Jeremías 49:7 - La'aqtaqa Ñim Lo'onatac 'Enauacna 2013

⁷ Da la'aqtac Ñim Nataxala' maye Qaica ca Ỹaqalanapec, da ỹa'axata'a dam talec ye Edóm, 'eeta': «¿Mashe qaica ca naỹaanec ye Temán? ¿mashe saỹaỹaten ca 'eetec nam ỹaanataxanaxaicpi? ¿Mashe deqat so laỹaanec?

Jeremías 49:7 Referans Kwoze

Jeremías 49:20

Ña qana'axaỹaxañiỹa dam llapaxañi Aỹem, Nataxala', dam seqataxanai' da yaqto' talec ñaqa'en ye Edom, qataq dam so'ottac lataxac da sataỹa'aguet na lma' ye Temán. Qaq ivira'a qome nam ỹataqta qapio'olecpi nam qagueta llalaqpi da qaỹache qome, nataqa'en na lquiaqa'pi ỹataqta qanlaxatchiguiñi qome.

Jeremías 25:21

ye Edóm, Moab qataq ye Amón,

Génesis 36:15

Qaq som nataxala'pi maye chegoxoguetpi so Esaú, qalaq 'ena na le'enaxatpi: so Elifaz som la'auaxanec llalec so Esaú, qalaq chegoxogueta soua nataxala'ate, Temán, Omar, Sefó, Cenaz,

Génesis 25:30

Nache 'enapego' so Jacob, 'eeta': «Ñaq aỹem 'arqouaguec da aỹem 'aỹa'anem, catai' saq 'amaqtaq laỹolec de'era 'arhuoshec togaxaraic maye deqaqchigui, cha'aye aỹem huotaique da selem na ỹoqouaxa.» Qaq ỹoqo'oye so Esaú, qaỹaỹaten nataqa'en da le'enaxat da Edom.

Da na'aqtaguec so Job 2:11

Qaq se'eso Job, huo'oi soua tres nauochaxau', so 'oonolec le'enaxat, Elifaz, somaye lma' ye Temán, qaq so Bildad lma' ye 'alhua Súah, qaq so Sofar, lma' ye Naamat. Qaq soomaye co'ollaq la'axaỹaxa'c 'enauac da huaigui nque'eenaxac so Job, nache je'c da nqo'oora somaye da ỹa'añaqche't, qataq da itaua'n souaxat da nqui'ic.

Génesis 36:11

Qaq soua llalqa so Elifaz, Temán, Omar, Sefó, Gatán qataq so Cenaz.

Habacuc 3:3

Ñim Lo'onatac 'Enauacna, chegoqta'a ye 'alhua Temán; qaq Ñim Qui'itta qalaq chegoqta'a añi qasoxonaxa Parán. Qaq da llo'oxoyec qalaq imattalec 'enauac na piguem, qataq da ño'oxonnataguec nlaqaalec 'enauac ana 'alhua.

Joel 3:19

Nache ye Egipto ỹataqta nlachiguiñi qome, qaq ye Edom ỹe'eguelaxa da toolec 'alhua, souaxat da iloquiaxan co'ollaxa na Judá le'ecpi, qataq hualec naqa'en ye na'alhua namayepi, da icolde'c naua ltago'q nam qaica ca ỹasouaxat.

Daniel 11:41

Qaq nataqa'en inoxoneua'a qome cam ỹataqta 'onaxaic 'alhua, nache ỹataqta qalota qome ca ỹalauat shiỹaxauapi, qalaxaye nca'alec qome cam hueta'a ye Edom, Moab, qataq ca qalota maye hueta'a ye 'alhua Amón.

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Jeremías 18:18

So shiỹaxauapi, 'enapec: «Sauoqo'o qome ca llapaxasoxoñi lataxac da yaqto' sataỹaqa'aguet so Jeremías. Cha'aye saishet da seuenaqtaique ntaxaỹaxanaxanec da qomi' ỹapaxague'n, qataq cam ỹaanaxanaxaic da qomi' ỹanema ca lqataxac, qataq ca na'aqtaxanaxanec da qomi' ỹa'axatema ca la'aqtac Ñim Lo'onatac 'Enauacna. Ñaq sauoqo'o ca lasouaxashet yaqto' qaỹalauat. Qaq saishet qome da salaxasoxoguet nam ỹa'axattacpi.»

