Jeremías 5:1 - La'aqtaqa Ñim Lo'onatac 'Enauacna 2013

¹ Ñim Nataxala', 'enapec: Qoquiiguelo qome naua nqa'aico ye Jerusalén nache qaumichiñiita, qataq qanmiche ye nlagaqa', shapegueto' da qauanachiỹa cam ỹo'ottac da nalochiguiñi lataxac, qataq nmittaique dam 'eesa. Qaq da qauanachiỹa, nache Aỹem sechoxoren qome ye Jerusalén.

Jeremías 5:1 Referans Kwoze

Ezequiel 22:30

Aỹem ñimittapigui ne'ena shiỹaxauapi, da huo'otaq huo'o ca iueelec ne'ena 'alhua, huo'otaq da Aỹem iỹaxanot da yaqto' saishet da selaxachigui, qalaxaye Aỹem saishet da sanata.

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

Isaías 59:4

Qaica ca ỹa'axateuo cam 'eesa, qataq qaica ca no'on da lataxac nam nmit na nasouaxashetpi, nda'a't da pe'etega da natenataxanaxac qataq naua na'aqtaqa maye saq 'eesora, namayepi nlaqchigui na qauem, qataq deco'oic da nalaataxanaxac.

Salmos 14:3

Qalaxaye 'enauac namayepi quetegueto naua qauema lleco naua lhuennataxaco, qaica ca ỹo'ottac ca ỹaỹamaqchiguiñi, qaica da huo'o ca chochaq 'oonolec.

Proverbios 20:6

Ỹataqta qalota na 'eetega da no'on da lataxac, qalaxaye saishet da saqalaq da qaỹanata ca ỹoqta ishet da qaipi'iỹa'a.

Salmos 12:1

Ñaq qomi' 'anca'alaxatrec 'Am Nataxala', ten mashe qaica so 'amqaanataxanaxaicpi maye ỹoqta 'am quetegue co'ollaxa, mashe qaica so shiỹaxauapi maye ỹataqta huesota da lataxac.

2 Ts 2:10

Do'onataxana 'enauac na ỹotta'a't sa ỹaỹamaxañisat da choche ỹatenachet na shiỹaxauapi maye taỹa'a da nhuaxanaguec choche tatec, cha'aye mashe saishet da ỹaconeguet da 'eesa lataxac maye chegaqaigui da nca'alaxa.

Lucas 14:21

Qaq so namaxashec co'ollaq mashe ñe'eguelaq, nache da'aqtaxaatapeguem 'enauac de'era so na'aco'. Nache somaye 'enapega so lamaxashec, 'eeta': «Qojec qome, sa 'anaỹaloxon da qoqueguelo naua lta'al nqa'aico qataq naua nqa'aicolqa nam nỹecpi. Ime, qaq 'anauegueuo qome na choxoraqpi qataq nam sa da'añiigue qataq nam ñe'eerauo naua lchel qataq nam qanamaicpi.»

Zacarías 2:4

nache 'enapega som namaxashec maye aỹem nallegoqtot, 'eeta': «'Auachegaqañi da 'aucaalec se'eso nsoqolec, maye ỹachetac so naloqnaxanaxat da huo'o na qanaloqten, nache 'aua'aqtaxanem, qoneta': ‹Na Jerusalén qaltaq ỹe'eguelaxa qome da qanayenaña, qaq ỹataqta qalota qome na hueta'a shiỹaxauapi qataq na na'atetpi, nache ivitta'a qome da qaica ca lpaqtaxat.

Amós 8:12

Nache na shiỹaxauapi nsomaxaatapigui' qome, souaxat da nmittaique da la'aqtac Ñim Nataxala', nache queta'ague ana auaxaipi, chegoqchiguiña da sheu' nache ivitta'a na pa'aỹa'ague da yo'oxoñi, qalaxaye saishet qome da ỹanata da la'aqtac Ñim Nataxala'.

Joel 2:9

Nache inoxotaua'a na huaqta'a't nỹecpi, qataq nqalgoqta quetalec na lpaqtaxat namayepi, qataq quisheguemec na nỹecpi, nache 'eeta'am ca cachaxaic da tatoigui na nalloxoquipi da inoxotauo.

Daniel 12:4

Qalaxaye 'am Daniel, saishet qome da 'aua'axattac de'era, qataq 'aunana't ana'ana nere, nache 'autoqoolec aca 'ara'anaxanaqte da 'auapogui, choche ivitta'a qome da ivita cam loga't. Qalota qome ca shiỹaxauapi maye coleetega't, nmittaique da nquigaxatec da lauattonaxanaxac.

