Jeremías 48:40 - La'aqtaqa Ñim Lo'onatac 'Enauacna 2013

⁴⁰ Ñim Nataxala', 'eeta': Na mpa'aguenaxauapi ye Moab anac da iloquiaxan yemaye, 'eeta'am ca vi'ic da ipegueere'c naua laua't.

Jeremías 48:40 Referans Kwoze

Isaías 8:8

qaq ivira'a ye Judá da ipaxaalec qome, qataq nquictasheguem ivitta'a da iviro'ot na lqosot. Qaq nache 'eeta'am qome ca qoỹo da ỹauachiguilo naua laua't, nache imattalec 'enauac ye 'ana'alhua, 'am Emanuel.»

Deuteronómio 28:49

Ñim Nataxala', 'am namaxa qome ca shiỹaxauapi maye chegaqa'a ca ỹataqta qaỹoqta 'alhua, qaq camayepi ỹataqta sailaua'ague 'eeta'am da naloxoyaxac ca taga' da huaỹotac, cam shiỹaxauapi maye saq 'aua'axaigueta naua la'aqtaqa,

Jeremías 49:22

Na pa'aguenaxauapi anac qome da iloquiaxan ye Bosra, 'eeta'am ca vi'ic da ipegueere'c naua laua't, qaq que'eca na'a'q nache na alaataxaicpi ye Edóm, ỹataqta iviloxol qome 'eeta'am aca 'alo da deco'otac.»

Oseas 8:1

e'Auashiiyigui qome aca nasheere, cha'aye mashe anacta na vi'ic da naỹa na lma' Ñim Nataxala', souaxat da sa qaipaguelec da ñaỹamaxataxac, qataq qaỹataỹa'agueta naua ỹamaxasoxonaxaco.

Ezequiel 17:3

Nache qoneta': 'Era da la'aqtac Ñim Nataxala': Huo'o so vi'ic ỹataqta lta'araic nvita ye Líbano, soua laua't qalaq ỹataqta late'el, qataq ỹataqta logorail, qataq sansatchiguiñi na laue qataq ỹotta'a't da lo'oxoỹaxac, qaq icheguec so lcom aso 'oonole cedro,

Habacuc 1:8

Qaq ana naloxo na lalo caipi qalaq napacalec ana naloxo ca quiyoc, qataq napacalec da lchec na qa'alaqpi maye huetauga na toolec 'alhua, qataq nam nalleppi maye netalec na caipi ỹataqta nquictauec, nache da ñaq qaỹoqta qalaq ỹataqta ỹachegoxotañi na lalo caipi da nalat, 'eeta'am ca qoỹo lo'o' da decanaxan da yaqto' huo'o ca loxonec.

Daniel 7:4

So hua'auchiguiñi da nnoxoosheguem qalaq 'eeta'am na llon, qalaxaye huo'oi naua laua't 'eeta'am na vi'ic. Qaq so ñaq semeteetac, nache qanapo'c soua laua't, nache qanachalataxaañi da 'eeta'am qanqa'en na shiỹaxaua da nachattañi, nache ye lapio'oxo ỹe'eguelaxa da 'eeta'am na lapio'oxo na shiỹaxaua.

Lamentaciones 4:19

Nam qomi' icaata'ape qalaq ỹataqta qayaqaicpi napacalec na vi'ic piguem le'ec, ivira'a da sonaqtalec ana qasoxonaxapi da qomi' icaata'ape, qataq qomi' nqovi'n, ỹanalec na toolec 'alhuapi ana lqoinapi.

Jeremías 4:13

Ña qauloỹa nam pa'aguenaxauapi mashe anacta, 'eeta'am na lo'oc na piguem, ana nnaigonapi maye nalaataxaquipi qalaq 'eeta'am ana daua'ache, qaq na lalopi caipi qalaq ỹataqta qayaqaicpi napacalec na vi'icpi. ¡Choxoraiqolqa qomi' mashe seqataq!

Proverbios 30:19

So llec da laỹoxoc na vi'ic da hueto'ot na piguem, so llec na na'araxanaq da hualeguelec ana coma', so llec ana notaxaqui da quetalec ana auaxai, qataq so llec na ỹale da ca'attague' aca 'alo.

Isaías 11:14

Maye nacherata da ntauna't qome da dataira'aguet ye Filistea le'ecpi maye pa'aỹa'ague da nala' lliguiñi; qataq huaxaỹa't qome da deuotaxanec da lsallaxa yem pa'aỹa'ague da nala' lliguisheguem, qaq da la'añaxac ivira'a qome ye Edom qataq ye Moab, qataq ivira'a da choche ỹamaqtac qome ye Amón le'ecpi.