Jeremías 49:1 - La'aqtaqa Ñim Lo'onatac 'Enauacna 2013

¹ Qaq 'era da la'aqtac Ñim Nataxala' da ỹa'axata'a dam talec qome ye Amón, 'eeta': «¿Ca hueta'ague ca llalaqpi so Israel? ¿Ca hueta'ague cam talec qome na lalamaxatpi? ¿Ta'ainco' ñim atamnaxala' Milcón da lalamaxat nagui ye Gad? ¿Ta'ainco' na amoniitapi da netaigui na huaqta'a't nỹecpi maye lalamaxatpi na israel?

Jeremías 49:1 Referans Kwoze

Deuteronómio 23:3

Qataq na amoniitapi, moabiitapi, saishet qome da ỹalegoigui qanqa'en ca naponaxac maye lalamaxat Ñim Nataxala', na'aictaxa da mashe ivitta'a da diez da nqochen ca llalec ca chegoxoguetpi.

Jeremías 49:7

Da la'aqtac Ñim Nataxala' maye Qaica ca Ỹaqalanapec, da ỹa'axata'a dam talec ye Edóm, 'eeta': «¿Mashe qaica ca naỹaanec ye Temán? ¿mashe saỹaỹaten ca 'eetec nam ỹaanataxanaxaicpi? ¿Mashe deqat so laỹaanec?

Jeremías 25:21

ye Edóm, Moab qataq ye Amón,

2 Crónicas 20:1

Qaq co'ollaq mashe qaỹoqtegue de'era, nache so moabiitapi qataq so amoniitapi, huaxaiguet so meuniitapi, da iloquiaxan so Josafat,

Jeremías 49:28

Da la'aqtac Ñim Nataxala' maye talec som chegoxoguetpi so Quedar qataq so nataxala'pi ye Hasor, som loxonqa co'ollaxa so Nabucodonosor maye nta'a ye Babilonia, 'eeta': «¡Ña qoqui qome da qauloquiaxañi ye Quedar! ¡Qaulaxachiigui qome ye nhuo' le'ecpi maye pa'aigue da nala' lliguisheguem!

Jeremías 49:23

Da na'aqtac da qaỹa'axata'a dam talec qome ye Damasco, 'eeta': «Nam huaqta'a't nỹecpi maye ỹotta'a't naua nañalo ye Hamat qataq ye Arpad, ỹataqta huo'o da la'agaxa cha'aye nvita da qauem la'axaỹaxac. Qaq yeemaye ỹataqta nlaxaguilo da lcolanaxa nache saishet da huo'o ca lle'emaqa'.

Jeremías 48:1

Da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi da ỹa'axata'a da 'eetec qome ye Moab, 'eeta': «¡Qaq choxoraxaso' yem huaqta'a't nỹecpi ye Nebo, ỹataqta nlachiguiñi qome! ¡Qaq ye Quiriatayin qalaq qanhuo' qome nache qaica ca la'amaqchec qanqa'en Qataq nam lpaqtaxatpi qalaq qailaxachigui qome!

Jeremías 27:3

Ime nache 'auamaxa ca 'ara'aqtac na nta'alpi ye Edom, Moab, Amón, Tiro qataq ye Sidón, nache 'auamaxague na namaxashecpi maye nvita na Jerusalén da namaqtega ñi nta'a Sedequías.

Jeremías 25:9

nache Aỹem seỹaxana qome 'enauac na nhuo' le'ecpi maye neta'ague da sheu', qataq ñim ỹamaxashec Nabucodonosor maye nta'a ye Babilonia, da yaqto' anac, nache iloquiaxa'n ne'ena 'alhua, qataq 'enauac nam netalec namaye, qataq 'enauac nam ỹotta'a't shiỹaxauapi maye lauoreuapi, nache ỹataqta imauec qome da selaxachigui, qataq chochaq tatec ñaqa'en da nlaguiñi, qataq ỹo'ot da ne'elaxa qataq da ncolanaxa.

Salmos 83:7

Gebal, Amón, Amalec, qataq na filisteopi, qataq na lma' ye Tiro,

Salmos 9:6

So depa'aguenataxaatac qalaq mashe ileu, qataq somaye nache l-llañe' so lalamaxat huaqta'a't nỹecpi, cha'aye 'am 'anlaxaañi, nache da na'aqtaguec somayepi qaica da huo'o ca no'onañi.

Nehemías 4:7

Qalaxaye so Sambalat, Tobías, qataq so lma' ye Arabia, Amón qataq ye Asdod, co'ollaq la'axaỹaxac da nquictasheguem so ño'oxonaqtapiguisheguem npaqtaxanaxat, qataq da mashe sapoqtapigui so lauacpi, nache ỹataqta dalemata.

