Jeremías 48:3 - La'aqtaqa Ñim Lo'onatac 'Enauacna 2013

³ Qaq ye Joronayin qalaq chegoqchiguiña qome ca na'alaxac, 'eeta': ‹¡Ỹataqta imauec da qanlaxatchiguiñi!›

Jeremías 48:3 Referans Kwoze

Isaías 15:5

Añi iquiyaqte qalaq huo'o da lyaxa da huo'o ca itauan ye Moab, cha'aye na hueta'a yemaye datauec nache ivitta'a ye Sóar, qataq ivitta'a ye Eglat Selisiyá. Qataq nỹeetague' quetasheguemgue na loigue ye Luhit, qataq quetague' so nqa'aic maye taỹa'a ye Joronayin na'alaqtapiguiñi da nqui'ic souaxat dam qauem maye huaigui yemaye.

Jeremías 48:34

Na shiỹaxauapi ye Hesbón qalaq ỹa'alaqtac souaxat da nqui'ic, qaq da la'alaxac qalaq ivira'a ye Eleale qataq ye Jahas. Qataq chegoqchiguiña ye Sóar, nache ivira'a ye Joronayin qataq ye Eglat Selisiyá, cha'aye ivira'a ana 'etaxat laỹe'pi ye Nimrín da deqaqta.

Jeremías 48:5

Qaq na quetasheguemgue na loigue ye Luhit qalaq saq vi'iiguet da nnoinaxac, qataq na'alaqtapiguiñi da nqui'ic nam naỹaña ye Joronayin souaxat da nlachiguiñi ye Moab.

Jeremías 47:2

«Aỹem Nataxala', 'eeta', da ỹa'aqtac: Chegoxogue qome da sheu' ca ndep 'eeta'am so tala da ipaxaateguelec, nache ipaxaalec 'enauac na 'alhua qataq 'enauac nam huetalec namaye, nataqa'en nam huaqta'a't nỹecpi qataq nam netaigui namayepi, nache 'enauac nam netalec na 'alhua ỹa'alaqtagui qome, na shiỹaxauapi na'axannec qome da la'alaxac souaxat da nqui'ic.

Isaías 22:4

Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.

Isaías 15:8

Cha'aye da noinaxac ivira'alo naua loga'te ye 'alhua Moab, qataq da na'alaxac ivira'a ye Eglayin qataq ye Ber Elim.

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

Jeremías 20:16

¡Qaq que'eca ỹale, 'onaxaico' da 'eeta'am som huaqta'a't nỹecpi maye Ñim Lo'onatac 'Enauacna sa ichoxoren co'ollaq ilaxachigui! ¡Qataq camaye ye nte'eta qalaq hua'aqtega da na'alaxac souaxat da qui'ic, qataq da l-llimiaxa da alaataxac ye na'a'q laiñi!

Jeremías 48:4

Ye Moab ỹataqta nlachiguiñi, da na'alaxac qalaq ivira'a ye Sóar souaxat da qui'ic.

Jeremías 51:54

Chegoqchiguiña ye Babilonia da na'alaxac souaxat da qui'ic, chegoqchiguiña ye na'alhua na caldeopi da lta'araic nllimiaxa.