Jeremías 48:26 - La'aqtaqa Ñim Lo'onatac 'Enauacna 2013

²⁶ Qautaqcheche qome ye Moab, cha'aye yemaye dataỹa'aguet Ñim Nataxala'. Qaq huaña nache ye Moab ncocatapiguingui na lolaxat, nache 'enauac qome da qaỹe'eetac.

Jeremías 48:26 Referans Kwoze

Jeremías 51:39

Qaq qom mashe napaqhuec, nache ñeỹomaxangui qome cam ishet da itaqchet, nache deqat qome naqa'en da ntoonaxac. Qaq huaña, nache taigui cam chochaq tatec lo'ochaxa nache saishet qome da qaltaq nlouec. Qaq 'era da ỹa'aqtac Aỹem Nataxala'.

Jeremías 48:42

Qaq ye Moab qailaxachigui qome, nache qaica qome na shiỹaxauapi, cha'aye yemaye dataỹa'aguet co'ollaxa Ñim Nataxala'.

Isaías 29:9

¡Qaq nache qoquiito'ot qome da qaica ca qaraỹaanataxanaxaqui! ¡Qataq nache qoquiito'ot qome da sa qanauañiiñi qataq qaica ca qauloỹa'a! ¡Qataq nache qoquiito'ot qome da qavi'egochiitapigui' qoñiita'am ca taxaic, na'aictaxa da saishet da qanỹomiigui ca lataxa maye itaqchet ca shiỹaxaua!

Isaías 19:14

Cha'aye Ñim Nataxala' ỹanaigui namayepi so saqcha'a som isomaxanaqchet 'enauac nam ỹo'otpi na Egipto le'ecpi, 'eeta'am ca taxaic da anoltac qataq sa ntouen.

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Lamentaciones 4:21

¡'Am huaqta'a't nỹecpi Edom, 'Antootapigui' qataq 'auamachiguiñi, 'am maye 'aulotague' ye 'alhua Us! Cha'aye nataqa'en taỹa'a da 'am qanỹomaxangui qome ana ỹomaxaqui maye huetagui na ỹataqta chem, nache 'am itaqchet qome ivitta'a da qouetauec.

Jeremías 51:7

Ye Babilonia 'eeta'am aca ỹomaxaqui oro co'ollaq huetaigui na ihuaq lauel, nache itaqchet naxa 'enauac na huetalec ana 'alhua. Nam ỹotta'a't shiỹaxauapi nỹomtapigui se'eso lataxa, nache deqat naxa da laỹaanataxanaxac.

Jeremías 48:39

Qanỹeñiilec qome ye Moab, cha'aye yemaye nlaqaalec da lchec, ye Moab ỹe'eguelaxague da chegaqa'ague ỹachetec da la'agaxa, nache na lauoreuapi ỹe'eguelaxa da deqaiga qataq saisheteguet yemaye.

Éxodo 5:2

Qalaxaye so faraón 'enapeco': «¿Negue't que'eca ‹Nataxala'›, da yaqto' aỹem salaxaguet qataq sa'aqta'a da jec na Israel le'ecpi? Aỹem saishet da sauatton que'eca Nataxala', qataq saishet da sashen da jec na Israel le'ecpi.»

Apocalipsis 16:19

Nache se'eso qalagoxoñi 'alhua, somaye tres soua lpoxoỹaqa'ate naqa'en ye lta'araic nỹecpi ye Babilonia, qataq na hueta'a na lta'araic nỹecpi 'enauac ana 'alhua qalaq qalagoxoñi. Ñim Lo'onatac 'Enauacna saishet da icoua'ai ye nỹecpi ye Babilonia, nachaqrata da ỹauo'o so nhuaxanaguec ỹataqta qaica ca 'ena'am da lchec qataq imatalec da layeloxo.

2 Ts 2:4

Que'eca ỹale ỹataqta npa'aguene' Ñim Lo'onatac 'Enauacna qataq ivira'a 'enauac nam qoỹanot Ñimaye. Ivira'a da naña naqa'en ca nso'onqa' añi no'onaxanaxaqui late'erai da qaỹo'oxoren Ñim Lo'onatac 'Enauacna, qataq camaye huotaique da qanatameetacot da 'ena'am Ñim Lo'onatac 'Enauacna.

Habacuc 2:16

Qaq damaye saishet qome da ỹo'ot ca 'ayo'oxoyec, nacherata da 'am talec naqa'en da 'ara'agaxa, cha'aye Ñim Nataxala', 'am ỹanem qome da 'anỹomgui aca ỹomaxaqui, maye ỹo'ot da 'aula'a dam sa nateneuo 'arataxac, huaña nache da 'ayo'oxoyec nmeneguet da qaica ca 'ara'amaqchec.

Nahúm 3:11

Qaq 'am Nínive, nataqa'en 'am qaitaqchet qome nache 'am qaỹapoua'a, huaña qome nache 'anmittaique ca 'anqañoxotaqa' souaxat na 'anpa'aguenaxauapi.

Daniel 11:36

Qaq que'eca nta'a maye lma' da sheu', ỹo'ot qome 'enauac cam maiche 'eetapeguec. Qaq huo'o qome da ño'oxonnaxac, nache 'eetega napacalec 'enauac nam atamnaxala'pi, qataq qauema qome naua la'aqtaqa da isheueetac Ñim 'eesa da Lo'onatac 'Enauacna, nache 'enauac qome da saq na'aigue nam ỹo'otpi, choche ivitta'a da Ñim Lo'onatac 'Enauacna namaxa ca nhuaxanaguec camaye, cha'aye cam huotaique da ỹo'ot Ñim Lo'onatac 'Enauacna, qalaq ipacchigui qome da ỹo'ot.

