Jeremías 49:12 - La'aqtaqa Ñim Lo'onatac 'Enauacna 2013

¹² Ñim Nataxala', 'eeta': «Som saishet taxa da nỹomgui aso ỹomaxaqui maye ỹo'ot da nhuaxanaguec, qalaq nỹomgui asomaye, qaq nache 'eetec nataqa'en 'am da saishet da saqca ca 'anhuaxanaguec, nacherata da nataqa'en 'anỹomgui asomaye.

Jeremías 49:12 Referans Kwoze

Abdías 1:16

Nache dam 'eetec da qanỹomiitac co'ollaq huaña añi qui'itta ñeqasoxonaxa, qaq nache 'eetec qome da queto'ot da nỹomtac na ỹotta'a't shiỹaxauapi, nache ivitta'a da iqueno'oc na lataxa, huaña nache imauec da pal.

Jeremías 46:27

Qalaxaye 'am Jacob, maye 'am ỹamaxashec saishet qome da 'añi'i, 'am Israel, saishet qome da huo'o da 'arcolanaxa, cha'aye aỹem 'am ñeqateeguesop qome yem qaỹoqta 'alhua, qataq ñeca'alaxateeguesop qome nam 'am chegoxoguetpi ye 'alhua maye hueta'a nagui da ncoñeteguishecpi. Qaq 'am Jacob 'avi'eguelaq qome nache qouetaigui da 'al-lagaxayec qataq nquictasheguem qome da 'arsallaxa, huaña nache qaica ca 'am iquichoqchettac.

Jeremías 30:11

Aỹem Nataxala', san da ỹa'aqtac da 'am soota'aguet da yaqto' 'am ñeca'alaxatec. Aỹem selaxachigui qome 'enauac nam ỹotta'a't shiỹaxauapi, maye qami' selagaxaaleguete co'ollaxa. Qalaxaye 'am saishet da 'am selagaxachigui qome, nacherata da sauo'o ca 'anhuaxanaguec maye naigui nam 'auo'otpi: qaq saishet da saq sauo'o ca 'anhuaxanaguec.

Jeremías 25:15

Ñim Nataxala' maye Natamnaxala' na Israel le'ecpi aỹem 'enapega, 'eeta': «Ña 'aumeten ana'ana ỹomaxaqui maye nlaqchigui na lataxa, maye naigui da inogoxonaxac. 'Auacona, nache 'aỹa'anem da yaqto' nỹomgui 'anqa'en 'enauac na ỹotta'a't shiỹaxauapi maye 'am samaxa qome.

Proverbios 17:5

Ca ỹe'enai' ca choxoraq camaye inogoqchet Ñim Lo'onatac 'Enauacna, qaq ca ntootapeguec ca que'eenaxac ỹaqa'a, camaye huo'o qanqa'en da nhuaxanaguec.

Mateo 20:22

Nache So Jesús 'enapeco': –Qami' saishet da qauaỹaañi dam qauỹaxañiitapegueua'a. ¿Qami' lhuotte' peta'a da qanque'etaxañiigui na qauemsat maye Aỹem talec qome? Nache soomaye 'ena'apo': –Aja', seshetaq.