Jeremías 48:44 - La'aqtaqa Ñim Lo'onatac 'Enauacna 2013

⁴⁴ Qaq cam ỹet ca 'ipiỹaxaicpi qalaq tangui qome aca nshere, qaq ca ishet da nnoxoosheguem da chegaqangui aca nshere, qalaq tangui qome aca nqoina, cha'aye Aỹem talec qome ñaqa'en ye Moab ca nhuaxanaguec qom ivita ca laloqo'. Qaq 'era da ỹa'aqtac Aỹem Nataxala'.

Jeremías 48:44 Referans Kwoze

Jeremías 11:23

Nache qaica qome ca no'onañi namayepi, cha'aye anacta cam na'a'q maye huaigui da sauo'o ca qanhuaxanaguiqui, qami' ỹelleppi maye qarmaye ye Anatot, qami' taleguete qome ñaqa'en ca qauem.»

1 Reyes 19:17

Yaqto' cam ỹet ca lainec so Jazael, nache so Jehú ỹalauat camaye, qaq cam ỹet ca lainec so Jehú, nache so Eliseo ỹalauat qome camaye.

Amós 5:19

Cha'aye 'eeta'am qome ca dataueeguesop ca llon, qalaxaye qaltaq natena'aguet ca oso, huo'otaq ca pa'aigui ca lma' da ỹasheleua'a na lque camaye, nache inac ca 'araxanaq.

Jeremías 46:21

Nam nalleppi maye isheeten co'ollaxa da yaqto' itauan namayepi qalaq 'eeta'am na chaxaraicpi huaca llalaqpi, qalaxaye nataqa'en qome namayepi da datauec, cha'aye mashe nvi' ca qauem na'a'q qataq ca laloqo' ca nhuaxanaguec.

Miqueas 7:4

Qaq nam qoỹeetega no'on da lataxac maye ỹalectaigui namayepi, qalaq 'eeta'am anam qo'oipaq maye huo'o ana le, qataq nam qoỹeetega huesota da lataxac qalaq 'eeta'am aca zarza. Qalaxaye mashe anacta cam na'a'q maye huaigui da nhuaxanaguec, cam na'a'q maye ỹa'axatta'a co'ollaxa so lauanaxanaxanecpi namayepi. Huaña qome nache namayepi saỹaỹaten ca 'eetec.

Oseas 9:7

¡Qaq mashe nvi' naua na'axa'te maye huetoiguilo da nhuaxanaguec namayepi! ¡Qataq mashe nvi' naua na'axa'te maye huetoiguilo da nsheetenaguec namayepi! ¡Qaq na Israel le'ecpi, ỹaỹateeta qome de'era! Namayepi 'enapec: «so na'aqtaxanaxanec ỹataqta qaica ca ỹaỹaana'a. Qataq so hueto'ot da saqcha'a na'añaxac, huo'o da aloic.» Qaq 'enapec de'era cha'aye ỹataqta nlaqchigui na qauem, qataq ỹataqta lta'araic da lquiỹaxanaqtaic.

Jeremías 51:18

namayepi qaica ca naigui, qataq 'enaxaqui, Ñim Nataxala' qom ivita da nmit, 'enauacna nache ilaxachigui namayepi.

Jeremías 23:12

Qaq ỹoqo'oye da nqa'aicỹaxac namayepi, ỹataqta napalñi qome qataq salvi, qataq Aỹem so'otec qome da qaỹamaxañi nache huañi. Qom ñimit na lasouaxashetpi namayepi nache talec ñaqa'en ca qauem. Qaq 'era da ỹa'aqtac Aỹem Nataxala'.»

Jeremías 16:16

Ñanacot qome na qalota ya'acoxoicpi, Aỹem Nataxala' 'era da ỹa'aqtac, da yaqto' ỹalecaique na Israel le'ecpi. Ime qome nache qaltaq anac ñaqa'en ca qalota 'ipiaxaicpi yaqto' ỹaconeua'a, nache nqateeguesop ana qasoxonaxapi qataq ana qaỹoqotcheguemec 'alhuapi, qataq ivira'a na huetangui na lpoxoỹaxapi ana coma'pi.

Jeremías 10:15

namayepi qaica ca naigui, nda'a't da qane'eetapigui, qaq Ñim Nataxala' qom ivita ca lhuaxanaxanaxac, nache ilaxachigui namayepi.

Isaías 24:18

Qaq cam dataueeguesop ca lchec qalaq tangui qome aca nshere, qaq cam chegaqangui aca nshere qalaq tangui qome aca nqoina. Cha'aye nauatoigui qome na lasompi na piguem, nache naañi qome ca lta'araic auot nache cholaxan nam na'attalecpi ana 'alhua.

Isaías 10:3

Qaq ¿hua'ago' ca 'eetec qom ivita da ỹaneuo da lo'onataxanaxac, qom ilota'aguet da ña qaỹoqteguet cam nhuaxanaguec namayepi? Qataq ¿negue't ca ỹe'eguenot da yaqto' itauan? Qataq ¿hua'ague qome ca ỹacha'ague da lsallaxa?

1 Reyes 20:30

Qaq so laỹepi se'eso alleppi, nache datauec co'ollaxa taỹa ye Afec, qalaxaye so lpaqtaxat se'eso huaqta'a't nỹecpi, hua'axalec co'ollaxa se'eso veintisiete mil ỹalleppi maye datauecpi. Qaq so Ben Adad maye nataqa'en datauec co'ollaxa, nache ỹe'egueneua'a se'eso huaqta'a't nỹecpi, nache ỹataqta tateua'alo so nỹecpi da nqañoxottapiguiñi.

Jeremías 8:12

¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.

Jeremías 50:24

'Am Babilonia, maiche 'auo'ot co'ollaxa aso 'arqoina, nache sa 'ananoma da maiche 'angui asomaye. Nache qouangui da 'am loxonec, souaxat da 'auataỹa'aguet Ñim Nataxala'.

Jeremías 50:27

¡Qaualauache 'enauac na nalleppi, nache qauaviqueuga ca nalaataxanqa'! ¡Choxoraxaso' namayepi! ¡Mashe nvita nam na'a'q qataq ye laloqo' da nhuaxanaguec!

Lamentaciones 3:47

Da qarcolanaxa qataq da qanqoinaguec qataq da qomi' qanlaxatcheyeñi, damaye nachera da qomi' taleguete.

Isaías 24:17

Qami' maye qoñiitalec ana 'alhua, qami' taleguete qome ca lta'araic lchec qataq qa'aỹingui aca nshere qataq aca nqoina.

Jeremías 49:8

¡Qami' maye qoñeeta'a na Dedán qauataiuec qome qoqui qome qanqañoxochiiñi! Cha'aye selaxachigui qome na nhuo' le'ecpi maye chegoxoguet so Esaú, cha'aye mashe ivita ye laloqo' da sauo'o ca nhuaxanaguec.