Lamentaciones 3:15

Ñim Nataxala', ỹataqta aỹem nlaxatchigui da ñequi'ic, qataq ỹataqta chem som aỹem nỹomaxangui.

Lamentaciones 1:21

Na shiỹaxauapi hua'aqtega da ỹa'alaxac souaxat da ñequi'ic, qalaxaye qaica ca anac da aỹem ỹa'añaqchet. 'Enauac na ñepa'aguenaxauapi, ỹaỹaten dam qauem maye souaigui, qaq namayepi ỹataqta machiguiñi souaxat da aỹem 'auo'otec de'era. ¡Qalaxaye, 'auanacot qome cam na'a'q maye 'aua'axatta'aguet co'ollaxa, da yaqto' namayepi talec ca nque'eenaxac, maye 'eeta'am dam ñeque'eenaxac nagui!

Jeremías 51:57

Ñim Nta'a, Ñim Nataxala' maye Qaica ca Ỹaqalanapec, 'eeta': «Setaqchet qome na lataxala'pi ye Babilonia, nam ỹaanaxanaxaicpi qataq na nta'alpi, qataq na ltauapi, qataq na alleppi nache talec qome ca chochaq tatec lo'ochaxa nache saishet da qaltaq nlouec.

Isaías 63:6

Qaq ỹataqta Aỹem nlaxagui da ỹayeloxo nache rapaxañi ñaqa'en so ỹotta'a't shiỹaxauapi, qataq serolec da inogoxonaxac da selaxachigui somayepi qataq so'ot da ipaxanec quelec ana 'alhua na ltago'q somayepi.

Isaías 51:17

Ñaq 'anlouec, ñaq 'anlouec 'am Jerusalén, ña qoñesheguem. 'Am 'anque'etaxangui co'ollaxa da nnogoxonaxac Ñim Nataxala', qoneta'am ca nỹomgui aca ỹomaxaqui nache ivitta'a da qui'itchigui naqa'en, nache ivitta'a da ỹataqta da taxaic.

Isaías 10:15

Qaq ¿ishet peta'a aca qachepe da 'eetega ỹactec da la'amaqchec napacalec cam do'ogoxootega acamaye? Qataq cam nchegaxanaxat ¿napacalec peta'a cam dechegaxaatega camaye? ¡'Eeta'am aca nashelte, ye acamaye chochaq 'epaq qaq saishet da nachaca aca iraxaatapigui' cam shiỹaxaua maye ỹachetac acamaye!

Salmos 75:8

Ñim Nataxala' nasoqta'a aso ỹomaxaqui, huetagui na lataxa maye ỹotta'a't na lalegue qaq Ñimaye qom icorec somaye, nache 'enauac na qauemaicpi maye huetalec ana 'alhua, nỹomigui qome nache ivitta'a da ỹauta.

Salmos 60:3

Nache qomi' nhuo' le'ecpi maye qomi' 'aralamaxatpi, qomi' 'aỹa'anegueta na sansatta qañe'eguenataguecpi, qataq qomi' 'aỹa'anema na lataxa, maye qomi' ỹe'etaxaloqche't.

Salmos 59:8

Qalaxaye 'Am Nataxala', choche 'alashetac namayepi, 'am 'aue'enai' 'enauac na ỹotta'a't shiỹaxauapi.

Salmos 2:4

Qaq Ñim neto'ot na piguem choche lashetac qome, Ñim Nataxala' qalaq ỹe'enai' qome namayepi.

Da na'aqtaguec so Job 9:4

Cha'aye Ñimaye ỹataqta lta'araic da la'añaxac qataq da laỹaanec, ¿qaq negue'tom ca ishet da dataỹa'aguet Ñimaye nache qaica cara da nachaalataxac?

Éxodo 9:17

Qalaq ñaqaiyeta 'am ña 'anqanaxattac na ỹalamaxatpi, qataq saishet da 'auashen da jec.

Isaías 28:8

Na lquia'axala'pi qalaq nlaqaalec na lolaxat maye ỹataqta qaiqaiga, nache nam lquia'axala'pi ỹataqta qaica ca qui'itta.

Daniel 8:10

Qaq asomaye ye ỹataqta nquictasheguem, nache iviro'ot so alleppi maye hueto'ot na piguem, nache huo'o aso naañi naqa'en ana huaqaañipi, nache petapigui,

Da na'aqtaguec so Job 15:25

Qaq 'era da 'eetec cam dataỹa'aguet Ñim Lo'onatac 'Enauacna, qataq cam nshegueetacot Ñim Qaica ca Ỹaqalanapec,

Jeremías 50:29

¡Ñaq qauỹaxañiỹa 'enauac na checna lo'opi, da yaqto' iloquiaxan ye Babilonia! ¡Qanauañi' naua loiguiye ye huaqta'a't nỹecpi, yaqto' qaica ca ishet da datauec! ¡Qausheechiñiiguet dam ỹo'ot co'ollaxa yemaye! ¡Qauo'ochec yemaye da ipacchigui qanqa'eñi dam ỹo'ot co'ollaxa! Cha'aye yemaye ỹataqta Aỹem sairen co'ollaxa, Aỹem Nataxala' maye Qui'itta Natamnaxala' na Israel le'ecpi.