Jeremías 48:22 - La'aqtaqa Ñim Lo'onatac 'Enauacna 2013

²² Dibón, Nebo, Bet Diblatayin,

Jeremías 48:22 Referans Kwoze

Jeremías 48:18

'Am huaqta'a't nỹecpi Dibón, ñaq 'aunoteeguesop nam qoueta'a maye huo'o da llo'oxoyec, nache 'anso'onangui na 'alhua maye ỹataqta deqaqta, cha'aye nam ilaxachigui na Moab mashe 'am nayeeta'a da yaqto' ilaxachigui na 'arpaqtaxanaxatpi.

Números 33:46

Qaltaq jec, chegoqchiguiña ye Dibón Gad, qaq co'ollaq ivita ye Almón Diblatayin, nache hua'a yemaye.

Ezequiel 6:14

Aỹem ñauaxaỹaxaasheguem qome na ihuaq, da sauo'o ca qanhuaxanaguiqui, qaq nache chegoqchiguiña qome ye toolec 'alhua maye pa'aigue da taguiñi, nache ivira'a ye Ribla maye pa'aigue da sheu', da she'eguelaxata qome da toolec qataq chaqaic na qana'alhuai, qataq 'enauac nam nma'pi maye qoñiitaña. Qaq huaña qome nache qauaỹachiñi, da nachaỹem maye Aỹem Nataxala'.»

Jeremías 48:1

Da la'aqtac Ñim Nataxala' maye Qaica ca Ỹaqalanapec, Ñim Natamnaxala' na Israel le'ecpi da ỹa'axata'a da 'eetec qome ye Moab, 'eeta': «¡Qaq choxoraxaso' yem huaqta'a't nỹecpi ye Nebo, ỹataqta nlachiguiñi qome! ¡Qaq ye Quiriatayin qalaq qanhuo' qome nache qaica ca la'amaqchec qanqa'en Qataq nam lpaqtaxatpi qalaq qailaxachigui qome!

Números 32:34

Nache so maiche nalamaxatpi nhuo' le'ecpi maye chegoxoguet so Gad, qaltaq nauaxaỹaxaasheguem co'ollaxa so huaqta'a't nỹecpi ye Dibón, Atarot, Aroer,

Números 21:30

Qomi', ỹataqta ñemataqchiguiñi da selaxataxagui, chegoqchiguiña ye Dibón nache ivitta'a ye Nofa, da ỹataqta nlachiguiñi ñaqa'enaq qataq ivitta'a ye Medeba.»

Isaías 15:2

Na shiỹaxauapi maye hueta'a ye Dibón, tasheguema ye natamnaqa' maye nalec na pa'asheguem, añi lcomaraxalate da yaqto' nỹen, qaq ye Moab qalaq huo'o da laquicoxo souaxat da qailaxachigui ye Nebo qataq ye Medeba. Nache 'enauac namayepi da namarec na lqaic qataq ana lqa' laue.

Jeremías 48:21

Mashe nvi' da nhuaxanaguec maye qaitaxaỹa co'ollaxa da talec nam huaqta'a't nỹecpi maye hueta'a ye nalochiguiñi 'alhua: Ye Holón, Jahas, Mefagat,

Jeremías 48:23

Quiriatayin, Bet Gamul, Bet Megón