Jeremías 49:4 - La'aqtaqa Ñim Lo'onatac 'Enauacna 2013

⁴ ¿Ta'ainco' da 'ana'amaqteetapigui da 'ara'añaxac? Da qara'añaxaqui mashe imeuo qami' nhuo' le'ecpi maye yeloxoicpi, maye qanteñeetecot da qarsallaqai maye qalapoñiitasheguem, ime nache qoñeeta' naxa: ‹¿negue't ca ishet da qomi' iloquiaxa'n?›

Jeremías 49:4 Referans Kwoze

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Jeremías 21:13

Aỹem 'am sataỹa'aguet 'am Jerusalén, 'am maye 'amattalec na ca'amegue qataq qoneta'am ca coma' maye netalec na nalochiguiñi 'alhua. Qaq 'era da ỹa'aqtac, Aỹem Nataxala'. Qami' maye qoñeeta' naxa: ¿Negue't ca ishet da qomi' iloquiaxa'n? ¿Negue't cam ishet da nvira'a nam qanqañoxotaqa'?

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Jeremías 48:7

'Am Moab, 'aupe'etega co'ollaxa da 'ara'añaxac, qataq da 'arsallaxa, qalaxaye nataqa'en 'am noxonec qome. Ñi 'anatamnaxala' Quemós qaỹauega qome ca lỹa 'alhua, caueegue' qanqa'en na ltaxaỹaxanaxanecpi qataq nam shiỹaxauapi maye 'amaqtaqaicpi.

Jeremías 3:14

Ñim Nataxala', 'eeta' da la'aqtac: «Ñaq aỹem qañe'eguelaqaỹa qami' qauemaicpi ñalaqpi, cha'aye nachaỹem Qarataxala'ai. Ñim 'oonolec nam huaqta'a't nỹecpi maye ỹotta'a't naua nañalo, qalaq 'oonolec qome ñi sacootaua'a da qoñeeta, qataq ñi 'oonolec nam maiche nhuo' le'ecpi, qalaq dos qome ñeua sacootaua'alo, nache ñe'eguelaxata na Sión.

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Salmos 52:7

«Ña qauloỹa ñim saishet da nmitaique, da ỹe'eguenot Ñim Lo'onatac 'Enauacna, nacherata da pe'etega da lta'araic lsallaxa, qataq nache queto'ot da lle'etaxaloxo.»

Salmos 49:6

Nam pe'etega da lsallaxa, qataq ño'oxoreetapigui na qalota lalamaxatpi,

Apocalipsis 18:7

Ayemaye co'ollaxa ỹataqta ỹaguec da ño'oxonnaxac, qataq nqopita da huetaigui da lta'araic lyac da no'otaxac; ¡qaq ỹoqo'oye nagui qauauo'oi qome da nqui'ic!, ¡qaue'enaxachiichigui da 'eetec da ño'oxonnaxac co'ollaxa! Cha'aye da lhuennataxac naxa 'eeta': ‹Aỹem ñeso'ootaña ne'ena, ñeso'ootangui ana ñeso'onaxaqui da aỹem nate'e. Saishet da aỹem pa'ai, qataq saishet da ñauane' da huo'o ca ñeque'eenaxac.›

Oseas 4:16

Cha'aye na Israel, 'eeta'am aca huegaqai huaca llale. Qaq ¿peta'a isheto' da ilo'ogue Ñim Nataxala', da 'eeta'am naqa'en ca qagueta llalaqpi da huaña ca no'on 'auaqpisat?

Jeremías 49:16

Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Jeremías 7:24

Qalaxaye saishet da Aỹem ỹalaxaguet qataq saishet da Aỹem qocha'a, nacherata da saỹalaq nache queueegue da qauem lquiyaqteỹaxac. Qaq saishet da aỹem ñe'eguelaxa, nacherata da aỹem ca'ai.

Proverbios 10:15

Da lsallaxa ca sallaxanec nachera da npaxattalec, qaq ca choxoraq qalaq nlaxaañi da lachoxoyec.

Jeremías 31:22

¿Chaq laỹo' da 'aỹa'axaañi da 'ateguelo da qoneta'am aca ñale maye isomtapigui'? Aỹem Nataxala' huo'o da dalaxaic so'ot ana'ana 'alhua, aca 'alo maiche nmitaique qome ca ỹale.