Cantares 3:2

Huaña, nache soosheguem, nache semitaxaatac ñimittaique so lauotaxat da ñachaalataxac, shectague' na nqa'aicpi qataq na naponqa'pi. Ñimittaique somaye qalaq saishet da sanata.

Proverbios 23:23

'Anmitaique qome da 'eesa lataxac, naỹaanec, napaxaguenataxanaxac qataq da nauattonaxanaxac, ¡qalaxaye saishet qome da 'aumen!

Proverbios 8:3

nache ỹo'ot da qaỹa'axaỹa da lavilỹaxac da naloteuga ca lasom, ca ñegueuo maye taỹaua'a ca huaqta'a't nỹecpi, 'eeta':

1 Reyes 19:10

Nache somaye 'enapeco': «Qomye ỹataqta lta'araic da ica'alaxanaxac souaxat da qoneta, 'Am Nataxala' maye Qaica ca 'Auqalanapec, souaxat na Israel le'ecpi da ca'ai da 'anaỹamaxataxac, qataq nlaxaañi aso nca'atoxonaxalatepi maye 'aralamaqte, qataq ỹalauat so 'ara'aqtaxanaxanecpi ỹauota'a so ỹeelonec. Qaq nachaỹemta ño'onañi da ñeca'altauec, qalaq aỹem qanmittaique da huotaique da aỹem qaỹalauat nataqa'en.»

Jeremías 2:29

¿Ta'ainco' da Aỹem qancotaitague', ye 'enauac da qoñiita da saishet da Aỹem qaualaqaiguet? Qaq 'era da ỹa'aqtac Aỹem Nataxala'.

Jeremías 44:15

Qaq huaña, nache som shiỹaxauapi maye ỹaỹaten da aso lhuapi ỹaatacot naxa na lchenaxanaxat maye ama na laita na laỹepi atamnaxala'pi, qataq som laỹepi 'alpi maye ỹataqta qalota, qataq ỹalegueuo so judiopi maye netaña ye pa'aigue da la'añaxa ye Egipto, ỹasateguet so Jeremías, 'eeta':

Salmos 14:2

Nache Ñim Nataxala' maye neto'ot na piguem namataña na shiỹaxauapi cha'aye huotaique da ila'a ca 'oonolec da ỹaanataxanaxaic huo'otaq da nmittaique Ñimaye.

Salmos 94:16

Qaq ¿negue't ca nachaañi co'ollaxa da aỹem iueelec da nqanaxat na 'etaxaloxoicpi? Qataq ¿negue'tom ca huetaua'a na ỹaỹe da aỹem itauan da nqanaxat na qauemaicpi?

Jeremías 8:6

Aỹem ña'axaỹaxaatañi co'ollaxa, qalaxaye saishet da huo'o ca sa'axaỹa da ntogottac souaxat na qauem maye ỹo'otpi, qataq cam huesota da, 'enapec: ¿Negue't cam so'ot co'ollaxa? Nda'a't dam layaqchec da llecỹaxac 'eeta'am ca caaỹo maye sancherapec da huetaigui ca alaataxac.

Jeremías 9:2

¡Da iyaxa da huo'o ca ima' yem toolec 'alhua, da yaqto' soota'a nache qaỹoqtaique ñaqa'en na ihuo' le'ecpi! Cha'aye 'enauac namayepi da saỹalaq, namayepi ỹataqta 'etaxaloxoicpi.

Jeremías 9:7

Qaq ỹoqo'oye Aỹem Nataxala', maye Qaica ca Seqalanapec, shenapec: ¿Negue'to' ca lỹa lataxac da so'otec na ỹalamaxat nhuo' le'ecpi? ¡Qomye nacherata da sasaxangui ca norec da yaqto' seỹo!

Ezequiel 9:9

Nache Ñim Nataxala' aỹem ỹasateguet, 'eeta': «Da lasouaxashet na nhuo' Israel qataq na Judá le'ecpi ỹataqta lta'araic. Ne'ena 'alhua ỹataqta nlaxagui da nalaataxanaxac, ne'ena huaqta'a't nỹecpi ỹataqta nlaxagui da sa nalogoñi lataxac. Namayepi ipettega da mashe sheca'ai ne'ena 'alhua, qataq sa sauangui nam ỹo'ottacpi.