Jeremías 49:3 - La'aqtaqa Ñim Lo'onatac 'Enauacna 2013

³ ¡Ña 'Auaquico qome 'am Hesbón, cha'aye ye Ai qailaxachigui qome! ¡Qanỹeñi qami' 'alpi maye qarmaye na Rabá! ¡Qaỹa'añiiyiñi naua nogo maye nasouaxaqui', qataq qanhuaxañeeta'alo naua qartoguelli'! ¡Qauachegoqỹañi qome qoñeeta'am aca huo'o da aloic, qataq qauque'emaqchichi da qaro'ocỹaxaqui! Cha'aye ñim atamnaxala' Milcón noxonec qome nache qaỹauega ca ỹaqa'a 'alhua caueegue' qanqa'en na ltaxaỹaxanaxanecpi qataq na 'amaqtaqaicpi shiỹaxauapi.

Jeremías 49:3 Referans Kwoze

Jeremías 48:7

'Am Moab, 'aupe'etega co'ollaxa da 'ara'añaxac, qataq da 'arsallaxa, qalaxaye nataqa'en 'am noxonec qome. Ñi 'anatamnaxala' Quemós qaỹauega qome ca lỹa 'alhua, caueegue' qanqa'en na ltaxaỹaxanaxanecpi qataq nam shiỹaxauapi maye 'amaqtaqaicpi.

Jeremías 48:37

'Enauac namarec na lqaicpi, qataq npetec ana lqa' lauepi, qataq 'enauac ỹauo'o na lque'emaxapi naua lhuaxaye, qataq ỹaayiñi naua alogo maye lasouaxaqui'.

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

Jeremías 46:25

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi, 'eeta': «Aỹem sauo'o qome ca nhuaxanaguec ñi Amón, maye atamnaxala' ye Tebas, qataq ye Egipto cañe' ñaqa'en nam natamnaxala'pi, qataq nam lta'alpi, qataq ñi faraón qataq nam ỹa'amaqteetac ñimaye.

Jeremías 4:8

Qaq ỹoqo'oye qaỹa'añiiyiñi qome naua qo'ogolli' maye sansattegueta, qanỹeñi qataq qana'alaqaitapiguiñi souaxat da qanqui'iqui, cha'aye dam 'ettaigui layeloxo Ñim Nataxala' saishet da qomi' ca'aisalo.

2 Reyes 23:13

Qataq nlaxaañi so atamnaqa'pi maye na'ague da nala' lliguisheguem ye Jerusalén, qataq so pa'aỹa'ague da la'añaxa aso qasoxonaxa maye huaña ana Olivo, som no'oxoosheguem co'ollaxa so Salomón, maye nta'a ye Israel, da yaqto' lalamaxat lma' aso Astarté, asom ỹataqta nqaigaqte natamnaxalate so sidooniopi, qataq so Quemos, som ỹataqta nqaigaxat natamnaxala' so moabiitapi, qataq so Milcón, som ỹataqta nqaigaxat natamnaxala' so amoniitapi.

1 Reyes 11:33

Cha'aye ñi Salomón Aỹem ca'ai, nache natamnot aso Astarté maye natamnaxalate ye sidooniopi, qataq so Quemós maye natamnaxala' ye moabiitapi, qataq so Milcón maye natamnaxala' ye amoniitapi. Qaq da semeteetac ne'ena ỹo'otpi ñimaye, nache ỹataqta sa saỹamaxaren, cha'aye mashe saishet da ipaguelec na ỹamaxasoxonaxacpi, qataq na iqataxacpi, qaq saq 'ena'am co'ollaxa so lta'a David.

1 Reyes 11:5

Qaq nacherata da so Salomón natamnot co'ollaxa aso Astarté, maye natamnaxalate so sidooniopi, qataq so Milcón, som nqaigaxat lqolac so amoniitapi.

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Amós 1:15

Qaq ca lta'a namayepi qaỹauega qome ca ỹaqa'a 'alhua, nache lỹatec qanqa'en nam 'amaqtaqaic ltauapi. Qaq 'era da la'aqtac Ñim Nataxala'.

Jeremías 51:8

Qalaxaye ye Babilonia nque'elaxatta da huañi, nache ỹataqta dolachigui. ¡Qanỹeñiilec qome yemaye! ¡Qandoiua'a qome ca lata' da lque'emaxa, shapegueto' ishet da nataren.

Jeremías 49:1

Qaq 'era da la'aqtac Ñim Nataxala' da ỹa'axata'a dam talec qome ye Amón, 'eeta': «¿Ca hueta'ague ca llalaqpi so Israel? ¿Ca hueta'ague cam talec qome na lalamaxatpi? ¿Ta'ainco' ñim atamnaxala' Milcón da lalamaxat nagui ye Gad? ¿Ta'ainco' na amoniitapi da netaigui na huaqta'a't nỹecpi maye lalamaxatpi na israel?