Isaías 29:14

Qaq ỹoqo'oye, ne'ena nhuo' le'ecpi qaltaq so'ot qome ca la'aalaxa, sachegoxotchigui nam saqaỹauanapega qataq huo'o da llo'oxoyec, nache da laỹaanec nam ỹaanaxanaxaicpi, qataq da laỹaanataxanaxac nam ỹaanataxanaxaicpi imeuo qome.»

Salmos 137:7

'Am Nataxala', ña 'auennata'a qome da 'eetec na Edom le'ecpi, cha'aye co'ollaq noxonec ye Jerusalén nache namayepi, 'eeta': «¡Qanlaxachiiñi, qanlaxachiiñi qome 'enauac nam lo'oxonaxala'pi!»

Da na'aqtaguec so Job 4:1

Qaq so Elifaz maye lma' ye Temán, 'enapeco':

1 Crónicas 1:53

Cenaz, Temán, Mibsar,

Deuteronómio 23:7

Qalaxaye saishet qome da qauqaiquiitega na edomiitapi, cha'aye namayepi maiche qarhuo'oi le'ecpi. Qataq na Egipto le'ecpi, cha'aye co'ollaq qoñiitaña ye na'alhua namayepi, nache qami' choche qauachegoqỹauec.

Génesis 36:34

Qaq co'ollaq ileu so Jobab, nache da lo'onataxanaxac da nta'a talec so Jusán, som lma' co'ollaxa ye 'alhua Temán.

Génesis 36:8

Qaq ỹoqo'oye so Esaú, som nataqa'en le'enaxat Edom, taỹa co'ollaxa da nalec ye 'alhua qasoxonaxasat ye Seir.

Génesis 27:41

Qaq nache chegoqchiguiña co'ollaxa da so Esaú nquiỹa so Jacob, souaxat so nchoxonnataxanaxa maye so lta'a ỹanem somaye, nache deuennataxaataco', 'eeta': «Mashe saqaỹaloq da huo'o ca qarasouaxac souaxat ca l-leuaxa ñi ita'a. Qaq qom ime camaye, nache aỹem salauat qome ñi ỹaqaỹa Jacob.»

Génesis 32:3

Qaq ime co'ollaxa, nache so Jacob ỹauo'oi soua ỹama'q da taỹalo naqa'en ye 'alhua Seir, maye huaigui ye 'alhua Edom, da ỹauo'o da la'axaỹaxac so lqaỹa Esaú.

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Jeremías 12:14

Ñim Nataxala' 'eeta' da la'aqtac: «'Enauac na qauemaicpi lauoreuapi na Israel le'ecpi maye ilaxachigui nam 'alhua maye Ñim Nataxala' ỹanem da lalamaxat na nhuo' Israel le'ecpi, Aỹem ñeqateeguesop qome namayepi na netalec 'alhuapi, qataq ñeqateeguesop namayepi nam chegoxoguet so Judá.

Jeremías 25:23

nam chegoxoguetpi so Dedán, Tema qataq so Buz qataq na nhuo' le'ecpi maye namare'c naua lqaic laỹel,

Ezequiel 32:29

Qaq 'iye ye Edom, qataq ye lta'alpi qataq ye lataxala'pi. Qaq na'aictaxa da ỹataqta 'añaxaicpi co'ollaxa, qalaxaye nagui ỹalectaigui yem ileuaigui co'ollaxa so alaataxac, qailattañi ỹalectaigui ye ỹaqa'a da la'amqaanataxanaxac maye mashe huetangui ana nhuachiquipi.

Isaías 21:11

Da na'aqtac da qaỹa'axata'a dam talec qome ye Edom. Aỹem sa'axaỹa so nỹaxanaxac chemaqchiguiña ye Seír, 'eeta': «'Am nauanaxanaxanec, ¿chaq negue't ye la hora ne'ena pe? ¿Chaq lcate' caua saxanaxalo da yaqto' yo'oxoñi?»

Lamentaciones 4:21

¡'Am huaqta'a't nỹecpi Edom, 'Antootapigui' qataq 'auamachiguiñi, 'am maye 'aulotague' ye 'alhua Us! Cha'aye nataqa'en taỹa'a da 'am qanỹomaxangui qome ana ỹomaxaqui maye huetagui na ỹataqta chem, nache 'am itaqchet qome ivitta'a da qouetauec.