Jeremías 49:2 - La'aqtaqa Ñim Lo'onatac 'Enauacna 2013

² Qaq ỹoqo'oye Aỹem Nataxala' da ỹa'aqtac, 'eeta': anacta ca na'a'q maye huaigui qome da so'ot da na huaqta'a't nỹecpi maye lalamaxat na amoniitapi maye lma' ye Rabá, hua'axaỹa qome ca na'alaxac da qaỹa'alaxalec da alaataxac, nache ỹe'eguelaxa qome da lapoosheguem, nache na huaqta'a't nỹecpi maye ỹotta'a't naua nañalo ỹavic qome. Qaq huaña qome nache na Israel le'ecpi, qaltaq ñe'eguelaxaala't nam lalamaxat co'ollaxa huaqta'a't nỹecpi maye ỹotta'a't naua nañalo. Qaq 'era da ỹa'aqtac, Aỹem Nataxala'.

Jeremías 49:2 Referans Kwoze

Jeremías 4:19

¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Ezequiel 21:20

Qaq iuen da 'auachaxan qome ca nqa'aic maye taỹa'a yem Rabá maye lma' na amoniitapi, qataq ye Jerusalén, yem huaqta'a't nỹecpi maye qampaxattaua'a ye Judá.

Deuteronómio 3:11

Qaq se'eso nta'a Og, somaye nacheso so pa'atec som logoraicpi, so lmala' lcat qalaq ivi' cuatro metros ye lalogaxa, qaq ye lcategue qalaq ivi' dos metros. Qaq se'eso mala' ñaq 'eetalec nagui da qaimeteetac huetaña ye Rabá maye lma' so amoniitapi.

Amós 1:14

Qaq ỹoqo'oye sauo'o qome ca norec da ỹavic ñaqa'en na lpaqtaxatpi ye Rabá, nache que'eca norec nlachiguiñi naqa'en qome ca nma' lta'araicpi, qaq que'eca na'a'q ỹataqta huo'o da na'alaxac da qaỹa'alaxalec ca alaataxac, qataq huo'o da l-llimiaxa na la'at que'eca na'a'q.

2 Samuel 11:1

Qaq co'ollaq nvi' so nauoxo, maye huetoiguilo naxa da so nta'alpi huenoxonec da nalat, nache so David ỹamaq so Joab qataq so ltauapi nta'alpi, qataq so nalleppi Israel le'ecpi. Nache somayepi loxonec co'ollaxa so Amón le'ecpi, qataq coleesop so huaqta'a't nỹecpi ye Rabá. Qaq so David qalaq nache hueta'a co'ollaxa ye Jerusalén.

Jeremías 49:1

Qaq 'era da la'aqtac Ñim Nataxala' da ỹa'axata'a dam talec qome ye Amón, 'eeta': «¿Ca hueta'ague ca llalaqpi so Israel? ¿Ca hueta'ague cam talec qome na lalamaxatpi? ¿Ta'ainco' ñim atamnaxala' Milcón da lalamaxat nagui ye Gad? ¿Ta'ainco' na amoniitapi da netaigui na huaqta'a't nỹecpi maye lalamaxatpi na israel?

Salmos 97:8

'Am Nataxala', co'ollaq hua'axaỹa de'era ye Sión nache machiguiñi, qataq ye huaqta'a't nỹecpi ye Judá ntootapigui' souaxat naua ỹaỹamaqchiyiñi 'aro'onataxanaxaco.

Salmos 48:11

Qaq ỹataqta ntootapigui' qome añi qasoxonaxa Sión, qataq parenaxaatac qome da ntonaxac na lma' ye huaqta'a't nỹecpi ye Judá, souaxat naua ỹaỹamaqchiyiñi maye 'auo'o't.

Números 21:25

Huaña, nache so Israel le'ecpi ỹacona nache naigui 'enauac so huaqta'a't nỹecpi maye ỹotta'a't naua nañalo maye lalamaxat se'eso amorreopi, maye naña ye Jesbón, qataq so laỹepi nỹecpiolec maye naugalo naua loiguiye yemaye.

Abdías 1:19

Qaq nam Israel le'ecpi maye netaña ye Néguev, ỹacona qome da nalec aye qasoxonaxapi maye na'alhua so Esaú, qaq nam netaña ye nalochiguiñi 'alhua, qalaq ỹacona qome ye 'alhua maye lalamaxat na Filistea le'ecpi. Nataqa'en ỹacona qome ye 'alhua ye Efraín, qataq ye 'alhua ye Samaria, qaq nam chegoxoguetpi so Benjamín, qalaq ỹacona qome ye 'alhua Galaad.

Números 10:9

Qaq da qami' iloquiaxa'n ca qanpa'aguenaxauaipi da qoñiitalec ca qana'alhuai. Nache da qoqui da qanalaache', nache qaỹashiiyiguilo caua nasheerel, lỹateueegue' qanqa'en ca na'alaxac. Yaqto' Ñim Nataxala' ishet da iuennata'alo qami', nache qami' nca'alaxateeguesopa ca qanpa'aguenaxauaipi.

Deuteronómio 13:16

Ime, nache qalaỹoñiỹa't ca logoxoshetpi camayepi nache qauroỹa ca naponqa'. Nache 'enauac que'eca huaqta'a't nỹecpi, qataq que'eca nogoxoshetpi qauavigaxache. Qaq camaye nache nachetaqtaxanaxat qaỹavigaxatta da qoỹanot Ñim Nataxala'. Qaq que'eca huaqta'a't nỹecpi nache 'eetai' qome da lapootasheguem, nache saishet da qaỹe'eguelaxalec da qano'oxoosheguem.

Josué 17:11

Nache som chegoxoguetpi so Manasés nataqa'en huo'o co'ollaxa so taỹot huaqta'a't nỹecpi maye huaigui ye na'alhua som chegoxoguetpi so Isacar, qataq som huaqta'a't nỹecpi maye huaigui ye na'alhua som chegoxoguetpi so Aser, nache lỹaueegue' so lauoreuapi nma'piolec: ye Bet Seán, Ibleam, Dor, Endor, Taanac, qataq Meguido qataq soua tres lcomaraxalate.

Josué 17:16

Nache somayepi 'enapeco': «Aja', 'eesa da sa ñaloxolec ayem qasoxonaxapi. Qalaxaye ye Canaán le'ecpi maye netalec ye nalochiguiñi 'alhua, yemayepi huo'o aye nalaataxaquipi laigona lcat, qataq nache 'ena'am ye netaña ye Bet Seán, qataq ye lauoreuapi nma'piolec, qataq yem naña ye ca'amapega't ye Jezrel.»

Isaías 17:1

Qaỹa'axata'a dam talec qome ye Damasco. Ye Damasco saishet qome da nache 'eetai' da huaqta'a't nỹecpi, yemaye ỹe'eguelaxa qome da 'eeta'am ca lapoosheguem lasogoñi.

Isaías 11:14

Maye nacherata da ntauna't qome da dataira'aguet ye Filistea le'ecpi maye pa'aỹa'ague da nala' lliguiñi; qataq huaxaỹa't qome da deuotaxanec da lsallaxa yem pa'aỹa'ague da nala' lliguisheguem, qaq da la'añaxac ivira'a qome ye Edom qataq ye Moab, qataq ivira'a da choche ỹamaqtac qome ye Amón le'ecpi.

Ezequiel 21:25

Qaq 'am nta'a na Israel maye 'am laataxanaxaic, mashe 'am nayeeta'a ye laloqo' ca pa'atec 'anhuaxanaguec.