Jeremías 5:10 - La'aqtaqa Ñim Lo'onatac 'Enauacna 2013

¹⁰ ¡Qaq cam mpa'aguenaxauapi namayepi no'on qome da inoxoneua'a, nache nlaxaañi ana lañiguishe uvapi, qaq na'aictaxa da sa imauec da nlaxaañi! ¡Qalaxaye ỹacagaxat qome ana lcouepi cha'aye anamayepi mashe saishet da ỹalamaqte!

Jeremías 5:10 Referans Kwoze

Jeremías 4:27

Ñim Nataxala', 'enapec: «'Enauac ana 'alhua da nlaguiñi qome, qalaxaye saishet qome da imauec da selaxachigui.

Mateo 22:7

Nache se'eso nta'a ỹataqta dalemata, nache ỹamaq so nalleppi, da yaqto' ỹalauat 'enauac se'eso ncoyeguenatacpi qataq da ỹavigaxat 'enauac na lma'pi somayepi.

Oseas 1:9

Nache Ñim Nataxala', 'enapega so Oseas, 'eeta': «Yi'iye nogotolec, 'aỹa'anagui qome da le'enaxat Loamí, cha'aye qami' nhuo' le'ecpi, mashe saishet da qami' ỹalamaxatpi, qataq mashe saishet da aỹem Qanatamnaxala'ai.»

Jeremías 39:8

Qaq so caldeopi qalaq ỹegueua'a co'ollaxa so lma' lta'araic so nta'a qataq 'enauac so nma'pi maye naigui so huaqta'a't nỹecpi, qataq ỹamaxañi so mpaqtaxanaxatpi ye Jerusalén.

Amós 9:8

Qaq Ñim Nataxala' imeteetac da qauem lo'onataxanaxac ne'ena shiỹaxauapi, ỹoqo'oye 'eeta': Ỹataqta pal ñaqa'en qome ne'ena shiỹaxauapi da huetalec ana 'alhua, qalaxaye saishet da imauec da pal ñaqa'en nam chegoxoguetpi so Jacob. Qaq 'era da ỹa'aqtac, Aỹem Nataxala'.

Ezequiel 14:17

Qaq da ñamaxa ca alaataxac que'eca 'alhua, qataq da samaxasoxoolec da qaỹalauat na shiỹaxauapi qataq na shiguiỹacpi,

Ezequiel 12:16

Qalaxaye so'ot qome da huo'o ca saq 'amaqtaq da nca'aleeguesop ca alaataxac, ca nqouaxa qataq ca nalolaxa, yaqto' camayepi ỹa'axatem qome cam ỹotta'a't shiỹaxauapi maye ỹalecta'aguet qome, 'enauac nam qaiqaiga maye ỹo'ottacpi co'ollaxa, qataq huaña nache ỹaỹaten da nachaỹem maye Aỹem Nataxala'.»

Jeremías 46:28

'Am Jacob, maye 'am ỹamaxashec saishet qome da 'añi'i, cha'aye Aỹem 'am soota'aguet. Qaq 'era da ỹa'aqtac Aỹem Nataxala'. Qaq na'aictaxa da ñematchiguiñi qome nam ỹotta'a't shiỹaxauapi maye 'aỹa ñaqa'en co'ollaxa. Qalaxaye 'am saishet da 'am selaxachigui, nacherata da 'am serolec da nalochiguiñi lataxac da 'am ñimit. Qalaxaye saishet da sa sauo'o ca 'anhuaxanaguec.»

Jeremías 30:11

Aỹem Nataxala', san da ỹa'aqtac da 'am soota'aguet da yaqto' 'am ñeca'alaxatec. Aỹem selaxachigui qome 'enauac nam ỹotta'a't shiỹaxauapi, maye qami' selagaxaaleguete co'ollaxa. Qalaxaye 'am saishet da 'am selagaxachigui qome, nacherata da sauo'o ca 'anhuaxanaguec maye naigui nam 'auo'otpi: qaq saishet da saq sauo'o ca 'anhuaxanaguec.

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Jeremías 5:18

«Qalaxaye que'eca na'a'q, saishet qome da imauec da qami' selaxachiguilo. Qaq 'era da la'aqtac Ñim Nataxala'.

2 Crónicas 36:17

Qaq huaña nache Ñim Nataxala', ỹamaq so lta'a so caldeopi da iloquiaxan somayepi, nache irolec so ỹeelonec so nsoxoppi, huaigui naqa'en aso atamnaxaqui, nache saishet da ichoxoreetac se'eso nsoxoppi, qataq so qa'ampiolec, qataq so ỹa'axaiquipi, qataq som sara'añeeguelo naua lchel, qaq 'enauac somayepi da Ñim Nataxala' ỹaneguet da lhuaqỹaxac somaye.

Jeremías 5:9

¿Qaq saishet peta'a da sauo'o ca nhuaxanaguec souaxat de'era? Cam nhuo' le'ecpi da 'eetec de'era, ¿Peta'a saishet da sanem cam naigui nam ỹo'otpi?

Jeremías 5:11

¡Na Israel qataq na Judá ỹataqta saỹalaq! Qaq 'era da la'aqtac, Ñim Nataxala'.»

2 Crónicas 12:4

Qaq huaña nache loxonec so qaỹapotaua'a nỹecpi ye Judá, nache ivitta'a ye Jerusalén.

Jeremías 2:21

Aỹem 'am saañi co'ollaxa qoneta'am aca no'on nañiguishe uva qataq aca ỹataqta no'on ala na uva. Qalaq ¿ta'ainco' da 'avi'eguelaxa da qoneta'am aca uva maye qauem qataq ỹoxosa'a?