Jeremías 49:16 - La'aqtaqa Ñim Lo'onatac 'Enauacna 2013

¹⁶ Dam 'año'oxonnaxac co'ollaxa, nachera da 'am ỹatenachet, cha'aye souaxat 'am ncolanaxat. Qataq qouetaigui na lpoxoỹaxapi na coma'pi, qoueta'a na ỹataqta qaỹoqotcheguemec qasoxonaxapi. Qalaxaye na'aictaxa da qaỹoqotcheguemec 'anqa'en ca 'arpata'c da qoneta'am ca vi'ic qalaxaye nache 'am sachegoxotchiguiña qome da 'am ñeqaañi. Qaq 'era da ỹa'aqtac Aỹem Nataxala'.

Jeremías 49:16 Referans Kwoze

Amós 9:2

Nache na'aictaxa da taña ca ỹataqta qaỹoqchiguiña ana 'alhua da nqañoxooñi, qalaq nache sachegoxotchiguiña da ñeqatsheguem, qataq na'aictaxa da tasheguema ca ỹataqta qaỹoqotcheguema na piguem, qalaq nache sachegoxotasheguema da ñeqaañi qome.

Isaías 49:25

Qalaxaye Ñim Nataxala' 'eeta' da la'aqtac: «Ca shiỹaxaua 'añaxaic, ishet da qaiuotaxanec cam loxonec qataq cam qaica ca iren ishet da qaiuotaxanec cam laueguec. Qaq Aỹem sataỹa'aguet qome nam 'am icogaxaatacpi, Aỹem ñeca'alaxatec qome na 'aỹa'alaqpi.

Da na'aqtaguec so Job 39:27

¿Peta'a nache 'amo' maye 'auamaxalec da naỹosheguem so ỹanegralo, da yaqto' ỹanalec na qaỹoqotcheguemec ca lpata'c?

Proverbios 29:23

Da ño'oxonnaxac ca ỹale nachera da qaica ca la'amaqchec naqa'en, qaq ca sa na'amqaanaxaic qalaq huo'o da la'amaqchec qanqa'en.

Proverbios 16:18

Da 'amqaanaxac, nca'atalec da nlaguiñi naqa'en ca qaỹo'ot, qataq da ime da pagaqaanaxac nache qataq anac da que'eenaxac.

Isaías 2:21

Nache camayepi nqañoxotoigui qome na lauacpi ana coma'pi, qataq na lpoxoỹaxapi ana lcomaraxalatepi, souaxat da lchec da lviraxac Ñim Nataxala' qataq na le'eraxa da llo'oxoyec Ñimaye qom ivita da nachaañi, da imattalec naqa'en ana 'alhua da lchec.

Cantares 2:14

«'Am ỹalamaqte qoto'ole, ¡saishet da 'anqañoxottaigui na qaỹoqotcheguemec 'anqañoxotaqa'! Aỹem ñeshetaique da sela'a da 'arashiguiỹaxac, sauotaique sa'axaỹa da 'arvilỹaxac. ¡Ỹataqta samachiguiñi da 'am ñauane'! ¡Ỹataqta huo'o da lamaic da sa'aqtega da 'arvilỹaxac!»

Proverbios 18:21

Da nca'alaxa qataq da nleuaxa qalaq chegaqaiguilo ca 'enapec ñi nachaxat, qaq ca qalota da ltaxaỹaxac nache maiche nque'etaxaachigui ca naigui naua la'aqtaqa.

2 Reyes 14:7

Qaq so Amasías, nataqa'en ỹalauat so diez mil edomiitapi, huaña so ca'amapega't 'alhua maye huaña na toue, nache loxonec so huaqta'a't nỹecpi ye Selá, nache ỹanagui da le'enaxat Yoctel, nache ivitta'a nagui.

Isaías 10:14

Qataq sauota'a na ihuaq da sacona da lsallaxa 'enauac na nhuo' le'ecpi, qataq seuotaxanec 'enauac na 'alhuapi sheeta'am ca ỹaconalo caua qaỹala't maỹo lco'oue'ete ỹachegoxotanguilo ca maỹo lpata'c, nache qaica ca iraxa'n naua laua't, qataq qaica ca ỹauachigui na alap da ỹa'alaq.»

Jeremías 49:15

Aỹem 'am so'otec qome da qaica ca 'ara'amaqchec da 'aualectaigui na laỹepi shiỹaxauapi qataq 'am qaỹo'otan da 'aualectaigui na ỹalleppi.

Jeremías 50:29

¡Ñaq qauỹaxañiỹa 'enauac na checna lo'opi, da yaqto' iloquiaxan ye Babilonia! ¡Qanauañi' naua loiguiye ye huaqta'a't nỹecpi, yaqto' qaica ca ishet da datauec! ¡Qausheechiñiiguet dam ỹo'ot co'ollaxa yemaye! ¡Qauo'ochec yemaye da ipacchigui qanqa'eñi dam ỹo'ot co'ollaxa! Cha'aye yemaye ỹataqta Aỹem sairen co'ollaxa, Aỹem Nataxala' maye Qui'itta Natamnaxala' na Israel le'ecpi.

Jeremías 51:53

Qaq na'aictaxa ye Babilonia da ivirasheguema na piguem da yaqto' qaỹoqotcheguemec naqa'en na lpaqtaxanaxatpi, qalaxaye nache 'ena'am samaxa cam mpa'aguenaxauapi da yaqto' ilaxachigui. Qaq 'era da ỹa'aqtac Aỹem Nataxala'.»

Habacuc 2:9

Qaq choxoraxaso' 'am, maye 'anlaxatchigui na 'arma' nam 'arcachaxatpi, cha'aye 'anshetaique da 'am ỹet 'enauac na lcheguesat.

Malaquías 1:3

qaq so Esaú qalaq saishet da sauotec. Ỹoqo'oye yem na'alhua so Esaú maye qasoxonaxasat, ỹe'eguelaxa ñaqa'en da ỹataqta toolec, qaq nam lalamaxat 'alhuapi qalaq saneguet da netalec nam huauec shiguiỹacpi.

Jeremías 48:14

Qaq qami' Moab le'ecpi, saishet qome da qoñeeta': ‹Qomi' qaramchiguilo, qomi' alaataxaicpi 'añaxaicpi.›