Jeremías 48:20

Ye Moab huo'o da la'agaxa, qataq nlaxagui da lcolanaxa. ¡Ñaq qaualaqai, qataq qanỹeñiilec yemaye! ¡Qaua'aqtaxañim ye Arnón da ye Moab ỹataqta dolachigui!»

Jeremías 48:2

Da llo'oxoyec ye Moab qalaq mashe imeuo. Ye Esbón maye mpa'aguenaxauapi yemaye, qalaq mashe lapaxañi nam lhuennataxacpi da yaqto' ye Moab imeuo na hueta'a shiỹaxauapi. Qaq 'am Madmena nataqa'en 'am dolachigui qome, cha'aye ca alaataxac saishet da 'am ỹaxaatac qome.

Jeremías 6:26

¡Qami' ỹalamaxat nhuo' le'ecpi, qaỹa'añiiyiñi qome naua anogo maye sansattegueta, maye la'anaxat da qanqui'iqui, qataq qanviñingui qome na alo, qataq qaỹa'añiiyiñi naua anogo maye nasouaxaqui', qataq ỹataqta qanỹeñi souaxat da qaraquicoqoi, 'eeta'am da 'eetec da ileu ca 'oonolec ñalec, cha'aye cam qomi' ilaxachiguilo qome mashe sa qaỹaloq da anac da qomi' iloquiaxa'n!

Isaías 23:6

Nache 'enapec qome: «Qanqo'oñiỹa qome ye Tarsis, yaqto' qanỹeñi, qami' maye qoñiitaña na loigue.»

Isaías 23:1

Da na'aqtac da qaỹa'axata'a dam talec qome ye Tiro. Ña qanỹeñi qami' notaxaquipi ye Tarsis, cha'aye mashe nlaguiñi na nỹecpi qataq yem ñegueta. Qataq chegoqchiguiña ye Chipre da qara'axaỹaxaqui maye qami' nvitalo.

Isaías 16:7

Qaq ỹoqo'oye 'enauac na lma' ye Moab nỹeelec qome ye na'alhua, qaq ỹataqta lta'araic qome da laquicoxo, qataq da nqui'ic souaxat nam shiỹaxauapi ye Quir Jaréset.

Isaías 14:31

¡Qanỹeñi qome qami' Filistea le'ecpi, qaua'alqai qome souaxat da qanqui'iqui, qataq qaviloxolli qome souaxat da qarcolanqai! Cha'aye da sheu' chegoqtegue na alleppi 'eeta'am ca napalñi lmala'q, nache namayepi qaica da 'oonolec ỹale ca huaỹoxouec.

Isaías 13:6

Ña qanỹeñi qome, cha'aye mashe saqaỹapeque cam na'a'q maye lviraxaqui Ñim Nataxala', qom nvi' camaye nache qami' nlaxaayiñi Ñim Qaica ca Ỹaqalanapec.

Josué 8:28

Qaq so Josué damaxasoxoolec co'ollaxa da qaỹavigaxat so huaqta'a't nỹecpi ye Ai, iviraxata'a da ỹataqta nlachiguiñi qanqa'en choche ivitta'a nagui.

Josué 7:2

Qaq co'ollaq qaỹata'ague de'era, nache so Josué huo'oi soua ỹama'q shiỹaxau', chegoqchiyiña ye Jericó da nqo'oora naqa'en so huaqta'a't nỹecpi ye Ai, maye pa'aỹa'ague da nala' lliguisheguem ye Betel, qataq saqaỹapeque ye Bet Avén, nache 'enapegalo soomaye, 'eeta': «Qanqo'oñiỹa qome da qaumeenaxañiỹa yemaye.» Nache soomaye je'c da demeenaxara ye Ai.

Josué 8:1

Ñim Nataxala' 'enapego' co'ollaxa so Josué, 'eeta': «Saishet qome da 'añi'i, qataq da 'auqalvi. 'Alaỹona't qome na 'analleppi, nache qojec da 'auotaxanec ye huaqta'a't nỹecpi ye Ai, cha'aye aỹem 'am sanem da 'oxonec qome ñi lta'a na netaña ye Ai, nataqa'en 'enauac na nalleppi, qataq ye huaqta'a't nỹecpi qataq ye na'alhuapi, nache imauec qome da 'aralamaxat.

2 Samuel 11:1

Qaq co'ollaq nvi' so nauoxo, maye huetoiguilo naxa da so nta'alpi huenoxonec da nalat, nache so David ỹamaq so Joab qataq so ltauapi nta'alpi, qataq so nalleppi Israel le'ecpi. Nache somayepi loxonec co'ollaxa so Amón le'ecpi, qataq coleesop so huaqta'a't nỹecpi ye Rabá. Qaq so David qalaq nache hueta'a co'ollaxa ye Jerusalén.

Esdras 2:28

Qaq so chegoqchiguiñapi ye Betel qataq ye Ai, ivi' doscientos veintitrés.