Nehemías 2:19

Qalaxaye cael la'axaỹaxac de'era so Sambalat maye lma' ye Horón, qataq so Tobías maye Amón le'ec, qataq so Gesem maye lma' ye Arabia, nache soomaye ỹataqta qomi' isheueeta'ape qataq qomi' 'eetegalo, 'eeta': «¿Negue't ca qansheetaique da qauo'oche qami'? ¿Qalqo' qansheetaique da qauataiỹa'aguet ñi nta'a?»

2 Crónicas 20:23

Qaq cha'aye so amoniitapi qataq so moabiitapi, iloquiaxan so lma' añi qasoxonaxa Seír, nache nmatchiguiñi da ỹalauat, qaq co'ollaq mashe nmichiguiñi naqa'en somayepi, nache somayepi qaltaq maiche taỹa't da nalaara't.

2 Reyes 24:2

Qalaxaye Ñim Nataxala', ỹamaxa co'ollaxa so Joacín som shiỹaxauapi maye na'attagui so lo'ogoxonaxatpi, somayepi nacheso so caldeopi, siiriopi, moabiitapi, qataq so amoniitapi. Nache ỹamaxa somayepi ye Judá, da yaqto' nlaxaañi, nache ipacchigui da la'aqtac Ñim Nataxala', maye ỹachegoxotchigui co'ollaxa som lamaxashecpi maye la'aqtaxanaxanecpi.

2 Reyes 10:33

chegoqchiguiña ye pa'aigue da nala' lliguisheguem so tala Jordán, qataq 'enauac ye 'alhua ye Galaad, qataq ye na'alhua so Gad, Rubén qataq Manasés, qataq chegoqchiguiña ye Aroer, maye sa qaỹapeque so la'auaxac ye Arnón, nache ivitta'a ye Galaad, qataq ye Basán.

Deuteronómio 2:19

qalaxaye qom qavichiỹa ye na'alhua ye amoniitapi, nache saishet qome da qauloquiaxañi, cha'aye yemayepi nataqa'en chegoxoguetpi so Lot, nache Aỹem saishet da qami' sanema ca laỹe ye na'alhua yemayepi. Cha'aye mashe sanem co'ollaxa da lalamaxat.›

Génesis 19:38

Qaq nataqa'en aso na'asa huo'o co'ollaxa so llalec, nache ỹanagui da le'enaxat Ben Amí. Qaq nacheso so lta'a nam ñaq huo'o nagui amoniitapi.

Números 1:24

Qaq so llalaqpi qataq so chegoxoguetpi so Gad, qoỹiyiñi 'enauac na le'enaxatpi so ỹalleppi, maye maiche nalamaxat nhuo' le'ecpi, maye ivi' qataq napacalec naua veinte vi'iye da nachaalataxac, maye mashe ishet da taỹa ca alaataxac.

Deuteronómio 23:4

Cha'aye namayepi saishet co'ollaxa da ỹauo'o ca qaraquipi, qataq ca qo'oqoi co'ollaq qaua'axasoxoñiilec ye na'alhua, co'ollaq qauachegoqoita'a ye Egipto. Nacherata da isheeten so Balaam, som llalec so Beor, maye chegoqta'a ye Petor maye huagui ye 'alhua Mesopotamia, da yaqto' qami' ỹasaxaleguete ca qauem la'aqtac.

Jeremías 12:14

Ñim Nataxala' 'eeta' da la'aqtac: «'Enauac na qauemaicpi lauoreuapi na Israel le'ecpi maye ilaxachigui nam 'alhua maye Ñim Nataxala' ỹanem da lalamaxat na nhuo' Israel le'ecpi, Aỹem ñeqateeguesop qome namayepi na netalec 'alhuapi, qataq ñeqateeguesop namayepi nam chegoxoguet so Judá.

Sofonías 1:5

Qataq selaxachigui nam tasheguema naxa na l-laq na lma' da natamnot ana huaqaañipi, qataq nam ỹa'attrañi naxa naua l-llecte da ỹo'oxoreetac da ỹe'enaxat, qataq dam le'enaxat som atamnaxala' Milcón.

Ezequiel 21:25

Qaq 'am nta'a na Israel maye 'am laataxanaxaic, mashe 'am nayeeta'a ye laloqo' ca pa'atec 'anhuaxanaguec.

Ezequiel 25:1

Ñim Nataxala' aỹem 'enapega, nache 'eeta':