Jeremías 49:13 - La'aqtaqa Ñim Lo'onatac 'Enauacna 2013

¹³ Aỹem Nataxala', maiche san da ỹa'aqtac, 'eeta': Ye huaqta'a't nỹecpi ye Bosra, ỹe'eguelaxa da toolec qome qataq nlachiguiñi, nache naloqnaxanaxat da huo'o ca qaica 'enec qataq huetalec da qauem, qaq na laỹepi huaqta'a't nỹecpi maye ỹotta'a't naua nañalo, namayepi qome tatec da nlachiguiñi.»

Jeremías 49:13 Referans Kwoze

Isaías 34:6

Qaq so lainec Ñim Nataxala' huagui qome na ntago'q qataq na lcheta, 'eeta'am da 'eetec naxa da qaỹalauat na qagueta llalaqpi, qataq ana quetaqpi da nachetaqtaxanaqte qaỹavigaxatta. Cha'aye Ñim Nataxala' ỹo'ot qome ca ỹavigaxatta lachetaqtaxanaxat huaña naqa'en ye Bosra, qataq cam ỹataqta lta'araic lalaataxanaxac huaña ye Edom.

Génesis 36:33

Qaq co'ollaq ileu so Bela, nache da lo'onataxanaxac da nta'a talec so Jobab som llalec so Zeraj, maye lma' ye Bosra.

Génesis 22:16

nache 'enapega, 'eeta': «Ñim Nataxala' 'enapec: Qaq cha'aye 'auo'ot de'era, qataq saishet da aỹem 'aullapeguem ñi 'oonolec 'aỹa'alec, qaq nagui san da ỹa'aqtac,

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»

Amós 1:12

Qaq ỹoqo'oye sauo'o qome ca norec da ỹavic ñaqa'en ye Temán, nache que'eca norec nlachiguiñi naqa'en qome na nma' lta'araicpi ye Bosra.

Jeremías 49:22

Na pa'aguenaxauapi anac qome da iloquiaxan ye Bosra, 'eeta'am ca vi'ic da ipegueere'c naua laua't, qaq que'eca na'a'q nache na alaataxaicpi ye Edóm, ỹataqta iviloxol qome 'eeta'am aca 'alo da deco'otac.»

Jeremías 44:26

Qalaxaye 'enauac qami' Judá le'ecpi maye qoñiitaña na Egipto, ña qana'axaỹaxañiỹa dam ỹa'aqtac Aỹem Nataxala': San da ỹa'aqtac chegoqchigui dam 'amaqtaqaic ỹe'enaxat, da nam Judá le'ecpi saishet qome da qaltaq huo'o ca nasaqteguec da ỹe'enaxat, da hueta'a na Egipto da, 'eeta': ¡Nca'altauec Ñim Nataxala'!

Isaías 63:1

Negue't ne'ena maye chegaqa'a ye Bosra yem 'amaqtaqaic huaqta'a't nỹecpi ye Edom ỹaatrañi naua alogo togaxaraiqa, qataq qashelectrapiguiñi naua alogo qataq ỹataqta chaqaic da lqueuoxoc. Nachaỹem, maye sa'axatta'a ca nauegaxanaxac, qataq Aỹem 'añaxaic da seca'alaqtaxan.

Isaías 45:23

Aỹem, maiche aỹem san da ỹa'aqtac, sachaxanapec co'ollaxa da ỹauegaxanaxac, qaq de'era sachaxanapec ipacchigui qome, qaq 'enauac qome nam shiỹaxauapi da aỹem ỹa'aroto naua l-llectel, qataq Aỹem ỹanot qome da la'aqtac

Abdías 1:18

Qaq nam chegoxoguetpi so Jacob, qalaq 'eeta'am qome ca norec, qataq nam llalaqpi so José, qalaq 'eeta'am na le'eraxa ca norec, qaq nam chegoxoguetpi so Esaú, qalaq 'eeta'am ca nca'atoxonaxat, da qaỹe'eraxatoigui nache ivitta'a da ỹataqta ỹavicta, nache qaica qome ca lca'alaxaicpi nam chegoxoguetpi so Esaú. Qaq 'era da la'aqtac Ñim Nataxala'.

Joel 3:19

Nache ye Egipto ỹataqta nlachiguiñi qome, qaq ye Edom ỹe'eguelaxa da toolec 'alhua, souaxat da iloquiaxan co'ollaxa na Judá le'ecpi, qataq hualec naqa'en ye na'alhua namayepi, da icolde'c naua ltago'q nam qaica ca ỹasouaxat.

1 Crónicas 1:44

Qaq co'ollaq ileu so Bela, nache da lo'onataxanaxac somaye talec so Jobab, som llalec so Zeraj, maye lma' co'ollaxa ye Bosra.

Jeremías 18:16

Qaq 'era da 'eetec da toolec naqa'en na na'alhua namayepi, nache ỹo'ot da chochaq tatec da na'aalaxa. Qaq 'enauac nam taalec namaye, nache iconnaxaatac na lqaic souaxat da la'aalaxa.

Jeremías 19:8

Nache she'eguelaxata qome da toolec ñaqa'en ne'ena huaqta'a't nỹecpi, qataq da ỹo'ot da ncolanaxa. Qaq 'enauac qome nam taalec namaye, huo'o da lcolanaxa qataq da la'aalaxa souaxat da ila'a da ỹataqta imauec nlachiguiñi.

Jeremías 51:14

Ñim Nataxala' maye Qaica ca Ỹaqalanapec, maiche ỹan co'ollaxa da la'aqtac, 'eeta': «'Am ñamaxa qome ca qalota 'ampa'aguenaxauapi 'eeta'am ana shiiquioxoipi, nache camayepi 'am do'onaxaatalec qome da 'am loxonec.»

Jeremías 48:24

Queriot, Bosra qataq 'enauac nam huaqta'a't nỹecpi maye ỹotta'a't na nañalo ye Moab, nam saqaỹapeque qataq na qaỹoqtapi.