Jeremías 49:11 - La'aqtaqa Ñim Lo'onatac 'Enauacna 2013

¹¹ Aỹem 'aua'aqta'a da selo'ogue na 'ansaploqpi. Ana 'ampa'aipi ishet qome da Aỹem pi'iỹa'a.»

Jeremías 49:11 Referans Kwoze

Salmos 68:5

Ñim Lo'onatac 'Enauacna maye netaña añi qui'itta lalamaqte atamnaxaqui, Ñimaye nacheñi ñi lta'a na qaicaua caua lta'al. Qataq nacheñi ñi iueettapeguelec ana pa'aipi.

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.

Oseas 14:3

Na Asiria le'ecpi saishet qome da qomi' nca'alaxatrec, qataq saishet da sonaqtalec na caipi da ñaneltaxanaq, huaña nache saxanaxañi da shenaqtega qanatamnaxala' na maiche qaro'onatacpi, cha'aye nache 'amta 'Am Nataxala', da 'am ỹachegoxoto'ot da nchoxonnataguec nam qaicaua caua lta'al.»

1 Timoteo 5:5

Aca pa'ai maye ỹoqta 'eesa da qaỹalata'a't, acamaye imato'ot da naquitaxac Ñim Lo'onatac 'Enauacna da iỹaxaatacot ca ntaunaguec, ye na'a'q qataq ye pe.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Jonás 4:11

Qaq ta'ainectoxo' da saq ỹactec ñaqa'en da ichoxonnataxanaxa yem 'amaqtaqaic huaqta'a't nỹecpi ye Nínive, maye hueta'a ye shiỹaxauapi maye napactelec ca ciento veinte mil ye lcata, maye saỹaỹaten ca 'eetec da yaqto' nca'alec, qataq qalota ye hueta'a shiguiỹacpi.»

Salmos 146:9

Ñim Nataxala', ntela'a nam chegaqauecpi, qataq itauan nam qaicaua caua lta'al qataq ana pa'aipi, qalaxaye ỹo'ot da deqat da nqa'aicỹaxac nam qauemaicpi.

Salmos 82:3

Ña qampaxacheelec taxa na qaica ca la'añaxac qataq na qaicaua caua lta'al, qataq qauo'ochec ca nalochiguiñi lataxac na choxoraqpi qataq na huo'o da lhuenaxanaxa.

Deuteronómio 10:18

Ñimaye iueelec ca saploq, qataq aca pa'ai, qataq ichoxoren ca ỹaqa'a ca chegaqa'ague qataq ỹanem ca aloq qataq ca logoxot.

Zacarías 7:10

Qataq saishet da sa qauaỹamaxacheỹapec aca pa'ai, qataq ca saploq, huo'otaq ca chegaqauec, qataq ca choxoraq. Qataq saishet da qarhuennataqai da qauo'ochec ca qauem ca qarỹai.»