Jeremías 49:25 - La'aqtaqa Ñim Lo'onatac 'Enauacna 2013

²⁵ Yem huaqta'a't nỹecpi maye ỹo'oxoraic, huaqta'a't nỹecpi maye huetaña da namaicỹaxac, yemaye mashe qanayeca'ai.

Jeremías 49:25 Referans Kwoze

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Jeremías 51:41

¡Ye Babilonia, yem huaqta'a't nỹecpi maye imattalec ana 'alhua da llo'oxoyec, yemaye huañi, yemaye mashe noxonec! Qaq ỹataqta huo'o da lcolanaxa na ỹotta'a't shiỹaxauapi da ilota'a!

Apocalipsis 18:10

Qalaxaye souaxat da lcolanaxa da qaỹauo'o ca nhuaxanaguec da 'eeta'am yemaye, nache ỹataqta qaỹoqteuga qome namayepi, nache 'eeta': «¡'Agai, ỹataqta chaqaic da qouaigui! ¡Ỹataqta 'am choxoraxaso', 'am maye ỹataqta 'am lta'araic Babilonia, 'am maye 'am 'añaxaic! ¡'Eeta'am da 'eetec da nqachegoxoñi ca shiỹaxaua da Ñim Lo'onatac 'Enauacna lhuennataxac da ỹauo'o da 'anque'eenaxac!»

Daniel 4:30

nache 'enapeco': «¡Ña qauoloỹa na Babilonia da ỹataqta lta'araic! Aỹem so'ogoxona da lta'araic ỹa'añaxac co'ollaq ño'oxoosheguem da yaqto' hueta'a da llo'oxoyec da ỹo'onataxanaxac, qataq da ỹachaxan da ỹa'amaqchec.»

Jeremías 48:39

Qanỹeñiilec qome ye Moab, cha'aye yemaye nlaqaalec da lchec, ye Moab ỹe'eguelaxague da chegaqa'ague ỹachetec da la'agaxa, nache na lauoreuapi ỹe'eguelaxa da deqaiga qataq saisheteguet yemaye.

Jeremías 48:2

Da llo'oxoyec ye Moab qalaq mashe imeuo. Ye Esbón maye mpa'aguenaxauapi yemaye, qalaq mashe lapaxañi nam lhuennataxacpi da yaqto' ye Moab imeuo na hueta'a shiỹaxauapi. Qaq 'am Madmena nataqa'en 'am dolachigui qome, cha'aye ca alaataxac saishet da 'am ỹaxaatac qome.

Isaías 1:26

Qataq na nmit na nasouaxashet maye 'am netaigui she'eguelaxata qome dam no'on lataxac, qataq nam ỹan da nqataxac 'eeta'am ñaqa'en so chegoqchiguiña co'ollaxa. Qaq qom ime da so'ot de'era, nache qaỹe'eguelaxa da 'am qaỹamata'ac, ‹Huaqta'a't nỹecpi maye huetaigui da ỹaỹamaqchiguiñi lataxac›, ‹Huaqta'a't nỹecpi maye laxaraic›.