỹem 'oonolec da ño'onañi. Qaq huaña nache sa'alyiñi naua illecte ñeqollemñi nache seviraxata'aguet na ỹatap na 'alhua, qaq souaxat da aỹem nlaxagui da ñiqui'ic nache sa'alaq, sheeta': «¿'Am Nataxala', peta'a 'aumatalec da 'arayeloxo na Jerusalén, qataq ivira'a da 'aulaxachigui nam saq 'amaqtaq no'onañi na Israel le'ecpi?»

Jeremías 5:17

Qaq camayepi chec qome na 'añiguishec ala qataq nam 'oq, qataq ỹalauat qome na 'aỹa'alaqpi ỹalleppi qataq ana 'aỹa'alepi 'alpi. Qataq chec ana 'arelopi qaguetapi qataq na huacapi, qataq ana 'añiguishe uvapi, qataq ana hiigopi. Qataq irolec qome nam lo'ogoxonaxatpi da ilaxachigui na huaqta'a't nỹecpi, nam qampaxattaua'a maye 'aupe'etega naxa.»

Jeremías 5:19

Qaq namayepi qom 'am inat, da 'eeta': ¿Ta'ainco' da qomi' ỹo'oteque 'enauac de'era Ñim Nataxala' maye Qanatamnaxala'?, qaq 'am qonapec qome: ‹Qaq cha'aye dam 'eetec da qoquiỹa'ai Ñim Nataxala' nache qauo'onataxañiitacot nam atamnaxala'pi maye chegaqauec da huaña na maiche qana'alhuai, qaq nache 'eetec nataqa'en da qauo'onataxañiỹot qome nam shiỹaxauapi maye chegaqauec da huaña ca ỹaqa'a 'alhua.›»

Jeremías 30:11

Aỹem Nataxala', san da ỹa'aqtac da 'am soota'aguet da yaqto' 'am ñeca'alaxatec. Aỹem selaxachigui qome 'enauac nam ỹotta'a't shiỹaxauapi, maye qami' selagaxaaleguete co'ollaxa. Qalaxaye 'am saishet da 'am selagaxachigui qome, nacherata da sauo'o ca 'anhuaxanaguec maye naigui nam 'auo'otpi: qaq saishet da saq sauo'o ca 'anhuaxanaguec.

Ezequiel 20:17

Qalaxaye, huo'o co'ollaxa da ichoxonnataxanaxa namayepi, nache saishet da selaxachigui qataq da ñematchiguiñi co'ollaq huaña yem toolec 'alhua.

Habacuc 1:12

'Am Nataxala', ¿saisheto' da nache qonetai' da 'anca'altauec, 'Am Ñatamnaxala' maye Qui'itta qataq sa 'ameuo? 'Am Nataxala' maye 'am ipaqtaxanaxat 'am 'aỹa'anem co'ollaxa da la'añaxac nam caldea le'ecpi, da yaqto' namayepi ỹacoolec da ỹo'ot da 'arhuaxanaxanaxac.