Jeremías 48:27 - La'aqtaqa Ñim Lo'onatac 'Enauacna 2013

²⁷ 'Am Moab, ¿peta'a saq 'avi'iitac naxa na le'ecpi Israel, qataq da 'autaqtega qalaq ỹataqta sa 'auaỹamaxatapec, 'eeta'am 'anqa'en ca cachaxaic?

Jeremías 48:27 Referans Kwoze

Jeremías 2:26

«Qaq 'eeta'am ca cachaxaic da huo'o da la'aloxo da qaỹauanalec, qaq nache 'eetec na Israel le'ecpi da huo'o qome da la'aloxo, nataqa'en na nta'alpi qataq na nataxala'pi, qataq na ntaxaỹaxanaxanecpi qataq na na'aqtaxanaxanecpi.

Sofonías 2:8

«Aỹem sa'aqchigui da lsheunaxanaxac na Moab le'ecpi, qataq da le'enaxanaxac na llalaqpi so Amón da deqat naqa'en da la'amaqchec, na ỹalamaxat nhuo' le'ecpi, qataq da na'amaqteetalec nam na'alhuapi namayepi.

Ezequiel 25:8

Aỹem Nataxala', shenapec: Ye Moab qataq ye Seír, 'eetega 'eeta'am naxa na laỹepi ỹotta'at shiỹaxauapi ye Judá.

Mateo 26:55

Nache So Jesús dataiguet so shiỹaxauapi nache, 'eeta': «¿Ta'ainco' qami' ye qauauoita'alo naua qa'ainaqalli' qataq naua qanpo'oñilli', da Aỹem qañe'egueñiỹauga, 'eeta'amo' da Aỹem laataxanaxaic? Qamaq 'enauaque naua na'axa'te qami', sapaxagueeta'ape da sootaigui añi no'onaxanaxaqui late'erai, qalaq saishet da Aỹem qauacoñiiua'a da Aỹem qaucoñiye.

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Sofonías 2:10

Qaq 'era da nsheetenaguec qome na Moab le'ecpi qataq na Amón le'ecpi, souaxat da isheueetac na lalamaxat nhuo' le'ecpi Ñim Nataxala', qataq da na'amaqten da 'eetega saishet da 'eeta'am nam lalamaxatpi, Ñim Nataxala', maye Qaica ca Ỹaqalanapec.

Ezequiel 36:4

Qaq ỹoqo'oye qami' qasoxonaxapi ye Israel, ñaq qana'axaỹaxañiỹa da la'aqtac Ñim Nataxala' maye talec aye qasoxonaxapi, qataq aye lcomaraxalatepi, qataq ye talapi, qataq ye ca'ameguepi, qataq ye nlachiguiñi maye qaica ca netalec, qataq ye huaqta'a't nỹecpi maye toolecpi ye Israel, maye nhuotta co'ollaxa so shiỹaxauapi maye lauoreuapi, qataq ne'eetapigui co'ollaxa somayepi.

Ezequiel 36:2

Aỹem Nataxala', shenapec: Na mpa'aguenaxauapi ye Israel, ipettega da mashe lalamaqtepi aye qasoxonaxapi maye chochaq tatec.

Ezequiel 35:15

'Am 'auamachiguiñi co'ollaq qailaxachigui ye 'alhua maye lalamaxat na Israel le'ecpi, qalaxaye nache qoneta'am qome da 'am toolec 'am qasoxonaxa Seír, maye qonetaigui ye 'alhua Edom. Qaq huaña qome, nache namayepi ỹe'eguelaxa da Aỹem ỹauatton da Aỹem Nataxala'.

Jeremías 18:16

Qaq 'era da 'eetec da toolec naqa'en na na'alhua namayepi, nache ỹo'ot da chochaq tatec da na'aalaxa. Qaq 'enauac nam taalec namaye, nache iconnaxaatac na lqaic souaxat da la'aalaxa.

Salmos 79:4

Nache ỹataqta qomi' ỹe'enai'salo na qarhuoreuapi, qataq qomi' ne'eetapiguilo na qomi' coleesopa.

Salmos 44:13

Nache qomi' 'auo'oteque da qomi' qaisheueeta'ape. Na qarhuoreuapi qomi' ỹe'enai'salo qataq qomi' ne'eetapiguilo.

Da na'aqtaguec so Job 16:4

Chaq 'eetec taxa ca qarataxaqui qami' da qoviita'a ye soota'a nagui, nache aỹem nataqa'en ishettaxa da qami' setaqtacoto, nache da seraxaatac na ỹaqaic da qami' llasheta'ape, qataq qalota taxa na qami' sasaxaleguete ỹa'aqtacpi.

Salmos 64:8

Namayepi huañi qome souaxat naua maiche la'aqtaqa, qaq ca ỹauaachigui qome nache ỹe'eetac namayepi.

Lamentaciones 1:7

Ye Jerusalén, iuennate se'esoua na'axa'te, co'ollaq nda'a't qataq ỹataqta daquicota, qataq iuennate 'enauac som nsallaxa maye hueto'ot soua hua'au' na'axa'te, qataq iuennate co'ollaq noxonec nache qaica ca anac da itauan, qataq so npa'aguenaxauapi, co'ollaq ila'a da qailaxachigui, nache ỹe'eetac.

Lamentaciones 1:12

¡Qami' maye qoquiitague' na nqa'aic, ña qavia'axañeeguet da qarqueuoxoqui nache qauenntaxañeelec, da huo'otaq huo'o ca qui'ic da 'eeta'am dam ñequi'ic, maye ỹauo'o da ỹataqta lta'araic ñeque'eenaxac! ¡Ñim Nataxala' co'ollaq 'eroigui da nnogoxonaxac nache aỹem namaxa de'era ñeque'eenaxac!