Jeremías 49:8 - La'aqtaqa Ñim Lo'onatac 'Enauacna 2013

⁸ ¡Qami' maye qoñeeta'a na Dedán qauataiuec qome qoqui qome qanqañoxochiiñi! Cha'aye selaxachigui qome na nhuo' le'ecpi maye chegoxoguet so Esaú, cha'aye mashe ivita ye laloqo' da sauo'o ca nhuaxanaguec.

Jeremías 49:8 Referans Kwoze

Jeremías 25:23

nam chegoxoguetpi so Dedán, Tema qataq so Buz qataq na nhuo' le'ecpi maye namare'c naua lqaic laỹel,

Jeremías 46:21

Nam nalleppi maye isheeten co'ollaxa da yaqto' itauan namayepi qalaq 'eeta'am na chaxaraicpi huaca llalaqpi, qalaxaye nataqa'en qome namayepi da datauec, cha'aye mashe nvi' ca qauem na'a'q qataq ca laloqo' ca nhuaxanaguec.

Jeremías 49:30

¡Ñaq qauataiuec qome, qami' maye qarmaye na Asor! ¡Qoqui qome qanqañoxochiiñi! Aỹem Nataxala' 'era da ỹa'aqtac. Cha'aye ñi Nabucodonosor maye nta'a ye babilonia, mashe lapaqtañi da qami' dataỹa'agueta.

Isaías 21:13

Da na'aqtaxanaxac da qaỹataỹa'aguet ye Arabia, 'eeta': Nam queuoxoicpi Dedán le'ecpi, maye nmataqa' naxa na huouesat ye toolec 'alhua,

Apocalipsis 6:15

Qaq huaña, nache 'enauac na nta'alpi maye ilotague' nam netalec ana 'alhua, qataq nam 'amaqtaqaicpi shiỹaxauapi huo'o da npogoxoinaxac da 'enauac da nqañoxotoiguilo naua auaco, nataqa'en nqañoxototo naua coma'ye maye netaiguilo ana qaỹoqotcheguemec 'alhuapi. Nataqa'en nqañoxooñi na lta'alpi na huataxanaq, qataq na sallaxanecpi, qataq na 'añaxaicpi, qataq 'enauac nam nlatacpi qataq nam huesochiguiñipi.

Jeremías 50:27

¡Qaualauache 'enauac na nalleppi, nache qauaviqueuga ca nalaataxanqa'! ¡Choxoraxaso' namayepi! ¡Mashe nvita nam na'a'q qataq ye laloqo' da nhuaxanaguec!

Jeremías 49:32

¡Qauotaxañec aye lalopi nauanaxanaxapi qataq 'enauac ye na'atetpi! Aỹem selagaxat qome tateugalo ñaqa'en yi'iye shiỹaxauapi maye namare'c naua lqaic laỹel, qataq chegoqteegalo qome na qauem da talec ñaqa'en yemayepi. Qaq 'era da ỹa'aqtac Aỹem Nataxala'.

Jeremías 48:44

Qaq cam ỹet ca 'ipiỹaxaicpi qalaq tangui qome aca nshere, qaq ca ishet da nnoxoosheguem da chegaqangui aca nshere, qalaq tangui qome aca nqoina, cha'aye Aỹem talec qome ñaqa'en ye Moab ca nhuaxanaguec qom ivita ca laloqo'. Qaq 'era da ỹa'aqtac Aỹem Nataxala'.

Jeremías 48:28

Qami' maye qoñiitaña na Moab, qoquiỹa'ai qome na huaqta'a't nỹecpi, nache qonqo'oñiỹa ana coma'pi da qoñiỹaña, qoñeeta'am na qoto'pi maye ỹanalec na lpata'cpi naua nashecchiyiñi laỹel ana coma'pi.

Jeremías 48:6

¡Ñaq qauataiuec qome! ¡Maicheye cam ishet da nca'alec! ¡Qaue'enaxache aca qo'oipaqole huo'o ana le netalec ca toolec 'alhua!

Jeremías 6:1

Qami' maye qauachegoqoiguet so Benjamím, ¡qanqañoxochiiñi qome qoquiỹa'ai na Jerusalén! Qauashiiyigui ana qarasheerei qom huaña ye Tecoa, qataq qaỹa'añiỹasheguem aca qara'anaxanaqchi da huaña ye Bet Haqueren, cha'aye chegaqa'ague qome da sheu' ca lta'araic qauem qataq cam ilaxachigui 'enauacna.

Isaías 2:21

Nache camayepi nqañoxotoigui qome na lauacpi ana coma'pi, qataq na lpoxoỹaxapi ana lcomaraxalatepi, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye qom ivita da nachaañi, da imattalec naqa'en ana 'alhua da lchec.

1 Samuel 13:6

Nache so Israel le'ecpi qaica qanqa'en ca ldaqa', cha'aye so filisteopi iloquiaxan co'ollaxa somayepi, nache somayepi nqañoxooñi taiguilo naua auaco qataq ana llimiaxañipi, qataq taigui aso coma'pi, qataq so lca'amaxapi qataq aso lchequepi.

Jueces 6:2

Qaq souaxato' so madianiitapi da ỹataqta nquictauec da la'añaxac da ỹachoxoren so Israel le'ecpi, nache somayepi ỹo'ot so lloqtaxanaxaquipi, ỹanaigui aso qasoxonaxapi, qataq so auacpi maye nqañoxotaxaquipi.

Isaías 34:5

Aja', cha'aye so lainec Ñim Nataxala' mashe yo'oq hueto'ot na piguem, qaq taalec qome ye Edom yem nhuo' le'ecpi maye mashe taỹa'a da qoỹaneguet da nleuaxa.

Ezequiel 25:13

Qaq ỹoqo'oye Aỹem Nataxala', shenapec: Ñauaxaỹaxaasheguem qome na ihuaq da yaqto' seuaxan ye Edom, qataq selaxachigui na nalleppi qataq na na'atetpi. Nache ỹataqta nlachiguiñi ñaqa'en. Qaq chegoqchiguiña qome ye Temán nache ivira'a ye Dedán, da nam shiỹaxauapi qaỹalauat qairolec ca ỹeelonec.

Malaquías 1:3

qaq so Esaú qalaq saishet da sauotec. Ỹoqo'oye yem na'alhua so Esaú maye qasoxonaxasat, ỹe'eguelaxa ñaqa'en da ỹataqta toolec, qaq nam lalamaxat 'alhuapi qalaq saneguet da netalec nam huauec shiguiỹacpi.

Malaquías 1:4

Qaq nam Edom le'ecpi, maye chegoxoguet so Esaú, da 'enapec: ‹Ỹataqta qomi' qailaxachiguilo, qalaxaye qaltaq ño'oxonaxasheguem qome nam qailaxachigui co'ollaxa ne'ena qana'alhua›, qalaxaye Ñim Nataxala' maye Qaica ca Ỹaqalanapec, 'eeta' qome: Namayepi qaltaq no'oxoosheguem qome na lalamaxatpi, qalaxaye Aỹem qaltaq selaxachigui qome. Nache na lma' namayepi le'enaxat qome da ‹'Alhua maye lma' na qauem› qataq ‹Nhuo' le'ecpi maye nache 'eetai' da huetalec da layeloxo Ñim Nataxala'›