Jeremías 5:13 - La'aqtaqa Ñim Lo'onatac 'Enauacna 2013

¹³ Na na'aqtaxanaxanecpi qalaq 'eeta'am ca la'at, cha'aye naua la'aqtaqa Ñim Nataxala' saishet da hueto'ot namayepi, qaq namayepi maiche talec qome nam ỹa'axattacpi.

Jeremías 5:13 Referans Kwoze

Jeremías 14:15

Qaq ỹoqo'oye Aỹem Nataxala', 'eeta' da ỹa'aqtac: «Ne'ena na'aqtaxanaxanecpi maye 'eetega ỹa'axattac da ỹe'enaxat, qalaxaye saishet da samaq namayepi, qataq 'eetega da saishet da huo'o ca alaataxac qataq ca nqouaxa ne'ena 'alhua: ne'ena na'aqtaxanaxanecpi ileuaigui qome ca alaataxac qataq ca nqouaxa.

Jeremías 14:13

Qaq aỹem sasateguet, sheeta': «'Am Nataxala', nam na'aqtaxanaxanecpi da'aqtaxaateguem na nhuo' le'ecpi da qaica qome ca alaataxac qataq ca nqouaxa, qataq da 'am 'aỹa'anem qome namayepi ca chochaq tatec nlagaxayec da hueta'a ne'ena 'alhua.»

Da na'aqtaguec so Job 8:2

«¿Chaq laguio', qaq 'aỹa'axaañi da qoneta'ac de'era da 'artaxaỹaxac? Naua 'ara'aqtaqa qalaq 'eeta'ama na la'at da sancherapec.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Jeremías 28:3

qom ivi' caua dos vi'iye, nache so'ot qome da qañe'eguelaxata ne'ena nma', 'enauac som nhuenecpi maye lalamaxat añi atamnaxaqui, maye ñi nta'a Nabucodonosor iro'ogue co'ollaxa da Babilonia.

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Da na'aqtaguec so Job 6:26

Qami' nacherata da aỹem qanmichiitac souaxat naua ỹa'aqtaqa, cha'aye aỹem huo'o da iuogoxo, nache naua ỹa'aqtaqa choche taira'cra'.

2 Crónicas 36:16

Qalaxaye somayepi ỹataqta ỹe'eetac co'ollaxa som la'aqtaxanaxanecpi Ñim Lo'onatac 'Enauacna, qataq saỹaconegueta naua la'aqtaqa, qataq isheueetac som la'aqtaxanaxanecpi, choche ivitta'a da Ñim Nataxala' talec naqa'en da layeloxo som lalamaxat nhuo' le'ecpi, qaq 'era da 'eetec da qaica ca lata' damaye.

Proverbios 25:14

Qataq ca huo'o ca ỹachaxanapec da ỹan, qalaxaye saỹauana da huo'o ca ỹan, camaye 'eeta'am da naueguelec na piguem qataq da anac na la'at qalaxaye qaica ca auot.

Isaías 41:29

¡Namayepi 'enauac da qaica ca naigui! Qaica ca ishet da ỹo'ot namayepi, namayepi choche atamnaxala'pi qalaxaye qui'itchigui.

Jeremías 22:22

Qaq 'enauac qome na 'arataxala'pi da ỹaỹoxonaqchet ca la'at, nam 'ancachaxauapi qalaq qaỹauega qome ca ỹaqa'a 'alhua. Nache 'am huo'o qome da 'ara'agaxa qataq sa 'auaỹaten ca qonetec, souaxat na qauempi maye 'auo'ot.

Jeremías 43:2

nache so Azarías som llalec so Osaías, Johanán, som llalec so Careaj, qataq som laỹepi ỹalleppi maye qaica ca iren, 'enapega so Jeremías, 'eeta': «¡Dam 'aua'axattac damaye saq'en! Ñim Nataxala' maye Qanatamnaxala' saishet da 'am ỹamaxalec da qomi' 'aua'aqtaxanema da saishet da saxague da Egipto.