Jeremías 48:24 - La'aqtaqa Ñim Lo'onatac 'Enauacna 2013

²⁴ Queriot, Bosra qataq 'enauac nam huaqta'a't nỹecpi maye ỹotta'a't na nañalo ye Moab, nam saqaỹapeque qataq na qaỹoqtapi.

Jeremías 48:24 Referans Kwoze

Amós 2:2

Ỹoqo'oye sauo'o qome ca norec da ỹavic ñaqa'en yi'iye 'alhua Moab, nache que'eca norec nlachiguiñi naqa'en qome na nma' lta'araicpi ye Queriot, nache da na'alaxac da qaỹa'alaxalec da alaataxac qataq da l-lamaxa ana nasheerepi, qalaq nache huaigui qome da ileu na Moab le'ecpi.

Jeremías 48:41

Na huaqta'a't nỹecpi qataq na lpaqtaxatpi loxonec qome nam mpa'aguenaxauapi. Qaq que'eca na'a'q na alaataxaicpi ye Moab qalaq iviloxol qome 'eeta'am aca 'alo da deco'otac.

Josué 21:36

Qaq so maiche nhuo' le'ecpi maye chegoxoguetpi so Rubén, nataqa'en ỹanem somayepi ye Beser, Yahás,

Deuteronómio 4:43

Qaq 'eso som huaqta'a't nỹecpi maye ỹotta'a't naua nañalo: Beser maye huaña ye comarelecpi ye toolec 'alhua, qoỹanem na lauo' le'ecpi so Rubén, qaq soo huaqta'a't nỹecpi ye Ramot maye huaigui ye Galaad, qoỹanem na lauo' le'ecpi so Gad, qaq ye Golán maye huaigui ye Basán, qoỹanem na lauo' le'ecpi so Manasés.

Génesis 36:33

Qaq co'ollaq ileu so Bela, nache da lo'onataxanaxac da nta'a talec so Jobab som llalec so Zeraj, maye lma' ye Bosra.

Isaías 63:1

Negue't ne'ena maye chegaqa'a ye Bosra yem 'amaqtaqaic huaqta'a't nỹecpi ye Edom ỹaatrañi naua alogo togaxaraiqa, qataq qashelectrapiguiñi naua alogo qataq ỹataqta chaqaic da lqueuoxoc. Nachaỹem, maye sa'axatta'a ca nauegaxanaxac, qataq Aỹem 'añaxaic da seca'alaqtaxan.

Jeremías 49:13

Aỹem Nataxala', maiche san da ỹa'aqtac, 'eeta': Ye huaqta'a't nỹecpi ye Bosra, ỹe'eguelaxa da toolec qome qataq nlachiguiñi, nache naloqnaxanaxat da huo'o ca qaica 'enec qataq huetalec da qauem, qaq na laỹepi huaqta'a't nỹecpi maye ỹotta'a't naua nañalo, namayepi qome tatec da nlachiguiñi.»