Jeremías 48:32 - La'aqtaqa Ñim Lo'onatac 'Enauacna 2013

³² Aỹem 'am ñeỹeelec qome, 'am uva lma' maye qoueta'a na Sibemá, napactelec da ñenoinaxac co'ollaq ñeỹeeteguelec ye Jazer. Ana 'arcouepi qalaq napacalec co'ollaxa aso auaxai, nache ivira'a ye Jazer. Qalaxaye nagui ana ala na uva maye mashe huotaique da qanqat qalaq dolachigui qome.

Jeremías 48:32 Referans Kwoze

Números 21:32

Qaq so Moisés nataqa'en ỹauo'oi co'ollaxa soua lamaxa'she da demeenaxara so huaqta'a't nỹecpi ye Jezer, nache so Israel le'ecpi ỹo'orauec co'ollaxa so amorreopi, nache ỹacona so huaqta'a't nỹecpi maye netaigui co'ollaxa somayepi.

Josué 13:19

qataq ye Quiriatayin, Sibemá, Séret Sajar, maye nalec añi lcomaraxalate yem ca'amapega't,

Jeremías 48:18

'Am huaqta'a't nỹecpi Dibón, ñaq 'aunoteeguesop nam qoueta'a maye huo'o da llo'oxoyec, nache 'anso'onangui na 'alhua maye ỹataqta deqaqta, cha'aye nam ilaxachigui na Moab mashe 'am nayeeta'a da yaqto' ilaxachigui na 'arpaqtaxanaxatpi.

Jeremías 48:15

Cha'aye mashe nayeetai' nam ilaxachigui qome ye Moab, qataq nam huaqta'a't nỹecpi maye ỹotta'a't na nañalo, qataq na no'on nsoxoppiolec qalaq ileu qome. Qaq 'era da la'aqtac Ñim Nta'a, maye le'enaxat Nataxala' maye Qaica ca Ỹaqalanapec.

Jeremías 48:8

Qaq 'enauac qome na huaqta'a't nỹecpi maye ỹotta'a't naua nañalo qanlaxaañi, nache saishet da no'onañi ca 'oonolec namayepi. Ye ca'amegue qataq ye pa'asheguem nalochiguiñi 'alhua qalaq nlachiguiñi qome. Qaq 'era da ỹa'aqtac Aỹem Nataxala'.

Jeremías 40:10

Qaq aỹem sonaña na Mispá da yaqto' aỹem qartaxaỹaxanaxañequi da sepa'aiguet na caldeopi da nvita ne'ena. Qaq qami' qalaq qavi'iguelaqỹa nam nỹecpi maye qauacoñiỹa, nache qoviỹapegue' da qauaỹamaxache na lataxa, qataq na ala na nañiguishec qataq na aceite.»

Josué 21:39

Jesbón qataq ye Jazer. Nache ivi' cuatro se'eso huaqta'a't nỹecpi maye ỹotta'a't naua nañalo, lỹaueegue' so no'onaxapi maye lquia'aqa' na 'atetpi,

Números 32:38

Nebo, Baal Megón qataq ye Sibemá, qataq naralaxat da le'enaxat se'eso huaqta'a't nỹecpi maye nauaxaỹaxaasheguem.

Números 32:35

Atarot Sofán, Jazer, Yogbeá,

Números 32:1

Qaq so maiche nhuo' le'ecpi maye chegoxoguet so Rubén qataq so Gad, qalota co'ollaxa so na'atetpi, qaq co'ollaq ila'a da 'onaxaic ye 'alhua Jazer qataq ye Galaad, da taiguet da netaña na 'atetpi,

Josué 13:25

Nache somayepi taalec ye Jazer, qataq 'enauac so huaqta'a't nỹecpi maye ỹotta'a't naua nañalo ye Galaad, qataq so laỹe som na'alhua co'ollaxa so amoniitapi, nache ivitta'a so huaqta'a't nỹecpi ye Aroer, maye datatta ye Rabá,

Números 32:3

Naua 'aleu', Atarot, Dibón, Jazer, Nimrá, Jesbón, Eleale, Sebán, Nebo qataq Beón,