Jeremías 48:43 - La'aqtaqa Ñim Lo'onatac 'Enauacna 2013

⁴³ Qaq ỹoqo'oye Aỹem Nataxala', da ỹa'aqtac, 'eeta': Na lma' ye Moab 'eeta'am qome na shiguiỹacpi da icaatac na 'ipiaxaicpi, huo'otaq da iteetapeeguet da lchec da tangui aca nshere huo'otaq aca nqoina.

Jeremías 48:43 Referans Kwoze

Lamentaciones 3:47

Da qarcolanaxa qataq da qanqoinaguec qataq da qomi' qanlaxatcheyeñi, damaye nachera da qomi' taleguete.

Salmos 11:6

Qataq talec naqa'en na qauemaicpi, na auot maye 'eeta'am ana 'ettaigui poqo qataq na 'ettaigui quiquiaxaraic, qataq anacot ca la'at maye ỹavigaxat 'enauacna, da ỹanem namayepi da 'itchiguiñi nhuaxanaguec.

Jeremías 49:5

Qalaxaye Aỹem chegoqteguelo ñaqa'en qome na ỹauo'o da 'arcolanaxa. Qaq 'era da ỹa'aqtac Aỹem Nataxala' maye Qaica ca Seqalanapec. Ñi 'oonolec da qoñeeta maicheye cam dataigue da datauec, nache qaica qome ca ishet da qaltaq qami' laỹona't.

Jeremías 50:24

'Am Babilonia, maiche 'auo'ot co'ollaxa aso 'arqoina, nache sa 'ananoma da maiche 'angui asomaye. Nache qouangui da 'am loxonec, souaxat da 'auataỹa'aguet Ñim Nataxala'.