Jeremías 48:36 - La'aqtaqa Ñim Lo'onatac 'Enauacna 2013

³⁶ Qaq ỹoqo'oye añi iquiyaqte dachottai' souaxat ye Moab qataq na ỹalleppi ye Quir Jeres, sauota'a ana ỹasheere maye lataxaua da qaỹatategueua'a ca leuaxaic, cha'aye dam lsallaxa maye lapootasheguem co'ollaxa nagui deqat.

Jeremías 48:36 Referans Kwoze

Isaías 15:7

Qaq ỹoqo'oye na shiỹaxauapi laỹona't 'enauac nam logoxoshetpi, nache ỹache ira'a da pa'aicra'a so la'auaxac Álamos.

Isaías 16:11

Añi iquiyaqte qalaq cholaxan 'eeta'am aca nvique arpa, souaxat ye Moab qataq ye Quir Jaréset.

Isaías 15:5

Añi iquiyaqte qalaq huo'o da lyaxa da huo'o ca itauan ye Moab, cha'aye na hueta'a yemaye datauec nache ivitta'a ye Sóar, qataq ivitta'a ye Eglat Selisiyá. Qataq nỹeetague' quetasheguemgue na loigue ye Luhit, qataq quetague' so nqa'aic maye taỹa'a ye Joronayin na'alaqtapiguiñi da nqui'ic souaxat dam qauem maye huaigui yemaye.

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Jeremías 4:19

¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Isaías 63:15

'Am Nataxala', maye qoneto'ot na piguem, nam 'arma' maye qui'itta qataq huo'o da llo'oxoyec, ña qomi' 'anamata'alo qome. ¿Ca hueta'ague ca 'arauotaxanaqtaic qataq ca 'ara'añaxac? ¿Ca hueta'ague cam 'arhuennataxac? ¿Peta'a mashe imeuo da 'archoxonnataxanaxa da shenaqta?

Proverbios 18:11

Ca sallaxanec ipi'itaxaatega da 'eeta'am ca huaqta'a't nỹecpi da lsallaxa, qataq 'eeta'am naqa'en ca qaỹoqotcheguemec npaqtaxanaxat.

Proverbios 13:22

Ca ỹale no'on da lataxac qalaq no'onaxata'aguet na laualpi na lalamaxatpi, qaq da lsallaxa ca 'etaxaloxoic qalaq talec ca no'on da lataxac.

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

2 Reyes 3:25

Huaña, nache ỹataqta nlaxaañi se'eso huaqta'a't nỹecpi maye naña yi'iye 'alhua, qataq ỹasaxalec so coma' so nanaxanaqa'pi yi'iye 'alhua, qataq ỹapolec 'enauac so chegoqtapiguingui so npaxaatasheguem 'etaxat, qataq iquesoq 'enauac aso ỹataqta no'on qo'oipaqpi. Nachesota so huaqta'a't nỹecpi ye Quir Jaréset da no'onañi, qalaxaye so npocnaxanaxat lo'opi coleesop co'ollaxa somaye nache loxonec.

Jeremías 48:31

Qaq ỹoqo'oye aỹem ñeỹen, qataq saquicota qome, souaxat 'enauac na nhuo' le'ecpi ye Moab, qataq nam ỹalleppi ye Quir Jeres.