'Am saishet co'ollaxa da 'aua'aqteguelec namayepi da qaỹa'axattac, qataq saishet da 'auauatton, cha'aye nache 'eetai' naxa da saishet da 'aua'aqa. Qaq Aỹem mashe saỹateetac da saishet da 'aualaq, cha'aye nache chegoqta'a co'ollaq 'auañiguiñi da 'am qailonec da saishet da 'aualaq.
Qaq souaxat da namayepi ca'ai Ñim Nataxala', qataq na llalaqpi ỹaqa'a na lta'alpi, nache namayepi qataq na na'alhuapi, nlaguiñi qome huaigui ca 'oonolec ca'agoxoic.
Qaq chegoqchiguiña ye loga't ana 'alhua, da sa'axasoqtega qome da no'onaxanaxac, 'eeta': «Huo'o da llo'oxoyec Ñim No'on da lataxac!» Qalaxaye aỹem shenapec: ¡Choxoraicolec aỹem! ¡Ỹataqta aỹem nquigaxatta'a't da ñequi'ic! Nam que'elaqtaxanaxaicpi ỹataqta deque'elaqtaxan.
¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!
'Am Nataxala', dam 'Am ñecotaỹapegue', qalaq 'Am saqỹet naxa da 'eesa cam qonapec, qalaxaye aỹem sauotaique da 'am senat da ta'ainco' da huo'o nam laỹe lataxacpi. ¿Ta'ainco' da qaica ca iuena'a nam qauemaicpi? Qataq ¿ta'ainco' da ỹe'emaqtac nam sa ỹalaq?